دكتورة مروة القزاز - Dr Marwa El Kazzaz

دكتورة مروة القزاز - Dr Marwa El Kazzaz صيدلانية واخصائية تغذية علاجية معتمدة
ومتخصصة فى العناية بالبشرة والشعر
الصفحة تقدم معلومات طبية

17/05/2026

بكرة أن شاء الله يبدأ اول ايام ذو الحجة ويبدأ صيام اول ايام ذو الحجة أن شاء الله كل عام وانتم جميعا بخير وتقبل الله منا ومنكم صالح الاعمال.
#دمروةالقزاز
#عيدالاضحى
#ذوالحجة

لكل بنت او ست بتاخد الكورتيزون أو بتفكر تاخد الكورتيزون علشان تزيد ✍️اقرأى البوست للآخر من فضلك 🙏صحبتك نصحتك وقالتلك علش...
14/05/2026

لكل بنت او ست بتاخد الكورتيزون أو بتفكر تاخد الكورتيزون علشان تزيد ✍️
اقرأى البوست للآخر من فضلك 🙏
صحبتك نصحتك وقالتلك علشان
تزيدى فى الوزن لازم تاخدى كورتيزون وتعملى زى ماهى عملت أو حد من قرايبها عمل .
تعالى نشوف هو الكورتيزون بيستخدم لايه اساسا 👇
⬅️ أدوية الكورتيزون بتستخدم لعلاج الالتهابات وأمراض الحساسية وأمراض المناعة ولما بنيجى نوقفه ، بيتم تقليل الجرعة تدريجيا
⬅️ الكورتيزون بيعمل زيادة فى الجسم بس زيادة ليست صحية لأنها عبارة عن احتباس سوائل فى الجسم وزيادة دهون البطن والوجه
والرقبة يعنى مش زيادة فى العضلات .
من الأعراض الجانبية ليه أيضا :
★ارتفاع السكر في الدم وقد يسبب أو يكشف Type 2 Diabetes.
★ارتفاع ضغط الدم.
★ضعف المناعة وزيادة قابلية العدوى.
★ضعف العضلات وهشاشة العظام مع الاستعمال الطويل.
★اضطرابات النوم وتقلب المزاج أو العصبية.
★ظهور حب الشباب وترقق الجلد.
★اضطراب الدورة الشهرية أحيانًا.
عند الاستخدام لفترات طويلة قد يثبط عمل الغدة الكظرية ودى مسئولة عن إفراز الكورتيزون الطبيعي فى الجسم لما الجسم بيتعب علشان يقلل اى التهاب فى الجسم .
⬅️ مش بس كده اظن كل بنت وسيدة بتبحث أنها تحافظ على صحة وكثافة شعرها
تعالوا نشوف الكورتيزون بيعمل ايه
★بيسبب تساقط الشعر
★ترقق الشعر تدريجيًا مع الاستخدام الطويل.
★ضعف الشعرة بسبب تأثيره على الهرمونات والتغذية.
★أحيانًا يسبب زيادة دهون فروة الرأس أو اضطراب نمو الشعر.
وفي بعض الحالات قد يظهر شعر زائد في الوجه والجسم بدلًا من شعر الرأس.
ايه دلوقتي لسه بتفكرى تاخديه علشان تزودى وزنك ❓
ورسالة لكل ام خلى بالك من بنتك لو فكرت تاخد كورتيزون علشان وزنها يزيد لانها ممكن تضر نفسها بعد كده
دمتم بصحة وخير / #دمروةالقزاز
#زيادةالوزن
#كورتيزون

⚠️ قبل استخدام الريتينول أو الأحماض خلى بالك 🚫مينفعش تسخدميهم بشكل يومى لانها ممكن تضر حاجز البشرة!منتجات مثل: الريت...
13/05/2026

⚠️ قبل استخدام الريتينول أو الأحماض خلى بالك 🚫
مينفعش تسخدميهم بشكل يومى لانها ممكن تضر حاجز البشرة!
منتجات مثل: الريتينول
★ اللاكتيك أسيد
★ الجليكوليك أسيد
★ الساليسيليك أسيد
لا يُفضل استخدامها بشكل يومي
علشان الإفراط فيها ممكن يسبب: 🔴 احمرار
🔴 تقشير وجفاف
🔴 التهابات وتهيج
🔴 حساسية للبشرة
ومع تضرر حاجز البشرة هتبدأ البكتيريا بالدخول بسهولة 😣 فتظهر الحبوب والالتهابات أكثر
الحل؟ 👇 ✔️ استخدمي هذه المنتجات بالتدريج واختارى ٣ ايام فى الأسبوع لتطبيقها
✔️ اهتمي بالترطيب وإصلاح حاجز البشرة
✔️ لا تنسي واقي الشمس
بشرتك تحتاج توازن وليس تقشير يومي
دمتم بصحة وجمال/ #دمروةالقزاز
#بشرة
#حاجزالبشرة
#ريتينول

#تقشيرالبشرة

11/05/2026

مش معنى انك اتأذيت من شخص
يبقى كل الناس شكل بعضها
لسه الدنيا بخير
متبصش للاذية أنها أذية بص لها انها درس ربنا بعتهولك علشان تتعلم ، بس اهم حاجة خليك فاكر الدرس كويس واتعلم منه ومتكررش اخطأك
اتعلم بس متكرهش الدنيا 😊
#دمروةالقزاز

06/05/2026

واضح أن نظام الطيبات ده سمع جدا وبصراحة مكنتش عايزة اتكلم فيه قلت كده كده الناس مش هتصدق الكلام ده ولكن لقيت ناس فى الواقع بدأوا يقتنعوا بالكلام بس الاول هرد على بعض الحاجات نفطر لحمة وارز ؟
طبعا الناس بتبقى صاحية مالهاش نفس ومش بتفطر اصلا وده فى حد ذاته غلط
فيه ناس بتصحى تصلى الفجر ومش بتنام بعد كده فبتشرب كوب لبن او كوب زبادى
وبعد كده تفطر فطار محترم على الساعة ٩-١٠ ص والصح أن احنا لو هناكل وجبة دسمة أو حلويات بنفضل ناخدها فى وجبة الإفطار علشان ده اكتر وقت فى اليوم بيكون الحرق كويس ( يعنى لو تقدر فعلا تفطر اللحمة الصبح اعمل كده ومتخليهاش فى وجبة الغذاء أو العشاء )
- بالنسبة للبيض ( البيض من انظف واحسن مصادر البروتين وبياضه من احسن البروتين لمرضى الكبد ) فكرة الهجوم على. اللبن والبيض راجعة أن الدجاج او البقر بيتغذوا على أكل فيه هرمونات فبينزل فى تكوين البيضة واللبن ده اللى جاب الهجوم عليهم , مش لأنهم فى حد ذاتهم فيهم ضرر ،
أو أن فيه أشخاص بالفعل جسمهم عنده حساسية منهم فبيحصل ردود عكسية من الجسم .
أما لو انت واثق من مصدر البيض واللبن فتمام . كل ما نبعد عن اى حاجة معدلة أو مصنعة داخلة فى الاكل او مفيهاش مواد حافظة هيكون افضل .
نظام الطيبات ده داخله ٢٪ صح والباقى غلط علشان كده الناس صدقته ( يعنى مثلا البطاطس ، البطاطس من المصادر الغنية جدا بالبوتاسيوم ومليانة ألياف سهلة الهضم
بس نأكلها بطريقة صحية ومعتدلة ).
أما فكرة أننا نشرب عصائر ( وانا بتكلم هنا عن العصائر المصنعة أو (الطبيعية المحلاة بالسكر )كتير وناكل مربى ( اه احنا مش هنمنع نفسنا من أننا ندوق كل فترة بس ما يبقاش ده نظامنا الغذائى .
بالنسبة للجبنة الشيدر والمطبوخة
بيكون فيها نسبة بروتين أعلى بس
فيها دسم اكتر ( يعنى ما ينفعش تتاكل كل يوم ، أو مريض كوليسترول أو ضغط عالى يبقى ده نظام اكله ؟
_ لو مريض عنده مرض مناعى أو التهابات فى الجسم واعتماده كان على أكل فيه سكريات ودقيق ابيض حدة المرض بتزيد ولما بيقلل الحاجات دى الدنيا بتتحسن عندهم ، مريض عنده حساسية من اللاكتوز لما بيوقف منتجات الألبان الدنيا بتتحسن معاه ( بكلمكوا من واقع حالات شفتها عمليا ده غير الأبحاث
اللى اتعملت على ناس كتير وبتقول نفس الكلام )
أجسامنا مش زى بعضها وفيه ناس
عندها حالات مرضية .
فمينفعش نطلع ونعمم وتخليها قاعدة ، وما ينفعش حد يقوم يوقف علاجه ، اه فعلا فيه ناس بيكون عندها سكر نوع تانى أو ضغط عالى ولما بتظبط اكلها وتنزل الوزن وتزود الحركة كل حاجة بتتظبط وفيه ناس بتوقف العلاج ليه ؟ لأنها ظبطت اكلها ، نزلت وزنها ، زودت الحركة
انما لسه بياكلوا غلط ويروحوا يزودا الغلط ده ويقفوا كمان العلاج
ساعتها ماينفعش .
الفكرة عاملة زى اللى بيحط السم فى العسل .
وربنا قال فى سورة الأعراف أية رقم ٣١(وَكُلُوا وَاشْرَبُوا وَلَا تُسْرِفُوا)
دمتم بصحة وجمال / #دمروةالقزاز
#تغذية
#صحة

05/05/2026

طاب ايه ؟!🤔
الشتاء هيرجع تانى ولا ايه الوضع ؟!
#الطقس

30/04/2026

اللهم صلى على سيدنا محمد وعلى اله وصحبه وسلم صلاة تملأ بها بين الأرض والسموات وتبدل بها سيئاتنا حسنات يارب

كتير من الناس بتخاف تحط زيوت على. بشرتها ولكن الزيوت تعتبر من الأشياء المفيدة للبشرة ولكن لازم تكون طبيعية ومش مغشوشة .⬅...
27/04/2026

كتير من الناس بتخاف تحط زيوت على. بشرتها ولكن الزيوت
تعتبر من الأشياء المفيدة للبشرة
ولكن لازم تكون طبيعية ومش مغشوشة .
⬅️ايه أهمية الزيت ؟
الزيت بيصلح حاجز البشرة و بيعمل طبقة واقية تحجز الرطوبة داخل البشرة .

⬅️كيفية تطبيقه على البشرة ؟
اجعليه اخر خطوة فى روتين العناية بالبشرة ( بمعنى انك تحطيه على البشرة فوق الكريم أو السيرم
لو مستعملتيش كريم مرطب )
⬅️ بشرتك بتحتاجه اكتر لما الجو يكون بارد ( لأنها عرضة للجفاف فى الوقت ده )

⬅️لازم يوضع على البشرة وهى نظيفة علشان تمنعى انسداد المسام .

⬅️بتستعمليه ليلا ( علشان البشرة تستفيد منه )
⬅️ لو بشرتك دهنية : استعملى زيت مناسب للبشرة الدهنية ومش كل يوم ( يعنى ممكن ٤ ايام فى الأسبوع )
⬅️ ايه هى الزيوت المهمة للبشرة؟

✅زيت الارجان مضاد للأكسدة
✅زيت الجوجوبا مناسب للبشرة الدهنية
✅ زيت الورد بيفتح البشرة
✅زيت السكولان ده خفيف وغير دهنى
✍️ قوليلى استعملتى زيت قبل كده ؟
وايه تجربتك معاه ؟
دمتم بصحة وجمال/ #دمروةالقزاز

#عنايةبالبشرة



26/04/2026

اللهم ارزقنا من الخير فوق مانرجو وادفع عنا الشر فوق ما نحذر
#صباحالخير

#الحبوب #بشرة #دمروةالقزاز
25/04/2026


#الحبوب
#بشرة



#دمروةالقزاز

Address

Abou Hommos

Opening Hours

Monday 8:45am - 12am
Tuesday 9am - 12am
Wednesday 8:45am - 12am
Thursday 9am - 12am
Friday 9am - 11:45pm
Saturday 8:45am - 12am
Sunday 8:45am - 12am

Website

Alerts

Be the first to know and let us send you an email when دكتورة مروة القزاز - Dr Marwa El Kazzaz posts news and promotions. Your email address will not be used for any other purpose, and you can unsubscribe at any time.

Shortcuts

Share

Category