Allam Kids Clinic

15/10/2026

😂😂 الموروثات الشعبية مش كلها تنفع يا تيته.. 👵🏻❤️

فيه حاجات ورثناها من زمان وليها أصل، وفيه حاجات تانية ممكن تضر أكتر ما تنفع! 🙈

👨‍⚕️ عشان كده استشارة الطبيب دايمًا أحسن من تجربة أي وصفة بلدي، خصوصًا لما العيل يكون تعبان.

💬 عايزين نعرف منكم..
إيه أغرب وصفة بلدي سمعتوها لعلاج الأطفال؟ 😂👇

14/10/2026

دكتورة ماريا 😍 اشجع واحده خدت حقنه 😅💉
ماريا بعد ما اتحسنت على العلاج جايه تكشف عليت هي بئا 😅😅

13/10/2026

كل أم نفسها ابنها يبقى بصحة كويسة ❤️
بس ساعات بنلخبط بين إن الطفل ياكل كتير وإنه بياكل صح! 😅

ممكن طفل يكون وزنه زايد، لكن أكله أغلبه سكريات ونشويات وأطعمة قليلة القيمة الغذائية… فيزيد وزنه، من غير ما جسمه ياخد كل العناصر اللي محتاجها للنمو والمناعة والتركيز.

وعشان كده، مش الهدف إن ابنك ياكل كتير وخلاص…
الهدف إنه ياكل صح وباحتياجات مناسبة لسنه. 👌

مش لازم طبق الطفل يبقى زي طبق الكبير،
ومش كل ما زوّدنا الكمية يبقى كده بنغذّيه أكتر.

❤️ الصحة مش بالكمية… الصحة في الجودة والتوازن والقيمة الغذائية.

خلّي هدفنا إن أطفالنا يكبروا بصحة، مش بس يكبروا في الوزن. 🩺

12/10/2026

الترفيه مش رفاهية في حياة الطفل،
ده جزء أساسي من صحته النفسية! 💛

08/10/2026

08/10/2026

06/10/2026

القمل عدوى ممكن تحصل لأي طفل، في أي بيت، ومش مرتبط بنظافة البيت أو عدد مرات الاستحمام.

وغالبًا بينتقل من التلامس المباشر بين الرؤوس، وده بيخليه ينتشر بسهولة بين الأطفال في المدارس والحضانات.

🛡️ إزاي نقلل فرص العدوى؟

• علّمي طفلك ما يشاركش غيره أدوات الشعر الشخصية زي الفرش والأمشاط.
• بلاش لبس كاب أو قبعة شخص تاني.
• افحصي شعر طفلك لو لاحظتي حكة مستمرة في فروة الرأس، خصوصًا لو في حالة قمل ظهرت في المدرسة أو بين الإخوات.
• ولو اكتشفنا قمل، نعالجه بدري ونتأكد من فحص باقي أفراد الأسرة.

🩺 ولو اكتشفنا القمل؟

أول حاجة: بلاش إحراج وبلاش لوم للطفل. ❤️
القمل مشكلة شائعة ومش دليل على قلة النظافة.

العلاج بيكون باستخدام مستحضر مناسب للقمل حسب عمر الطفل وتعليمات استخدامه، وغالبًا يحتاج العلاج إلى تكرار في الموعد المحدد حسب نوع المستحضر.

وكمان المشط الضيق (مشط القمل) على شعر مبلل مع بلسم يساعد جدًا في إزالة القمل والصئبان.

والأهم:
مش كل حكة في الرأس معناها قمل… ومش كل قمل معناه إن الطفل "مش نضيف".

لو ابنك أو بنتك بيهرشوا في راسهم باستمرار، بدل ما نفترض إنها حساسية أو حر… خلينا نبص كويس الأول. 👀😂

👨‍⚕️ د. مصطفى علام
استشاري طب الأطفال وحديثي الولادة
رئيس قسم الأطفال – مستشفى حميات بنها

مين بقى ابنه طلع "مأجّر" في راسه من غير ما يقول؟ 😂👇