28/08/2026
خلاص هتولدي......
ماتنسيش بقي،،
☝️السرسوب دا ذات قيمة وفوايد ربانية لاحصر لها ،، حوالي ٢٥-٣٠ سم وكافي جداً للطفل في اول ٤٨ ساعه،، متحرميش طفلك منه ورضعيه اول ماتفوقي
☝️متسمعيش كلام تيته ولا دكتور يقولك اديله لبن صناعي علي طول ،، فيه شروط علشان نلجأ ليه ،، وعدم توافرها ميعطيش الحق لاي حد يوصف لبن صناعي من الاول 😡
☝️الطفل بيخس في اول ١٥ يوم حوالي ١٥ ٪ من وزنه ودا طبيعي،، اوعي تفقدي الثقه في نفسك وتديله لبن صناعي بغرض المساعده ،، انتي كدا مش صح😤،، خليكي واثقة في نفسك وتابعي الوزن
☝️حقنة فيتامين ك في اول ٢٤ ساعه من الولاده مهمه جدا للبيبي
☝️الجرعة الصفرية للإلتهاب الكبدي ب ،، في مكتب الصحه في اول ٢٤ ساعه من الولاده
☝️عينة الكعب في مكتب الصحه من اليوم التالت للسابع .. ضروري لاستبعاد مشاكل الغدة الدرقية والتمثيل الغذائي
☝️الشور بعد ٢٤ ساعه للبيبي ومتخافيش علي السرة
☝️ظبطي اكلك وزودي في التمر والحلبة والعصاير والخضروات والمية،، هتفرق في زيادة اللبن
☝️قللي الاكل اللي فيه سعرات حرارية وكافيين وموالح زيادة ومسبكات وانسي عيشة الرفاهية ،، بقيتي أم خلاص 😜
☝️فيتامين د للبيبي من اول يوم ڤيدروب
☝️الاوميجا٣ للام المرضعه أثبتوا انه ليها تأثير علي النضوج الذهني للبيبي واللي هيفيده من خلال اللبن
☝️الرضاعة من الثدي الواحد ع الاقل ١٠ دقايق وحسب رغبة الطفل،، وصول البيبي للبن نهاية الرضعه مهم هيفرق معاكي في زيادة اللبن ،، ومعاه في راحة معدته ومعدل زيادته، والرضاعة تكون حسب رغبة الطفل مش بالساعة
☝️هتقضيها اول ٤ شهور
خنفره وعطس وكحة بسيطة،،
انتفاخات ومغص وحزق ،،
فطريات،،
☝️كريم حفاضات يكون فيه زنك عند غيار كل حفاضه
☝️بترضعي طبيعي كويس،، بتدي لبن صناعي غصب عنك بس نوع كويس ،، الفيصل فقط زيادة_الوزن
بالمعدل دا 👇
اول ٤ شهور ---->٧٥٠ جم لكل شهر
تاني ٤ شهور ---> ٥٠٠ جم لكل شهر
تالت ٤ شهور----> ٢٥٠ جم لكل شهر
☝️بلاش اعشاب في اول ٦ شهور ،، هتأثر علي تغذية الطفل
☝️نومك تقيل ،، متنيميش البيبي جنبك علي طول لحد ماتتعودي علي وجوده
☝️لو جاله الصفرا ،، ارجوكي بلاش لا لمبة ولا كشاف ولا جلوكوز ،، الرضاااعه فقط ومتابعة معدل الزياده مع الدكتور ،، يا هيحتاج علاج ضوئي في الحضانه ،، ياهيفضل جنبك في البيت ،، بس
☝️نوم البيبي علي ظهره وبس،، غير كدا غلط
لو عايزه تنيميه علي بطنه او علي جنبه لازم تكوني جنبه مصحصحه وشايفه اتجاه التنفس فين،،
☝️لازم يكون معاكي حد يساعدك وبالأخص لو اول بيبي،، اكتئاب ما بعد الولاده شىء مش ظريف متحاوليش حتي تفكري فيه ،، خليكي فريش 💪
هتتعبي ،،آه
هتبكي،، آه
هتكرهي نفسك،، آه
بس لما تبصي في وش الملاك اللي ربنا بعتهولك ويضحكلك،، هتنسي هموم الدنيا ومافيها وهيبقي أملك الوحيد في الدنيا ❤️
