19/09/2026
مريض السكر لو اتعرض لكسر..
الموضوع مش بيكون بس تثبيت الكسر ومتابعة الأشعة
لأن ارتفاع السكر ممكن يأثر على سرعة التئام العظام
👈 ارتفاع السكر بيأثر على الأوعية الدموية وبالتالي الدم والأكسجين اللي بيوصلوا للعظمة بيقلوا وده بيبطأ الالتئام.
👈 كمان بيأثر على الخلايا المسؤولة عن بناء العظم وعلى تكوين العظمة الجديدة وبيأثر على جودة الكولاجين والنسيج العظمي.
وعشان كده مرضى السكر عندهم احتمالية أعلى لـتأخر التئام الكسور أو عدم الالتئام مقارنة بغير المصابين بالسكر.
وده مش معناه إن الكسر مش هيلتئم، لكن محتاج اهتمام أكتر بـ: – ضبط السكر كويس.
– الالتزام بتثبيت الكسر والتعليمات.
– متابعة الأشعة في مواعيدها.
– الاهتمام بالجرح لو فيه عملية.
👈 ومتستهونش بالمتابعة حتى لو الألم خف،
لأن التئام العظمة بنطمن عليه بالكشف والأشعة مش بالألم بس.
د.محمد عبدالعزيز الدق
#السكري #الكسور
