Nutritionist mayar alsharawy

03/06/2026

بعد ما روقا مشيت شهر كامل على نظام غذائي شافته الأنسب ليها وابتدت بعدها تحس بالتعب والإرهاق
كانت حاسة إنها فشلت
وعرفت إنها محتاجة مساعدة
عشان كده فكرت ودورت وقررت تستعين بأخصائية تغذية شاطرة
وابتدت رحلتها مع الأخصائية
١_عملت تقييم كامل للجسم
وزنها وطولها وحالتها الصحية وأكلها اليومي
٢_عرفت أن النظام اللي ماشية عليه مش مناسب لجسمها أبدًا وده سبب احساسها بالخمول والتعب
٣_اتعمل لروقا خطة ونظام غذائي بناء على عمرها وطولها ومستوى نشاطها البدني وحالتها الصحية
٤_الإخصائية كانت حريصة تبني معاها عادات تساعدها على تغيير حقيقي في نمط حياتها مش حمية قاسية ومؤقتة
٥_ تقديم الدعم النفسي لحد ما توصل للنتيجة اللي عايزاها

ومشيت بعدها أول شهر على النظام الجديد المخصص ليها
تفتكروا ايه التغييرات اللي ممكن تكون حصلت؟
استنوا الجزء الأخير 🤍
#تغذية #دايت
#قصة

31/05/2026

بعد إجازة العيد .. 5 خطوات ممكن تساعدك ترجعي لنظامك الصحي الطبيعي
#تغذية #دايت

26/05/2026

عيد أضحى مبارك 🤍
Eid Adha Mubarak 🤍
#عيد #فرحة

26/05/2026

ايه هو ارتفاع الكوليسترول .. وفعلا جسمك مش بيحسسك بيه ؟

24/05/2026

النظام الغذائي اللي كانت ماشية عليه مش نظامها أصلًا 😕
روقا مشيت على نظام غذائي عشوائي أخذته من الإنترنت شافت شكله حلو وجايب نتايج حلوه مع ناس معينة
بس الحقيقة ان النظام ده ممكن يكون اتكتب:
_ لجسم مختلف
_ وزن وطول مختلف
_ احتياجات مختلفة
وممكن يكون لحالة صحية مختلفة زي مقاومة الأنسولين أو أمراض مزمنة معينة
عشان كده بسبب النظام ده .. روقا كانت بتقلل أكلها بشكل عشوائي من غير ماتعرف أن جسمها مش بياخد الكمية الكافية من الحديد المسؤول عن نقل الأكسجين في الدم لكل أعضاء الجسم
فكانت النتيجة :
تعب ..إرهاق وخمول
عشان كده أي نظام غذائي لازم يكون:
1_ على حسب وزنك وطولك
2_ مناسب لحالتك الصحية
3_ تحت إشراف أخصائية تغذية تعرف جسمك انتِ

حكاية روقا ما وقفتش هنا
الجزء الجاي هحكيلكوا ازاي غيرت طريقتها 🤍
#تغذية

23/05/2026

بتعاني من القولون العصبي؟
أكلات ممكن تهيجه & بدائل ألطف
#تغذية #التغذية

22/05/2026

دي روقا 🥹
عايزة تخس وترجع لوزنها الطبيعي زي زمان
عشان كده بدأت تدور على نظام غذائي من الإنترنت تمشي عليه
وكان قدامها اختيارات كتير لدرجة الحيرة 😅
بس في النهاية اختارت النظام اللي شافته الأنسب ليها
وبعدها نزلت السوبر ماركت وجابت كل حاجة موجودة في الليستة
عشان تبدأ من بكرا… وفعلاً بدأت
روقا كانت ملتزمة جدًا
ويمكن كمان قاسية على نفسها شوية
كان في بالها كل الفساتين اللي في دولابها
ومش قادرة تلبسهم من زمان 😕
وفضلت مكملة أسبوع… واتنين… وشهر
ووزنها فعلًا بدأ ينزل ✨
بس كان في حاجة تانية بتحصل…
تعب ..إرهاق وخمول أغلب الوقت
وهي مش فاهمة ليه 😶
تفتكروا إيه السبب؟ 👀
لو عايزين تعرفوا…
استنوا الجزء التاني من حكاية روقا 🤍

20/05/2026

بتخسري دهون ولا عضل ؟ 8 علامات بتحرقي دهون وماشيه صح ✅

18/05/2026

7 تغيرات ممكن تحصل في جسمك لو قطعتي السكر لمدة 30 يوم

16/05/2026