Karma Kids Clinic الدكتور أحمد العربي

18/02/2026

كل عام وحضراتكم بخير مواعيد العياده في شهر رمضان المبارك
من 2️⃣ ل 5️⃣
ومن 8️⃣ ل 1️⃣1️⃣
كل يوم ما عدا الجمعه

06/02/2026

بحط السماعه ع القلب في مكانه المعروف عشان اسمعه مش سامع نبض اتأكد ان السماعه مفيهاش مشكله واسمع تاني مش سامع برده😲 احرك السماعه ع الناحيه اليمين واسمع الاقي القلب موجود ع اليمين الولد كبير وصحته ماشاء الله طيب اقول لوالدته ايه يا ام عمر هنحتاج نعمل اشعه ع الصدر نطمن ان كان في التهابات على صدر ياسين والا لا وطبعا أنا في بالي حاجه تانيه هقولكم عليها آخر البوست 🩺🩺
الاشعه تطلع القلب ع الناحيه اليمين فعلا طيب يا ام عمر محتاجين نعمل سونار ع البطن وموجات صوتيه عالقلب
ليه يا دكتور اعمليه بس وتعالي
متخافيش عمر كويس مفيهوش حاجه
ولما جت طلعت الحاله فعلا
(Situs inverses totalis)
يعني الوضع المعكوس الكلي
- القلب يكون على الجانب الأيمن من الصدر بدلاً من الأيسر
- الكبد يكون على الجانب الأيسر من البطن بدلاً من الأيمن
- الطحال يكون على الجانب الأيمن من البطن بدلاً من الأيسر

*أسباب الوضع المعكوس الكلي

- عادةً ما يكون خلقيًا،
يمكن أن يكون نتيجة لطفرة جينية
- يمكن أن يحدث في بعض الأحيان مع حالات أخرى مثل متلازمة كارتاجنر (Kartagener Syndrome)

-غالبًا مفيش اعراض، ويتم اكتشاف الحالة بالصدفه
- عادةً لا يحتاج إلى علاج محدد لان الأعضاء تعمل بشكل طبيعي رغم موقعها المعكوس
- بس لازم نعرف الأطباء الحالة عند إجراء عمليات جراحية أو فحوصات طبية لتجنب الأخطاء
د احمد العربي استشاري طب الأطفال

18/01/2026

🤝ازيكم بقالنا كتير معملناش توعيه وتثقيف للامهات والأطفال 🤌كنت مستني اعمل حاجه تليق بيكم
عازمكم عندي ف العياده يوم الثلاثاء القادم ٢٠ يناير الساعه ٣ العصر على محاضره صغيره ربع ساعه وشرح عملي لأمراض الحساسية الصدريه والجيوب الانفيه وكمان في هدايا للاطفال🎡🎢 🍰🍩حلوه اللي هييجي يكتب كومنت ويعمل لايك
مستنيكم
برعايه شركه opella Sanofi ❤️

13/01/2026

10/01/2026

ألطاف الله ورحمة الله تلاحقك وانت لا تدري
مامت عمر من المنصورة جت بنها تزور صاحبتها قبل ما ترجع المنصوره بالليل لاحظت ان عمر ابنها همدان ووشه شاحب قالت لصاحبتها في دكتور أطفال اكشف عنده قبل ما اروح قالتلها روحي لدكتور احمد العربي عمر جالي العياده بعد ما فحصته طلبت تحليل صوره دم كامله وتحاليل تانيه ولقيت الهيموجلوبين (5 gm/dl) انتوا متخيلين😲 وتكسير عنيف في الدم
حجزته في المستشفى اتنقله دم واتلحق
والحمد لله بقاله سنتين زي الفل عمر اول ما دخلي العياده شكيت انه انيميا الفول وطلع كده فعلا
سبحان الله. حكمة ربنا كل شيء مخطط ليه بدقه من المنصوره ويتلحق في بنها متخيلين كان ممكن يحصل ايه لو تأخرنا عنه شويه كمان
البوست ده بكتبه لاني افتكرت عمر لما شخصت من يومين حالتين انيميا الفول

02/01/2026

الطفل المريض مش ملك لطبيب، والأم جاية تدور على الطمأنينة قبل الدواء.
لما تجيلك أم تقولك بتابع عند دكتور فلان، ردّ الفعل الصح مش تحسس ولا هجوم، بل:
ترحيب واحترام
احتواء للأم وقلقها
كشف مهني وتعاون لا تنافس

إنك تقلل من زميلك قدّام الام:
ده بيهز ثقة الأم في الأطباء كلهم
و يزيد توترها وخوفها
و يعطي صورة سيئة عن المهنة
والطبيب الكبير يُعرف بإحترامه لزمايله ولمرضاه ، مش بعدد متابعيه

23/12/2025

ربنا يسامح ويهدي كل اصحاب صفحات طب الأطفال اللي ع الفيس اللي بتقدم محتوي غير هادف

اللي يقولك علشان خاطري بلاش مضادات حيوية

واللي بينزل روشتات كامله لمرض بدون فحص أصلا للحاله

واللي بييقولك تمارين الوثب

بتيجي الحالات بسبب هؤلاء متبهدله فعليا

ومش بتلاقي أماكن ليها في المستشفى أو العنايه

ناهيك عن كمية المناهده مع الامهات

المفروض النقابة يكون ليها دور

19/12/2025

منظمة الصحة العالمية بتنصح أننا ناخد شربة ديدان مره واحده كل سنه لكل الاطفال وقاية من أمراض النزيف الخفي في الأمعاء و الانيميا والتهابات القولون وعسر الهضم و سوء التغذية

Albendazol 400mg للاطفال اكبر من سنتين
Albendazol 200 mg للاطفال من سنه لسنتين

10/12/2025

مع نزول المطر وابواب السماء مفتوحه يارب اشف أطفالنا ومرضانا جميعا واحفظهم

09/12/2025

معلومتين مهمين عن البروفين ماده Ibuprofen ناس كتير متعرفهمش
اولا: امن للرضع من عمر ٤ شهور
ثانيا : مسموح بيه في حالات حساسيه الصدر والأنف ولا يسبب اي مشاكل

08/12/2025

♣️ لو إبنك عنده حساسية أنف وماشى على بخاخ ومش جايب نتيجه دة لإنك بتسخدميه غلط❌️

✅️الطريقة الصح لإستخدم البخاخ فى ٥ خطوات

1️⃣تجهيز البخاخ🧴والطفل

نرجّ البخاخ لمدة من ٥ لــ ١٠ ثوانى قبل الإستخدام
ونشيل الغطا
لو أول مرة تستخدمته او بقاله اسبوعين أو أكتر من أخر مرة إستعمال نعمل بخّتين في الهوا لتهيئة البخاخ

تجهيز الطفل: لازم تغسلى أنف الطفل ببخاخ ماء البحر قبل البخاخ أو على الأقل حطى نقط للأنف زى اوترفين اطفال( بنستخدمها ٥ ايام فقط) وطفلك ينف بعدها وبعدين نحط البخاخ لأن مناخير طفلك لو مليانة مخاط البخاخ اصلا مش هيوصل لأغشية الأنف عشان المخاط هيمنع دة وبالتالى الفاعلية هتقل جداً

2️⃣ وضع الراس
رأسه متنية لقدّام شوية (مش لورا)
يقعد أو يقف عادي

3️⃣ قفل فتحة الأنف التانية👃
بإيدك التانية إضغطى على فتحة الأنف اللى مش هتحطى فيها البخاخ

4️⃣ اتجاه البخاخ مهم جداً
دخلى طرف البخاخ (بس)جوه الفتحة بس مش لجوه جامد
وجهى البخاخ ناحية برّة (جانب الأنف) مش ناحيه الحاجز الأنفيّ

5️⃣ بخّة واحدة أو بختين حسب ما الدكتور يحدد➕️شهيق خفيف

08/12/2025

مواعيد العياده اليوم من الساعه ٣ ل ٩