GReeN AppLe DR.HadeeR Esmail

08/06/2026

لا انا مبهزرش 💪💪
نزول ١٥ كيلو دهون فقط مع زيادة الكتلة العضلية والحفاظ علي نسبة المياه بالجسم 💪💪😎
بدون أدوية أو ما شابه 👊👊👊

شوفى باقي نتايج بطلاتنا على الهاشتاج دا

07/06/2026

🚨 حقن التخسيس السريعة (ساكسيندا – منجارو – فيكتوزا)

ناس كتير بتلجأ للحقن دي عشان تنزل وزن بسرعة…
لكن الحقيقة 👇
الحقن دي خطيرة جدًا، وأضرارها ممكن تدمر صحتك!
🟢 FDA مصرح بيها من سن 12–17 سنة بس 👌
يعني مش لأي حد!

⚠️ الآثار الشائعة:
_ قئ وإسهال مزمن 🤢
_ مغص والتهاب في الأمعاء
_ صفير في الأذن
_ ارتفاع حرارة خصوصًا عند الأطفال

🔴 والأخطر بقى:
_ انخفاض السكر في الدم بشكل خطير
_ مشاكل في الكلى توصل لفشل كلوي
_ أورام الغدة الدرقية (ممكن تبقى سرطانية)
_ التهاب مزمن في البنكرياس
_ حصوات في المرارة
_ اكتئاب شديد وميل للانتحار
👈 ولما تبطليها وزنك بيرجع يزيد بسرعة!

التخسيس = نظام غذائي متوازن + تعديل عاداتك + نشاط يومي بسيط.
غير كده يبقى بتلعبي بصحتك.

06/06/2026

🍯 السكر الخفي: أطعمة بنفتكرها صحية وبندخلها فى الدايت لكنها مليانة سكر!

وكتير من الناس بتبعد عن الحلويات، لكن من غير ما تاخد بالها بتستهلك كميات كبيرة من السكر من أطعمة شكلها "صحي" زي 👇

🔸 العصائر الجاهزة وحتى بعض العصائر الطبيعية بكميات كبيرة
🔸 الزبادي بالفواكه
🔸 الجرانولا وحبوب الإفطار زي الكورن فلكس
🔸 بعض انواع البروتين بارز
🔸 العسل والتمر ودبس التمر لو زودا عن احتياج جسمنا
🔸 المشروبات الدايت

💡 المشكلة مش في الأكل نفسه...
المشكلة في الكمية وعدم الانتباه لمحتوى اكلنا .

📌 عشان كدا قبل ما تشتري أي منتج:
اقرأ المكونات وقيمة السكر الغذائية، لأن أحيانًا المنتج الصحي ظاهريًا بيحتوي على سكر أكتر من قطعة حلويات!

الوعي باختياراتك أهم من الحرمان 👌

05/06/2026

❤️ افخر بنفسك... فأنت تستحق
من أكتر البوستات اللي بحب أكتبها بعد كل عيد 🌹

كالعادة، كل متابعيني في العيادة والأونلاين كانت أيام العيد عندهم مفتوحة بالكامل، ومعظم الناس كانت بتسألني:
"هو كده كل اللي خسيناه هيضيع؟!"
وكان ردي دايمًا:
"استمتعوا بالعيد... العيد للفرحة" ❤️

وبعد الرجوع للمتابعة، كانت المفاجأة الجميلة إن أغلب الحالات نازلة في الوزن، وبعضهم حقق نتائج أفضل من المتوقع رغم أيام العيد.

وده بيأكد لنا حقيقة مهمة جدًا:
النجاح مش في الحرمان، ولا في الخوف من أكلة أو يوم مفتوح...
النجاح الحقيقي في إنك تتعلم عادات صحية تقدر تعيش بيها طول العمر.

🌱 الحياة الصحية أسلوب حياة... مش فترة مؤقتة.

وفي النهاية...
أحب أقول لكل شخص التزم، وحاول، وكمل رغم الظروف والتحديات:

افخر بنفسك ❤️
لأن كل خطوة أخدتها ناحية صحتك تستحق التقدير.

الفخر كل الفخر لكم 🌹

04/06/2026

هو انا لو خلصت سعراتي و جوعت بالليل..
ينفع اخد من سعرات بكرة ..؟! 🤦‍♀️🤣🤣

02/06/2026

رساله مبعوتالي بجد أسعدتني جدا جدا جدا❤️❤️
بعد سنه ونص من جلسات الكافيتيشن الحمد لله فضل ونعمة حقيقي اللي معملش جلسات الكافيتيشن معملش جلسات ... وثبات الميزان بدون اي زيادات الحمد لله لاكتر من سنتين ❤️❤️

01/06/2026

بناءا علي طلبكم هنقدم المعاد ساعه بإذن الله بداية من يوم الاربعاء القادم بعد بكرة هنتواجد ٨ بالعيادة بإذن الله
والحجز صباحا ف نفس اليوم بالاتصال وهيتم غلق باب العيادة الساعه ٣ عصرا
واخرنا في العيادة ٥ باستثناء الناس اللي مبلغني بشغلهم ومدون أسماؤهم
لو سمحتم احجزو عشان التكدس وحفاظا علي وقتكم
وده رقم الحجز 01226087020

وبإذن الله هعلن أسماء الفائزين ف المسابقه يوم الاربعاء القادم وكل واحد يستلم هديته يوم الاحد بإذن الله تعالي 🌹🌹🌹😎

Send a message to learn more

30/05/2026

الحمدلله خلصنا العيد و العيدية واللحمة والفته والتقلية 😋❤️
نرجع بقي لمواعيدنا الأصلية 🤣👇

26/05/2026

كل عيد وأنتم بألف خير وينعاد عليكم وعلى كل أحبابكم بالخير والصحة يارب❤️

25/05/2026

اللهم إنا نسألك راحةً في القلوب، وطمأنينةً في النفوس، وسكينةً في الأرواح.
اللهم أذهب عنا الهم والحزن، واقذف في قلوبنا نور الرجاء، وأبدل ضعفنا قوة، وخوفنا أمانًا، وضيقنا فرجًا.

اللهم لا تجعل الدنيا أكبر همّنا، ولا مبلغ علمنا، واجعل الجنة هي دارنا وقرارنا.

اللهم إنا وكلناك أمورنا كلها، فدبّرها لنا بخير، ولا تكلنا إلى أنفسنا طرفة عين🤲💚