08/10/2021
The deadly kiss( القبله القاتله)
قبله قاتله ايوه زي ما قريتي كده بالظبط قبله لطفل عند ولادته ربما تكون كافيه ان تنهى حياه هذا الطفل البرئ وتحطم آمال وفرحه اسره عانت الكثير لقدوم هذا الملاك البرئ
ازاي ممكن يحصل الكلام ده
القصه دي للي هحكيها ليكي حصلت مع الكثير من الأمهات وللأسف العاده ما زالت موجوده بينا وعشان كده هحكي القصه و هاضيف بعدها بعض المعلومات للي هتفهمك اي هي القبله القاتله دي وذلك للتوعيه وعشان نحمي أطفالنا
القصه بدات بالسيده (س) التي عانت الكثير والكثير حتي حملت وجاء اول طفل واول فرحه للاسره ليمتلئ البيت بالفرح بعد ما كان الحزن يخيم عليه وجاء لها القريب والبعيد ليهنئها ويبارك لها وإذ بالسيده (ص) تريد ان تظهر مدي حبها وفرحتها للسيده (س) وتاخد الطفل منها لتهشكه وتقبله بين شفتيه وتنتهي اللحظه
وهي لا تدري انها حامل لفيروس هربس ولكنها لا تعاني من اي اعراض ويمر يوم ويوم اخر وإذ بالطفل البرئ يظهر عليه طفح جلدي يزذاد بدون توقف وفجأه يدخل الطفل في تشنجات وما هي إلا ساعات من محاولات بائسه من الأطباء وتنتقل روح الطفل البرئ الا خالقها وتتحطم آمال الاسره من جديد
لحظه صادمه فعلا لحظه تذرف العيون فيها دما بدلا من الدموع
تخيلي سيدتي هذه القصه الحقيقيه والتي تكررت مرات كثيره كانت لا تحدث فقط أن نمنع السيده ص من أن تقبل الطفل بعد الولاده ونجنب أطفالنا ونحميهم من تلك العاده السيئه
معلومات ليكي عن الهربس اي طبيعته وكيف يتنقل ومدي خطورته ومشكلته علي الكبار ولا الأطفال بس
الاسئله كلها دي دارت في بالي زي ما دارت في بالك كده وعشان كده تعالي نكمل مع بعض وتعرفي اجابتها كلها
الهربس ده فيروس بيتنقل عن طريق الاتصال المباشر بالشخص المصاب زي ما حصل في القصه للي ذكرناها سابقا
وخطورته بتكون اكتر مع الأطفال للي لسه مولوده لكن في الكبار طالما المناعه كويسه مفيش مشاكل منه نهائئ وممكن يكون الإنسان حامل للمرض ومظاهرش عليه حاجه زي ما كانت السيده ص كده
الأطفال بقي يتنقلهم ازاي
ممكن من آلام نفسها أثناء الولاده لو الهربس موجود في الجهاز التناسلي وهنا ينصح ان الولاده تكون قيصري لو كانت السيده تعاني منه للمره الاولي لان نسبه أصابه الطفل هتكون عاليه جدا ٤١ ٪ عكس لو كانت اتصابت بيه كذا مره فممكن تولد طبيعي لان نسبه الاصابه هتكون منعدمه من صفر ل اقل من ٣ ٪
او ممكن بنسبه ٢٥ ٪ يعني الربع تقريبا يتنقل بعد الولاده من المرافقين بقي زي ما حصل من السيده ص في قصتنا
بياجي ازاي
حوالي ٣٠ ٪ بيكون بدون اي مشاكل أصابه موضعيه وبيخف بعد كده بدون مضاعفات
لكن الاغلبيه العظمي ٧٠ ٪ بيتطور وينتشر في الجسم كله او يوصل للمخ والجهاز العصبي ويعمل تشنجات وده نسبه الوفيات بتوصل فيه ل ٧٠ ٪ ووللي هيعدي هيكون عنده اعاقات بردو يعاني منها طول حياته
في النهايه
هي نصيحه واضحه بدل الدوامه دي بلاش بلاش تخلي حد او حتي انتي يبوس الطفل بعد الولاده
وشكرا للمتابعه واسف للاطاله
والمتابعه المزيد الرجاء متابعه الصفحه
د عبدالله محمد سيد
