05/06/2026
حقنة تريزبتايد بتشتغل على هورمونين مهمين في الجسم هما:
- GLP-1 (Glucagon-Like Peptide-1)
- GIP (Glucose-Dependent Insulinotropic Polypeptide)
ودول اسمهم incretin hormones، وظيفتهم الأساسية تنظيم السكر بعد الأكل.
الطبيعي الجسم يفرزهم مباشرة بعد الأكل، خصوصًا لما بيدخل الجلوكوز و الدهون للأمعاء، وقتها تُفرَز من خلايا الأمعاء (L cells لـ GLP-1 و K cells لـ GIP) لتحفيز إفراز insulin وتنظيم مستوى السكر في الدم.
آلية عمل حقنة تريزبتايد ببساطة إنها بتقلد تأثير الهرمونين دول: أول حاجة بتحفز البنكرياس يفرز insulin لما بيكون السكر مرتفع، و تقلل إفراز glucagon اللي عادة بيرفع السكر، وكمان تبطئ تفريغ المعدة ف المريض يحس بالشبع لفترة أطول و يقل أكله، و كمان بتشتغل على مراكز الشهية في الدماغ ف تخفف الإحساس بالجوع، و عشان كده بتنفع في Type 2 Diabetes Mellitus و تساعد بقوة في إنقاص الوزن، و اللي بيميزها عن غيرها إنها أول دواء يجمع تأثير GLP-1 + GIP مع بعض، ودا بيدي تحكم أفضل بالسكر ونزول وزن أكبر مقارنة بأدوية تشتغل على GLP-1 وبس.
