دكتوره آيه عبد القادر ذكى

02/06/2026

ابطال كتير بيتضايقوا لما بطلب منهم جدول قياسات و ان دا🌹 يبقى روتين حياتنا فى القياسات و فاكرينها غلاسه منى🙈
بس الحقيقه ان اى حد من ابطال النوع الاول القياسات المستمر مش رفاهيه عنده ولا ينفع يعتمد على اى أعراض تقوله سكره مظبوط او مرتفع او عنده هبوط
لان اوقات مع تقدم الوقت الجسم بيفقد الوعى و الشعور بهبوط السكر و دا اخطر حاجه بيتعرضلها اى بطل مسكر
هبوط السكر مش هزار لانه بيأثر على كل الجسم و خصوصا المخ
عشان كدا لازم نقيس باستمرار و مانسيبش الأمور للصدفه
دكتوره آيه عبد القادر ذكى
معاكم فى اى استفسار
#الصحه
📌العياده -اسيوط برج الشيماء الدور الاول امام محطه القطار
📞للحجز و التواصل 01024642150

30/05/2026

✨ خبر رائع لأبطال السكر ✨

الآن ظهر جيل جديد من الأنسولين المستنشق “Inhaled Insulin” كبديل سريع لبعض جرعات الأنسولين بالحقن، وده يعتبر خطوة مهمة جدًا لتسهيل حياة مرضى السكر خاصة الأطفال والمراهقين 💙

🔹 ما هو الأنسولين المستنشق؟
هو أنسولين سريع المفعول يتم استنشاقه عن طريق جهاز صغير بدل الحقن قبل الوجبات.

🔹 ما الجديد؟
وافقت هيئة الغذاء والدواء الأمريكية FDA مؤخرًا على استخدام الأنسولين المستنشق Afrezza للأطفال والمراهقين من عمر 6 سنوات فأكثر، ليصبح أول أنسولين مستنشق معتمد للأطفال المصابين بالسكر. ([MannKind Corporation][1])

🌟 مميزاته:
✔️ يقلل عدد الحقن اليومية
✔️ سريع المفعول ويبدأ العمل بسرعة مع الوجبات
✔️ سهل الاستخدام أثناء المدرسة أو السفر أو النشاط الرياضي
✔️ يساعد بعض الأطفال الذين لديهم خوف شديد من الإبر
✔️ يعطي مرونة أكبر في الحياة اليومية

⚠️ مهم جدًا:
الأنسولين المستنشق لا يُستخدم لكل الحالات، ولا يغني دائمًا عن الأنسولين طويل المفعول، ويجب استخدامه فقط تحت إشراف طبي متخصص.

🚫 لا يُستخدم لبعض المرضى الذين لديهم:
• مشاكل أو حساسية بالرئة
• الربو أو أمراض تنفسية مزمنة
• التدخين

🩺 قبل استخدامه قد يحتاج المريض لعمل تقييم لوظائف الرئة.

💙 التطور الطبي في علاج السكر مستمر، وكل يوم يظهر أمل جديد يجعل حياة أطفال السكر أسهل وأكثر راحة وأكثر أمانًا.

👩‍⚕️ عيادة دكتوره آيه عبد القادر ذكى
أخصائى طب الأطفال و السكر

[1]: https://investors.mannkindcorp.com/news-releases/news-release-details/mannkind-announces-fda-approval-afrezzar-first-and-only-inhaled?utm_source=chatgpt.com "MannKind Announces FDA Approval of Afrezza®, the First and Only Inhaled Mealtime Insulin for Use in Children and Adolescents Aged 6 and Older Living with Diabetes | MannKind Corporation"

27/05/2026

27/05/2026

عيد سعيد عليكم يا رب و على كل احبابكم❤️❤️❤️
و يا رب العام القادم نكون جميعا فى مكه نؤدى فرائض الحج
و يارب كل يوم تبقوا فى خير و صحه و سعاده و هنا❤️❤️❤️❤️
ناكل لحمه بس مانكترش بقى😅

20/05/2026

ايفنت سوبر ماما ٢٠٢٦
اليوم اللي بستناه دايما عشان بيجمعني باجمل و اشطر امهات في الدنيا و اجمل ابطال مسكرين
و اليوم كان مميز اوي عشان كانت معانا ماما شيماء العدوي ام كل الابطال المسكرين
و اجمل و اشطر دكاتره دكتوره دينا كمال د كاترين صديق د سميره فوزي د نهي عمر د مريم رشدي
و مثقفين سكريين د رنا و استاذه اسماء فوزي
و شركاء النجاح شركه الهدي care sense اللي قدموا علب شرايط قياس سكر لكل الاطفال و الجزء الترفيهى مع فريق ابتسامه
و معمل الفا اللي عمل تحليل سكر تراكمي مجاني لكل الابطال
و شركه سانوفي اللي قدموا دعم كبير للاطفال و الامهات
و شكر خاص لمؤسسة وصاية و موسسة pumpkin و شركه Medtronics medconsult لتقديم مضختين سكر مجاني لاتنين من ابطالنا
شكرا لكل حد كان موجود في اليوم دا
و نلتقي في ايام و ايفنتات تاني قريبا ان شاء الله

17/05/2026

رحبوا معانا بالابطال الفائزين بمضخه انسولين❤️
G720
ضمن فعاليات ايفنت سوبر ماما ٢٠٢٦ و لأول مره على هامش مؤتمر جمعيه صعيد مصر للتغذيه العلاجيه والميتابوليزم
تم اختيار الابطال عن طريق اجابه أولياء الأمور على فورم🎯 التسجيل الخاص بالايفنت و اللى من خلالها عرفنا حاله الاطفال و من هم أكثر احتياجا للمضخه
نتمنى أن تكون المضخه باب خير جديد للأبطال 🙏
و تابعوا معانا قريبا صور تركيب المضخه
بنشكر جزيلا استاذه شيماء العدوى ام الابطال المسكرين و❤️🌹 مؤسسه وصايه و مؤسسه pumpkin و شركه ميدترونيكس
على تبرعهم بالمضخه مجانا بالكامل للطفلين
#الصحه

02/05/2026

علاج السكر من النوع الأول بالذات ٩٠% منه هو فهم طبيعة المرض و طرق التعامل معاه و ازاى نتلافى الأخطاء الشائعه و نصحح المفاهيم المعلومه عشان نوصل باولادك لبر الأمان
عشان كدا جايبنلكم ورشه عمل
Diabetes Management Roadmap
(mastering emergencies ,avoiding errors & building everyday skills)
موجهه لاطباء الامتياز و التمريض و الكوادر المساعده للاطباء🎯
هنتكلم و نسمع بعض و نتناقش ف كل مايخص السكر من النوع الاول
🎤المحاضرين
دكتوره آيه عبد القادر ذكى اخصائى طب الاطفال و السكر و� الغدد الصماء بتأمين صحى اسيوط و عضو المجلس الطبي٠ لمؤسسه Wesaya - وصاية "The Egyptian Advocates Society"
و الرائعه ام الابطال المسكرين
استاذه شيماء العدوى 🎤
مثقف سكرى معتمد
و مسؤول حقوق المرضى بمؤسسة وصاية

نلقاكم بخير يوم الخميس ٧ مايو الساعه ٣ عصرا📍
بالمبنى الادارى بجامعه اسيوط📌

للحضور الرجاء التسجيل فى اللينكات المرفقه
لينك تسجيل التمريض👇
https://docs.google.com/forms/d/e/1FAIpQLSdcy9XDHTSbVHlAFbKWZUHpR_yRFY5z_eNJsZpx8ghEAmJkmA/viewform?usp=publish-editor

لينك تسجيل اطباء الامتياز 👇
https://docs.google.com/forms/d/e/1FAIpQLScUWPg3JyY-p260WBUCJrZ238FVCmJnBFMF8I5ag1lSGVHKfg/viewform?usp=publish-editor

30/04/2026

الايفنت المنتظر وصل يا حبايبى❤️❤️❤️❤️❤️❤️
🥰سوبر ماما لأجمل ابطال مسكرين و أعظم امهات🥰
و السنادى انتظروا ايفنت مختلف خاااااالص و مفاجأت كتيره جدا و احلى مفاجأه فيهم وجود ماما شيماء العدوى ❤️❤️❤️❤️❤️ Shaymaa Hasan Eladawy
ماهو لما جمعيه صعيد مصر مع مؤسسه وصايه يعملوا ايفنت اكيد هيبقى عظمه👌👌
يلا سجلوا في اللينك الخاص بالحضور
عشان نقدر نحضر
https://docs.google.com/forms/d/e/1FAIpQLSff6OJiy1ROreBY0hU0V3NkqgCUrD576rZNwIL7QKD9AxgubQ/viewform?usp=header

إيفنت سوبر ماما ✨ في أسيوووووط
بالتعاون بين مؤسسة وصاية للرعاية الصحية والأنشطة التدريبية
و بين جمعية صعيد مصر للتغذية العلاجية والميتابوليزم

💙 يوم ترفيهي تثقيفي مميز
بحضور نخبة من الأطباء والمثقفين السكريين المعتمدين
👩‍👧‍👦 علشان ندعم كل سوبر ماما ونكون جنبها في رحلة السكر

رحلة وصاية بتبدأ من أسيوط وهتلف كل محافظات مصر 🚉🚙✈️

التاريخ 📅 الخميس 7 مايو
المكان 📍 جامعة أسيوط
المعاد ⏰ من 10 صباحًا إلى 2 ظهرًا
💬 مستنيينكم يوم مليان دعم، معرفة، وأنشطة حلوة ليكم ولأولادكم

رابط التسجيل 👇🏽👇🏽👇🏽

https://docs.google.com/forms/d/e/1FAIpQLSff6OJiy1ROreBY0hU0V3NkqgCUrD576rZNwIL7QKD9AxgubQ/viewform?usp=header

مؤسسة_وصاية #
#مصر #شيرفالخير
#أطفالناوالسكر #مؤسسةوصاية

22/04/2026

📢📢 وقت فى النطاق 91%🥰🎯🥰👌
بطلنا الجميل اتشخص قبل رمضان على طول بسكر من النوع الأول بدأنا علاج على طول و متابعه مستمره و بدأنا استخدام السنسور و دى النتيجه👇
وقت فى النطاق 91%
يعنى تحكم شبه كامل للسكر طول اليوم
شايفين الكيرف و شكله على مدار اليوم ازاى تقريبا ثابت مافيش طلوع و نزول
الفضل ف كدا الام اللى بتتابع و تتعلم و تحسب بمساعده التكنولوجيا...
التكنولوجيا ف السكر مش رفاهيه هى اساس و عامل كبير فى ظبط مستوى السكر ف الدم
عياده د آيه عبد القادر ذكى 📌
برج الشيماء الدور الاول امام محطه القطار 📍
01024642150📞

#الصحه

12/04/2026

لكل اللى سأل عن المبادره الرئاسيه لأبطال السكر 👇 نقلا عن ام الابطال المسكرين استاذه شيماء العدوى ❤️

إسم المبادرة : أبطالنا السكر
نوع المبادرة : مبادرة رئاسية
( مبادرة رئيس الجمهورية لرعاية أطفال السكري)

🔴ايه الي بتقدمه المبادرة ؟
المبادرة واعدة جدا و هتقدم حاجات كتير للأطفال من سن يوم و حتى ١٨ عام
لكن حاليا بدأت بإنها تقدم للأطفال جهاز قياس السكر بدون وخذ
يعني بدون شك أو ألم ... المبادرة مجانية تماماااااااا

🔴إيه الأعمار الي بتدعمها المبادرة؟
الأطفال من سن ٤ ل ٦ سنوات

🔴وباقي الأعمار ؟
هيجي دورهم أكيد بس البداية بالأطفال الصغيرين أولا و بعد كدة هيبقى الأكبر .

🔴المبادرة في القاهرة فقط ؟
حاليا بدأت المبادرة من القاهرة و على آخر السنة هتكون وصلت ل٨ محافظات ، لم يتم الإعلان عنهم و بعد كدة هيجي دور كل المحافظات

🔴المبادرة في كل فروع التأمين الصحي في القاهرة ؟
لأ .... في مستشفى أطفال مصر و بعد كدة هيتم الإعلان كل ما يوزعوا في مستشفى جديدة و لم يتم الإعلان عن خريطة الفروع الي هيتم فيها ده

وطبعا للأطفال الي مقيدين تبع مستشفى أطفال مصر و مسجلين فيها
يعني ماينفعش الطفل يكون مسجل في فرع تأمين خالص ويروح يسجل في مستشفى أطفال مصر علشان ياخد سنسور أو يحول من مكانه ليها .

🔴كيفية التقديم عن المبادرة ؟
الأربع من كل أسبوع ممكن تقدم لطفلك الي متسجل أصلا في مستشفى أطفال مصر ، هما هناك هيقولولك الشروط و المطلوب
وطبعا التسجيل كمان مجانااااااااااا

🔴المبادرة هتبدأ إمتى ؟
هي بدأت بالفعل و الأطفال الي سجلوا و انطبقت عليهم الشروط و استوفوا أوراقهم .. ركبوا سينسور فريستايل ليبري ٢ من شركة Abbott الأهل بياخدوا تدريب عليه في مركز السكر في مستشفى أطفال مصر

تابعوا دائما صفحة وزارة الصحة والسكان المصرية كمصدر رسمي لأخبار المبادرات

مبروك لكل أبطالنا السكر ❤️ وربنا يرزق بلدنا برزق أولادنا ❤️