المكتب الإعلامي لمستشفى أبو قير العام

24/08/2026

بناءً على طلب الجماهير… 🤍👀

عشان محدش يفضل محتار…
العيادة إمتى؟ وفين؟ وهل شغالة النهارده؟ 😅

جمعنالك مواعيد كل عيادات مستشفى أبو قير العام في سلسلة واحدة، عشان كل اللي محتاجه تلاقيه قدامك بسهولة، من غير حيرة ولا سؤال كل مرة 🏥💙

احفظ السلسلة، وابعتها للي ممكن يحتاجها

تحت رعاية
د/ حسام مسعد
مدير مستشفى أبو قير العام

وتحت إشراف
د/ محمد مصطفى
مدير عيادات مستشفى أبو قير العام

… لأن صحتكم تستحق الأفضل 🤍

10/08/2026

24/07/2026

مستشفى أبو قير العام تفتتح وحدة طب السمع والاتزان ✨

كم أم قلقت لأن طفلها مش بيرد عليها؟ وكم شخص تعايش لسنوات مع مشكلة في السمع أو الاتزان لأنه ماكانش لاقي الخدمة المناسبة؟

النهاردة، مستشفى أبو قير العام بتعلن افتتاح وحدة السمعيات المتكاملة، بحضور الدكتور/ محمد يحيى بدران، وكيل وزارة الصحة بالإسكندرية، وبدعم من نادي ليونز الإسكندرية جاردينيا، في خطوة جديدة هدفها إن الخدمة الطبية تبقى أقرب وأسهل لأهالي أبو قير وشرق الإسكندرية.

الوحدة بتقدم خدمات تشخيص ومتابعة اضطرابات السمع والاتزان للأطفال من سن 4 سنوات فأكثر، بالإضافة إلى البالغين، إيمانًا بأهمية الاكتشاف والتدخل المبكر في تحسين جودة الحياة.

طفل يسمع كويس، يعني فرصة أفضل للتعلم والتواصل. وشخص يستعيد سمعه أو اتزانه، يعني حياة أسهل وأكثر أمانًا. علشان كده، افتتاح الوحدة مش مجرد إضافة جديدة للمستشفى، لكنه خطوة هتفرق في حياة آلاف الأسر.

وأكد الدكتور/ محمد يحيى بدران أن التوسع في الخدمات الطبية التخصصية يأتي ضمن جهود تطوير المنظومة الصحية والارتقاء بالخدمات المقدمة للمواطنين، مشيدًا بالدور المجتمعي لنادي ليونز الإسكندرية جاردينيا في دعم وتجهيز الوحدة.

كما أوضحت الدكتورة/ فاطمة رجب، مدير إدارة ذوي الهمم بمديرية الشؤون الصحية بالإسكندرية، أن الوحدة ستساهم في دعم خدمات ذوي الهمم وتعزيز فرص الاكتشاف والتدخل المبكر لحالات ضعف السمع.

وشهد الافتتاح الدكتور/ أحمد بحلاق، وكيل مديرية الشؤون الصحية بالإسكندرية، والدكتور/ حسام مسعد، مدير مستشفى أبو قير العام، إلى جانب عدد من قيادات وأعضاء نادي ليونز مصر، والشخصيات العامة والأكاديمية الداعمة للمبادرات المجتمعية والصحية، وهم:

* الدكتور/ هشام سميح – أمين عام المنطقة 352 ليونز مصر.
* الأستاذة/ منى سميح – رئيسة نادي ليونز غرب الإسكندرية.
* الأستاذ الدكتور/ فتحي الصحن – أستاذ طب وجراحة الرمد ورئيس لجنة الأبصار.
* الأستاذة/ جيلان فرغلي – مسؤولة العلاقات الدولية بالمنطقة 352 ليونز مصر.
* الأستاذة هدى عبد العزيز – رئيسة لجنة الإعاقة الأسبق ورئيسة المنطقة 6 بالمنطقة 352 ليونز مصر.
* الأستاذة الدكتورة منال مهدلي – عميد المعهد العالي للصحة العامة الأسبق.
* الدكتورة/ أماني خالد – رئيسة نادي ليونز الإسكندرية جاردينيا.
* الأستاذة الدكتورة/ إيمان مرزوق – أستاذ طب الأطفال ورئيسة لجنة السكر.
* الدكتورة/ روحية محمد – رئيسة لجنة الكوارث.

وفي مستشفى أبو قير العام، بنؤمن إن تطوير الخدمة مش هدف في حد ذاته، لكنه وسيلة علشان حياة الناس تبقى أسهل، والخدمة الطبية تبقى أقرب لكل مريض محتاجها.

لأن في النهاية، أجمل صوت ممكن أي حد يسمعه … هو صوت الحياة وهي بترجع أقرب ليه.

.. لأن صحتكم تستحق الأفضل 🤍

20/07/2026

كل مشوار زيادة على طفلك هو تعب زيادة عليه 😓

في الفيديو، بيعرّفنا د/ محمد مصطفى، مدير عيادات مستشفى أبو قير العام، على العيادات التخصصية للأطفال المتاحة داخل المستشفى، واللي بقت مجتمعة في مكان واحد:

• روماتيزم الأطفال — السبت
• المبتسرين وحديثي الولادة — الاثنين
• أمراض الدم — الثلاثاء
• رسم الأعصاب والعضلات — الثلاثاء
• الأمراض الصدرية — الأربعاء
• المخ والأعصاب للأطفال — الأربعاء
• الإيكو للأطفال — الخميس

خليكي دايما فاكرة
وقتك مهم … وراحة طفلك أهم.

… لأن صحتكم تستحق الأفضل 🤍

18/07/2026

إيه الخدمات اللي بيقدمها قسم العظام بمستشفى أبو قير العام؟

د/ أحمد جمال، استشاري جراحة العظام، بياخدكم في جولة سريعة داخل القسم علشان يعرّفكم بأهم الخدمات المقدمة، بدايةً من التعامل مع الكسور والإصابات المختلفة، وحتى متابعة أصعب الحالات وتقديم الرعاية الطبية المتخصصة.

شوفوا الفيديو واتعرفوا أكتر على واحد من أهم الأقسام اللي بيستقبل يوميًا عددًا كبيرًا من المرضى ويقدم لهم الخدمة على مدار الساعة.

… لأن صحتكم تستحق الأفضل 🤍

16/07/2026

تتقدم إدارة مستشفى أبو قير العام بقيادة الدكتور / حسام مسعد، بخالص التعازي إلى م/ نجلاء، تمريض قسم الباطنة، في وفاة زوجها الأستاذ/ رضوان محمد عبد الجواد.

نسأل الله أن يتغمد الفقيد بواسع رحمته، وأن يُلهم أهله وذويه الصبر والسلوان.

إنا لله وإنا إليه راجعون