20/07/2026
💙 لعبة تنمي مهارة مع د / أميره طعيمه
🎈 لعبة: "إيه اللي اختفى؟"
المهارات اللي بتنميها:
✅ الانتباه والتركيز.
✅ الذاكرة البصرية.
✅ اللغة والتسمية.
✅ التواصل.
الأدوات:
٤ أو ٥ ألعاب أو أدوات من البيت (كورة، معلقة، مكعب، عربية، كوب...).
طريقة اللعب:
حطي الأدوات قدام الطفل وسيبيه يبص عليهم لمدة 30 ثانية.
خليه يسميهم لو يقدر.
غطيهم بفوطة أو خلي الطفل يقفل عينيه.
شيلي حاجه واحده.
اسأليه: "إيه اللي اختفى؟"
🎉 كل إجابة صح شجعيه بكلمة حلوة أو حضن او صقفه.
🎈🎈 معلومة صغيرة: ابدئي بـ٣ أشياء لو الطفل صغير، وبعدها زودي العدد بالتدريج حسب مستواه.
