26/05/2026
شرفنا في العيادة قبل العيد مريض يعاني من ألم شديد جداً بسبب ضرس عقل مدفون.
في البداية، حاولت معاه بكل الطرق إننا نأجل الخلع لبعد العيد، ونمشي بمُسكنات ومضادات حيوية عشان يقدر يستمتع بأيام العيد واللمة من غير تعب الجرح والالتزام بالتعليمات..
لكن للأسف، الوجع كان أقوى من إنه يستنى، والألم كان لا يُحتمل. وبعد الفحص والأشعة، اتخذا القرار: لازم نخلع فوراً.
الحمد لله، العملية تمت بنجاح وبمنتهى الدقة، والمريض ارتاح من الكابوس اللي كان منغص عليه الأيام اللي فاتت. صحيح العيد ده هيكون مختلف شوية في أكل اللحمة والحلويات (أول يومين بس!)، لكنه أكيد هيرتاح من وجع كان هيبوظ عليه فرحة العيد كلها.
نصيحة العيد: لو عندك ضرس عقل "ناوي على نية" أو فيه ألم خفيف، بلاش تستنى لما يقرر يعيّد عليك بطريقته!
كل سنة وأنتم طيبين وبصحة وسعادة. ✨
