يوميات مامت بيشوي

Directions

يوميات مامت بيشوي كل مايتعلق بعالم الطبخ والمطبخ اكلات مميزة وفريدة بجميع انواعها ❤️ ويوميات بسيطة وحكايات زمان
(10)

هو لية اليوم بيجري في المدارس واحنا نجرى وراة ومش ملاحقينة 🥺😭😭نصحي نجري ع المدرسةنجري نروح من المدرسةنجري ع الحصةنجري ع ...
25/09/2026

هو لية اليوم بيجري في المدارس واحنا نجرى وراة ومش ملاحقينة 🥺😭😭
نصحي نجري ع المدرسة
نجري نروح من المدرسة
نجري ع الحصة
نجري ع البيت
نجري ع الاكل
نجري ع المواعين
نجري ع غسيل عاوز يتغسل وغسيل عايز يتنشر وغسيل عاوز يطبق 😭😭
نجري ع المذاكرة اللي مبتخلصش
نجري ع الشقة اللي مبتنضفش
نجري ع اللانش بوكس
ونجري نجري نجررررررري 🥺🥺🥺
اليوم كلة جري
ماعدا حاجة واحدة مبنجريش عليها هي نفسنا 💔💔

سلسلة التوفير مش بس في الاكل وبرضو في المنظفات💙💙💙 وشعارنا توفير من مطبخنا💙💙💙اقل عبوة من سائل تنظيف المواعين بتوصل ل 90 ل...
24/09/2026

سلسلة التوفير مش بس في الاكل وبرضو في المنظفات

💙💙💙 وشعارنا توفير من مطبخنا💙💙💙

اقل عبوة من سائل تنظيف المواعين بتوصل ل 90 ل 100 جنية
لكن عملت الكمية دى كلها وعلي فكرة مركزة مش خفيفة
باقل من 50 جنية 🤗🤗🤗

بجيب عبوة كيس عامل 50 او اقل حسب ما بيتباع عندك

كيس سائل وكيس بودر وفي طبق كبير بقلبهم مع بعض وفي
طبق كبير بزود حبة حبة مية
لغاية ما اوصل للقوام اللي محتاجة 👌👌
خفيف او تقيل
انا بعملة تقيل علشان ميبقاش عندى ازايز كتير بريل فبعملة مركزة في ازازة او اتنين وانا بخففة تاني لما بستعملة في الازازة بتاعة غسيل المواعين 👌👌
موفر جدااا وبيقعد فترة كبيرة جدااا معايا وبيرغي ومش بينشف الايد خالص
بجيب نوع حلو جداا بيرغي وبرائحة اللمون حاجة كدة تحفة
لان في انواع مضروبة بتبقي قوامها لازج ومش بيرغي
هسيبلك صورتة في اول تعليق مثبت في الكومنتات 👌❤️❤️❤️
لو لقتية هاتية
دمتم شاطرين وموفرين ياحلي مامي 💪♥️♥️

🕊️ بعض الصباحات تُشبه القصائد… قهوة دافئة، ونغمة هادئة، وقلب ممتلئ بالحب، يهمس: "اليوم مختلف… وسيكون جميلًا بإذن الله." ...
24/09/2026

🕊️ بعض الصباحات تُشبه القصائد… قهوة دافئة، ونغمة هادئة، وقلب ممتلئ بالحب، يهمس: "اليوم مختلف… وسيكون جميلًا بإذن الله." 🤍☕✨
صباح يليق بالأرواح الجميلة، وبالأمنيات التي تنتظر أن تزهر. 🌿☕🦋

تفاصيل بسيطة، ومسؤوليات كتير، وقلب أم بيحاول يخلي كل حاجة ماشية بحب 🤍❤️❤️ #روتين #فيسبوك #مدارس
23/09/2026

تفاصيل بسيطة، ومسؤوليات كتير، وقلب أم بيحاول يخلي كل حاجة ماشية بحب 🤍❤️❤️

#روتين #فيسبوك #مدارس

ابني طول اليوم بعد ما يرجع من المدرسة والحصص ع الوضع دة 😉😂
23/09/2026

ابني طول اليوم بعد ما يرجع من المدرسة والحصص ع الوضع دة 😉😂

🍲لو زهقتى من الاكل ومش عارفة تعملى ايه تعالى اقولك👇👇جبتلكم وصفات واطباق بتفتح النفس.🍲🍔ممكن تعملى بطاطس تديها غلوه فى ملح...
23/09/2026

🍲لو زهقتى من الاكل ومش عارفة تعملى ايه تعالى اقولك
👇👇جبتلكم وصفات واطباق بتفتح النفس.🍲

🍔ممكن تعملى بطاطس تديها غلوه فى ملح وخل وتطلعيها تصفيها وتقليها تطلع معاكى فارم فريتس

🍔وممكن تعملى شكشوكة بيض🥘 وهى انك تقطعى بصلة قطع صغيرة خالص وتشوحيها مع حتة سمنة وتقطعى طماطميتين وتنزليهم على البصل وتحطى فلفل اسود وملح تخليهم لحد ما لطماطم تتهرى وتنزلى البيض لحد مايستوى مع التقليب

🍔او قشرى بتنجان 🍆🍆 وتبليه بالملح واقليه واعمليلة دقة عبارة عن توم وفلفل مدقوقين وملح وكمون تبلى بيهم البتنجان المقلى واعصرى عليهم فى الاخر نص لمونة

🍔ممكن تعملى مسقعة مشطشششطة🌶️ تجيبى طاسة تقلى فيها بتنجان 🍆 وبعدين تجيبى طاسة تانيه تحطى فيها زيت وتقلى فى الزيت قرون فلفل وقطعيها من الجنب علشان مايطرطش زيت برة وتكونى مقطعة فصين توم وتنزليهم على الفلفل وبعد كده نزلى عليها طماطم🍅 مقطعة صغير سيبيهم لحد مايقربوا يتسبكوا وحطى عليهم كمون وملح ونزلى البتنجان وسبيه لحد مالطماطم تتسبك ( وكل مالفلفل كتر كل مالطعم بقى اجمد)

🍔وفى كمان كشرى اصفر وهو عبارة عن عدس اصفر ورز بنفس الكمية او العدس اكتر شوية فى حلة حطى شوية سمنة شوحى بصلة صغيرة خالص وبعدين نزلى الرز والعدس وحطى عليهم ميا وملح وفلفل اسود سيبيه يتشرب وبعد كده وطى النار عليه واعملى جنبه سلطة خضرا او اقلى فلفل وحطى عليه فص توم دقاة مع كمون وملح وبعد كده طماطم لحد مايتسبكوا وبعدين اغرفيه وكليه مع الكشرى ده

🍔وفى فكرة حلوة قوى وانتى بتقورى الكوسة للمحشى اوعى ترمى القلب لااااا شيلى الباقى فى كيس فى الفريزر وفى مرة خرجيه وافرمى بصلة مع بقدونس وكزبرة خضرا واخلطيهم مع فلفل اسود وملح وحطيهم فى صينية وعليهم بيض مخفوق ودخليه فى الفرن

🍔او لما بتعملى الفراخ كل جمعى الكبد والقوانص وفى يوم تكونى عايزة تمشيه خرجيهم وشوحيهم مع البصل وجنبهم شويه مكرونه محمره أو بالطماطم🥔

🍔وممكن كمان تسلقى بطاطس وتحطى عليها ملح وكمون وتهرسيهاا فى بعض وتغرفيه فى طبق وتحطى على الوش زيت زيتون

🍔البيتزا لما تيجى تعمليها وتزيد من العجينة حطيها فى كيس فى الفريزر وطلعيها وقت ماتحبى وهتفضل محتفظة بالخميرة فيها وهتنفش عادى

🍔ممكن كمان تعملى صينية بتنجان باللحمة المفرومة تقلى البتنجان وترصيه فى صينيه فرن وتعصجى لحمة مفرومة تفرديها على وش البتنجان وتحطى على وشها حلقات فلفل رومى وفوق على الوش اعصرى كام طماطمية من غير ميا وحطيها ورشى عليها ملح وفلفل وبهار

🍔القرنبيط هاتى منه كمية واسلقيه واحفظيه فى اكياس على قد الاكلة وطلعى وقت ماتحتاجى

🍔لو عندك شوربة زادت احفظيها فى الفريزر وفى مرة هاتى كيلو كوسة واحشيه وتسقيه شوربة

شوية تفاعل بقى عشان الكل يستفيد واجيبلكم افكار جديده
ماتنسيش عشر ملصقات قبل ما تطلعي😘😘

"أحب الصباحات ♥️🌞🍀 بأصوات الطيور على الشجر🐦 و دعاء الأمهاتضوء الشمس على زجاج النافذة ☀️ ولحظات التأمل، أحب كل شيء يدخل ...
23/09/2026

"أحب الصباحات ♥️🌞🍀
بأصوات الطيور على الشجر🐦 و دعاء الأمهات
ضوء الشمس على زجاج النافذة ☀️
ولحظات التأمل، أحب كل شيء يدخل النور إلى روح الإنسان "🕊️🕊️🌱🌱

فيه سلوك نفسي غريب اسمه «تأجيل النوم الانتقامي»..💔💔 إنك تبقى عارف إنك تعبان ومحتاج تنام، ومع ذلك تفضل صاحي…🥺 تتفرج على ا...
21/09/2026

فيه سلوك نفسي غريب اسمه «تأجيل النوم الانتقامي»..💔💔

إنك تبقى عارف إنك تعبان ومحتاج تنام، ومع ذلك تفضل صاحي…🥺
تتفرج على اي حاجه ، تمسك الموبايل، تفكر، أو تعمل أي حاجة غير إنك تنام.😢

مش لأنك مش نعسان…
لكن لأنك حاسس إن اليوم كله كان ملك الي حواليك ، وعايز حتى كام ساعة يكونوا ملكك.

كأنك بتقول لنفسك:
«أنا طول اليوم بعمل اللي لازم يتعمل لكل الي حواليا…
طب إمتى أعيش أنا؟»

فتسرق من نومك شوية وقت،
مش حبًّا في السهر…
لكن محاولةً لاسترجاع جزء صغير من حياتك.

وبكرة تصحى مرهق،
وتلوم نفسك إنك ما نمتش بدري…
مع إن الحقيقة إنك كنت بتحاول، ولو بشكل غلط، تاخد حقك في نفسك 💔

"بعض الأشياء ليست مستحيلةلكنها لم تكتب لنا "✨
21/09/2026

"بعض الأشياء ليست مستحيلة
لكنها لم تكتب لنا "✨

«مش كل يوم لازم يكون مليان أحداث… ساعات هدوء البيت لوحده كفاية ❤️»
21/09/2026

«مش كل يوم لازم يكون مليان أحداث… ساعات هدوء البيت لوحده كفاية ❤️»

Address

Asyut

Website

Alerts

Be the first to know and let us send you an email when يوميات مامت بيشوي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category