10/05/2026
١٠ معلومات لازم تعرفوها عن أمهات الأطفال اللي عندها ADHD..👌🤫
(١)لازم تعرفواان هي مش معاها "ريموت كنترول" لابنها
لما " خلي ابنك يبطل اللي بيعمله " هتدوس على off ، فيبطل.
(٢) هي مش عايزة تجي الزيارة العائلية، مش علشان هي متكبرة عليكو، ولا شايفة نفسها،😏
هي بس مش عايزة تحرج نفسها وتسمع كلمتين مالهوش لازمة زي اللي سمعتهم آخر زيارة.🤷♀️
(٣) متقولولهاش انتي بتعملي إيه طول اليوم؟!
هي طول اليوم في مهمة إنقاذ ابنها من كارثة محتملة، لو سابته ممكن يحصله مصيبة لا قدر الله.
(٤) لو اتعزمت على مناسبة و وافقت تجي، محدش يسألها اتأخرت ليه، مش محتاجة اقولكوا على المعركة اللي كانت شغالة علشان يلبسوا أو يغيروا اللبس اللي اتبهدل مسافة ما هي دخلت تلبس.🤦🏼♀️
(٥) يوم ال parents meeting، محدش يسألها ايه الأخبار؟
ونصيحة مني، محدش يقربلها نهائيا اليوم دا🤫
عشان هي لو اطلب منها تصلح خرم الأوزون هيكون أسهل عليها من كمية التبريرات اللي كانت بتحاول تقدمها المدرسين.😵💫
(٦) لو مخزون ال panadol في الصيدليات خلص، اعرفوا إن هي اللي خلصته ،علشان الصداع عندها "Continuous - Non Stop".🤕
(٧) لو موظفة في شركتك، اديها كذا يوم أجازة جوه الـ weekday،
بجد هتفرق معاها جدا،و هتغير نفسيتها ١٨٠ درجة و هيحسن ال productivity بتاعتها،
متعتمدش على الweek end , لان دا بالنسبالها إرهاق مضاعف، هي مش بتستريح زي باقي الناس ☝️
دي البطارية بتفضى أكتر وأكثر🤷♀️.
(٨) لو انت جوزها ، متحطش طموحات كبيرة على الطبخ و البيت المتروق، احمد ربنا ان ابنك او بنتك كويسين و بخير الحمد لله ، محدش فيهم في المستشفى، انت كدا معاك superwoman🦸♀️
(٩) لو ابنتي حماتها، ارجوكي ارجوكي ارجوكي اوعي تقارنيها بمرتات ولادك التانيين ولا بناتك 🙏
ولا تقارني ابنها باحفادك التانيين ، انتي مش متخيلة هي متعذبة مع الولد طول اليوم ازاي ..
(١٠) لو انتوا بقى صحابها، ابعتوا أطمنوا عليها من حين لآخر،
ومتزعلوش لو اتصلتوا بيها ١٠٠ مرة ،و بعتوا ١٠٠ رسالة و مردتش، هي كل مهمة إنقاذ روح.. ادعولها 👌♥️
شير علشان الناس تفهم الأمهات دي بتمر بإيه 😉😘
و قوليلي ايه اكتر نقطة نفسك كل الناس تفهمها عنك و تقدرها♥️
