د/ منه بهنساوي استشاري امراض المفاصل والروماتيزم والمناعه

22/05/2026

كل عام وانتم بخير متابعينا الكرام بمناسبة حلول عيد الأضحى المبارك 🐑🐏 اعاده الله عليكم بالخير واليمن والبركات🤲

مع انتشار لحوم الأضاحي 🥩 والعزومات والزيارات واكل السكريات🍬 والحلويات 🍰 وشرب المشروبات الغازية🍹،،
بتزيد فرص الإصابة بنوبات #النقرس الحاده🥺🤦‍♀️ وتتحول فرحة العيد 🎊🎉 الى حاله من الالم⚡ والتهاب المفاصل 💥 وعدم القدرة على الحركه 😭

وعشان كده بننصح دايما بــ
🔹 الإكثار من شرب 🫗 الماء 2-3لتر على مدار اليوم.
🔹 الاعتدال في تناول اللحوم الحمراء 🥩 والكبده والممبار.
🔹 تقليل السكريات 🍬 والمشروبات الغازية 🍹

خصوصاً للأشخاص المعرضون للإصابة بنوبات النقرس زي:
▪️المرضي الذين أصيبوا بنوبات نقرس سابقه.
▪️مرضى الكلى - وارتفاع ضغط الدم - والسكري.
▪️المرضى الذين يتناولون بعض الادويه زي مدرات البول والاسبرين.
▪️مرضى السمنه وارتفاع الكوليسترول بالدم.
▪️ الأشخاص المصابون بارتفاع نسبة اليوريك اسيد في الدم.

👈 إذا كنت واحد من الأشخاص دول ننصحك بالتوجه إلى طبيب الروماتيزم 👩‍⚕️ في اقرب فرصه ممكنه لأخذ الاحتياطات اللازمة قبل العيد.

نتمنى لكم أجواء سعيده ومبهجه 🎊🥳 وعيد خالي من الالم🥰 ودمتم بصحه وعافيه 🤗🌹

➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.
📞 للحجز/ 01117557133

22/05/2026

21/03/2026

19/03/2026

كل عام وانتم بخير بمناسبه عيد الفطر المبارك أعاده الله عليكم بالخير واليمن والبركات 🎊🎊🎉🎉

⏰ مواعيد عيادة بنها بعد العيد إن شاء الله
🔘 ايام الأحد والثلاثاء من الساعه 2 ظهراً إلى 5 عصراً
🔘 ايام الاثنين والأربعاء من الساعه 6 إلى 9 مساءاً

🎯بداية العمل بالعياده بدءا من يوم الثلاثاء الموافق 24 مارس

وكل عام وانتم بخير 🤗

➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.
📞 للحجز/ 01117557133

17/02/2026

نهنئكم بحلول شهر رمضان المبارك 🌙⭐ اللهم أهله علينا بالأمن والإيمان والسلامة والإسلام وأعنا فيه على الصيام والقيام 🤲

⏰ مواعيد عيادة بنها في رمضان
🔘 يوم السبت من الساعه 1 ظهراً إلى 4 عصراً
🔘ايام الاثنين والخميس من الساعه 8 إلى 10:30 مساءاً

وكل عام وانتم بخير 🤗

➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.
📞 للحجز/ 01117557133

10/01/2026

🗣️ تاعبني جدا يادكتوره لدرجة اني بعيط من شدة الوجع 😭 الصرخ نازل من ضهري للأرداف لحد رجلي من تحت
ولا عارفه اقعد🛋️❌ ولا اتحرك🚶🏻‍♀️❌ ولا حتي اتقلب في
السرير 🛌🏻❌ وقالولي لازم عمليه بس انا بخاف من العمليات😥🙅🏻‍♀️ هو مفيش اي حل تاني لعلاج عرق النسا غير العمليه🤔

👩🏻‍⚕️👩🏻‍⚕️ قبل ما نتكلم عن العلاج محتاجين نعرف الاول يعني إيه Sciatica‼️ وهل هو مرض خاص بالسيدات فقط 🤔‼️

🔘 هو إلتهاب بالعصب الوركي (Sciatic nerve) وهو أطول↕️ عصب بالجسم،،، حيث تخرج جذور العصب الوركي من بين الفقرات القطنية بمنطقة أسفل الظهر ويمتد العصب↙️ خلف مفصل الورك نحو الأسفل⤵️ باتجاه الأرداف والساق والجهة الخلفيَّة من الركبة حيث يتفرَّع🔀 العصب الوركي إلى عدة فروع ويستمرُّ إلى القدم.

🔘 والإسم الصحيح للمرض هو َسَا بفتح النون والسين✅ وليس عرق النِسا بكسر النون❌،،، وسُميَ بذلك لأن تأثير ألمه الشديد😖 يُنسِى المريض ما سواه😵‍💫 وليس نسبه الى كلمة نساء🙅🏻‍♀️،، وبالتالى فإن عرق النَسَا ليس مرض خاص بالنساء فقط☝️ ولكنه يصيب الرجال🧍‍♂️والنساء🧍🏻‍♀️على حد سواء.

🔘 والسبب الرئيسي للإصابه بعرق النَسَا هو ،، حيث يضغط الجزء المنزلق من الغضروف على جذور العصب الوركي مما يؤدي إلى حدوث التهاب حاد في العصب♨️ يظهر في صورة ألم حاد⚡⚡ يمتد من أسفل الظهر ↙️ إلى الارداف↙️ إلى خلف الساق🦵أو القدم🦶.

🔘 عادة ما يصف المريض الالم بإنه ألم شديد😖 بيجي فى صورة حرقان🔥 أو شكشكه أو تنميل✨ أو كهربا⚡ أو صرخ💥 وده بيخلي المريض لا يحتمل الجلوس🛋️❌ ولو لبضع دقائق خصوصاً في مرحلة الالتهاب الحاد اللي ممكن تستمر لمدة من ٤ إلى ٦ أسابيع بعد الاصابه،،، وكمان بيكون في صعوبه في الحركه🚶🏻‍♀️بصفه عامه حتي ابسط الحركات زي أن المريض بيلاقي صعوبه شديده في أنه يتقلب في السرير 🛌🏻❌ والألم بيزيد جدا مع الكحه😤 أو العطس🤧 أو الانحناء للأمام🙇🏻.

🤔 طيب هل في أي علاج💊 آخر لعرق النسا غير العمليات الجراحية‼️
علاج الانزلاق الغضروفي وعرق النسا بيتقسم لنوعين أساسيين؛
1️⃣ اولا: العلاج التحفظي Conservative treatment
▪️وده بيشمل كل الخطوط العلاجيه غير الجراحيه زي
العلاجات الدوائية💊 وجلسات العلاج الطبيعي🧖 والحقن الموضعي💉💉 وإنقاص وزن الجسم الزائد خصوصاً منطقة البطن والكرش🫃🏻 وتجنب حمل الاشياء الثقيله📦🫸 والالتزام بالبقاء في أوضاع الجسم الصحيحه أثناء النوم🛌🏻 والجلوس🛋️ والحركه🚶🏻‍♀️.
▪️طبعاً طبيب الروماتيزم 👩🏻‍⚕️ بيحدد ايه الخط العلاجي الأنسب لحالة كل مريض بناءًا على نتيجة الفحص الإكلينيكي🩺 والتاريخ المرضي📝 ونتيجة الأشعات🩻.
▪️النسبه الأكبر من المرضى (أكثر من80%) بتكون استجابتهم للعلاج التحفظي ممتازه وبيقدروا يرجعوا يمارسوا حياتهم بصوره طبيعيه بدون ما يضطروا يلجأوا للجراحه.

2️⃣ ثانياً: العلاج الجراحي Surgical treatment وده بنلجأله في حالتين؛
▪️في حالة فشل العلاج التحفظي في السيطره على الأعراض.
▪️في بعض حالات الانزلاق الغضروفي الشديد التي لا يصلح معها العلاج التحفظي زي:
👈 في حالة سقوط القدم Drop Foot واللي بيحصل فيها ضعف شديد في عضلات الساق بتؤدي الي صعوبه في رفع اصابع ومشط القدم من على الأرض فالمريض بيضطر إنه يجر رجله المصابه على الأرض أثناء المشي.
👈 في حالة فقدان التحكم في البول أو البراز.
👈 في حالة فقدان الإحساس في منطقة مابين الفخذين Saddle Anathesia.
👈 في حالة ضيق القناه العصبيه Spinal Canal Stenosis واللى بتظهر في صورة تقل وضعف شديد في عضلات الساقين بعد المشي لمسافه بسيطه المريض بيحس إن رجليه مش شايلاه وإنه لو ما قعدش فورا ممكن يقع على الأرض.

🎯 ولأن الوقاية🛡️ خير💪 من العلاج 💊 فأفضل علاج لعرق النسا هو اني أتجنب حدوث الانزلاق الغضروفي أصلا عن طريق
الالتزام بأوضاع الجسم الصحيحه✅
والتخلص من الكرش ووزن الجسم الزائد✅
وتعلم الطريقه الصحيحه لحمل الاشياء✅
والتوجه إلى طبيب الروماتيزم بمجرد ظهور أعراض عرق النَسَا✅

ودمتم بصحه وعافيه 🤗 🌹

➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.
📞 للحجز اتصل على رقم/ 01117557133

29/12/2025

نستقبل العام الجديد بالريڤيو المبهج ده 😍🤩
ونشكر كل مريض وضع ثقته فينا 🥰
والحمد لله الذي بنعمته تتم الصالحات 🤲

كل عام وحضراتكم بخير 🤗 🎊
وربنا يجعل العام الجديد عام خير وشفاء وصحه وعافيه لمرضانا ومرضى المسلمين 🤲🤗

➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.
📞 للحجز اتصل على رقم/ 01117557133

16/12/2025

إيديكي ورجليكي بيتلجوا🧊❄️ ويزرقوا🥶 في الشتا 🤔🫢
تعالوا نتعرف على الظاهره الطبيه اللي بنشوفها كتير مع دخول فصل الشتاء ☃️ وانخفاض درجات الحراره ❄️🥶
والمعروفه بإسم Raynaud's Phenomenon
وهى عباره عن نوبات ضيق وإنقباض فى الأوعية الدمويه الطرفيه عند التعرض للبرد❄️ أو التوتر النفسي والعصبي🤦🏻‍♀️
إنقباض الاوعيه الدمويه بيؤدي إلى إنخفاض↙️ تدفق الدم إلى الأطراف واللى بيظهر فى صورة تغير متدرج في لون الأطراف
☝️بيبدأ باللون الأبيض الشاحب ⬜ اللى بيكون مصحوب بالشعور ببروده شديده 🥶 في الأطراف.
✌️ثم اللون الازرق 🟦 اللى بيكون مصحوب بالشعور بالخَدَر (الخَدَلان) والتنميل.
👌ثم مع تدفئة الأطراف وعودة تدفق الدم بيظهر اللون الأحمر القاني 🟥 مع تورم في الأطراف وشعور بالألم⚡أو الوخز.

✅ وأكثر الاماكن عرضه لظهور الأعراض دى هى أصابع اليدين🤚 والقدمين🦶،، ولكنها ممن تأثر برضه على الأنف👃 والشفتين 👄 والأذنين👂.

💠وبتنقسم ظاهرة رينود لنوعين أساسيين:
1️⃣ متلازمة رينود الأوليه "Primary Raynaud's"
ودي الصوره الأكثر شيوعاً لظاهرة رينود وبتتميز بإنها:
🔹شائعه أكثر بين النساء في سن 15 - 30 سنه.
🔹لا تكون مصحوبه بأى أمراض أخرى.
🔹لا ينتج عنها اى مضاعفات.

2️⃣ متلازمة رينود الثانويه "Secondary Raynaud's"
وهي النمط الأقل شيوعًا، ولكنه غالبًا ما يكون الأكثر خطورة،، ويتميز بإنه:
🔹غالباً ماتظهر الأعراض فى سن متأخر (بعد سن ال 40سنه).
🔹تَنتُج من أمراض أخرى مثل بعض الأمراض المناعيه زي مرض تصلب الجلد المناعي،، الذئبه الحمراء،، الروماتويد المفصلى،، مرض شوجرن،، مرض النسيج الضام المختلط،، مرض إلتهاب الأوعية الدموية المناعي.
🔹 قد تؤدي إلى حدوث بعض المضاعفات نتيجة لعدم وصول الدم إلى الأطراف مثل ظهور تقرحات على أطراف وعُقَل الأصابع وموت الانسجه وحدوث غرغرينا فى أطراف الأصابع.

🤔 طيب أعمل ايه لو ظهرت عليا أعراض رينود‼️
أول خطوه لعلاج أعراض رينود سواءًا كانت رينود الاوليه أو الثانويه هى الإلتزام بالإجراءات الاحترازية التاليه قدر المستطاع:

🔹 تدفئة الأطراف جيداً عن طريق ارتداء قفازات (جوانتيات)🧤 وجوارب (شرابات) 🧦 سميكه وتغطية الرأس بشال أو كوفيه أو سكارف🧣🧕🏼.

🔹 تدفئة الجسم بالكامل عن طريق ارتداء ملابس شتويه🧥 ثقيله وشرب مشروبات دافئه🍵 بإستمرار.

🔹 تجنب العوامل المسببه لظهور الأعراض مثل:
❌ تفادى جلب المأكولات من الفريزر أو إمساك اى شىء بارد او مجمد 🧊 بيديك مباشرة،، فى حالة ما إذا اضطررت لذلك ارتدي قفاز سميك قبل ادخال يدك فى الفريزر و ولف الشئ المجمد الذي تريد الامساك به بفوطه.
❌ التوقف عن استخدام مياه الصنبور البارده🚰 عند غسيل الصحون 🍽️ أو الملابس👚 يدوياً واستبدالها بالمياه الدافئة.
❌ البعد عن التوتر والضغط النفسي والعصبي🫸 قدر المستطاع.

🔹 التوقف عن استخدام المواد المسببه لإنقباض الاوعيه الدمويه مثل تدخين النيكوتين 🚬 وشرب المنبهات اللى تحتوي على الكافيين زي الشاي🫖 والقهوه☕.

🔹 ممارسة الرياضة ⛹🏻🚴🏻 لأنها تعمل على تحسين الدورة الدموية وتعزز تدفق الدم إلى الأطراف.

🔹 فى حالة التعرض لنوبة رينود ضع اليدين (أو القدمين) فورا تحت ماء دافئ أو استخدام قربة مياه دافئة🏮 لإعادة الدفىء للأطراف سريعا.

🤔 طيب إمتى أروح أكشف عند الطبيب 👩🏻‍⚕️‼️
فى حالة إذا ظهرت أى من العلامات التاليه يجب المبادرة بالتوجه لطبيب الروماتيزم والمناعه👩🏻‍⚕️🩺 لاستبعاد وجود أى مرض مناعي وتلقي العلاج المناسب:
❄️ إذا استمرت هجمات رينود فى التكرار♋ على حضرتك رغم إلتزامك بكافة الإجراءات الاحترازية السابقه.
❄️ إذا زادت شدة الهجمات وأصبحت مصحوبه بألم⚡أو حرقان 🔥 مستمر.
❄️ إذا بدء يظهر قُرح على أطراف أو عُقَل الأصابع (انظر الصور المرفقه↘️).
❄️ إذا بدء ظهور أعراض رينود لأول مره بعد سن ال 4️⃣0️⃣ سنه.
❄️ إذا كان فى تاريخ مرضي فى العائله🧑‍🧑‍🧒‍🧒 لأى أمراض مناعيه.
❄️ إذا كانت أعراض رينود مصحوبه بأى من الأعراض التاليه»»
إلتهاب المفاصل🦵،، تغير فى ملمس الجلد وكثافته حيث تزداد سماكة الجلد ويصبح خشن الملمس🫆 ولونه أغمق من الطبيعي،، صعوبه في البلع وارتجاع المريء،، قرح بالفم🫦،، جفاف العين👁️،، طفح جلدي،، تساقط الشعر.

🤗 نتمنى لكم أجواء شتويه دافئه 🧥🧦🧤
ودمتم بصحه وعافيه 🤗




➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.

📞 للحجز إتصل على رقم/ 01117557133

09/12/2025

👀 خلي بالك لو ظهرت عليك واحده من العلامات دي فحضرتك غالبا بتعاني من 😳😬
🔷 لو لاحظت إن طولك ابتدى يقل بالتدريج↙️↙️: كتير من المرضى مش بياخدوا بالهم من النقطه دي غير في فترة تغيير الفصول لأنهم بيكتشفوا إن ملابس الشتاء اللى فات أو الصيف اللي فات اصبحت طويله عليهم وأنهم بقوا مضطرين يقصروا ملابسهم✂️✂️ كل سنه عن السنه اللي قبلها.

🔷لو لاحظت تقوس أو انحناء أو تحدب فى عمودك الفقري🪃: المريض بيشتكي إنه بعد ماكان ظهره مستقيم بقى مَحنِي للأمام وطلعله "أتب".

🔷 لو اصبت بكسر⛓️‍💥 فى العظام او العمود الفقري بعد وقعه بسيطه🧎🏻من المفترض أنها عادةً ماتسببش ضرر زي مثلا السقوط أثناء النزول من الرصيف،،، أو حدوث كسر فى الفقرات مع الحركات اليوميه العاديه زي الانحناء للأمام أو الكحه والعطس🤧 بقوه.

🔷 لو حسيت بألم مفاجىء 💥 فى أسفل الظهر أو الرقبه.

كل دي علامات بتدل على إن حضرتك مصاب بهشاشة العظام ولازم تبادر بالتوجه للطبيب👩🏻‍⚕️ في اقرب فرصه ممكنه لبدء العلاج وتفادي مضاعفات الهشاشه.

🤔 طيب يعني ايه "هشاشة العظام" أساساً‼️
⚜️ دي حاله مرضيه بتؤى إلى إنخفاض كثافة العظام فتصبح العظام هشه وضعيفه وسهلة الكسر حتى مع الحركات اليوميه البسيطه.
⚜️ عظامنا رغم أنها تبدو كشئ صلب ثابت لا يتغير🪨 إلا إنها فى الحقيقه نسيج حي في حاله دائمه من التجدد،، على مدار حياة الانسان بتكون العظام في حاله دائمه من الهدم وإعادة البناء.
⚜️ فى المراحل الأولى من العمر👶👧👩 بتكون عملية البناء اسرع من عملية الهدم وبالتالى بتزداد الكتله العظميه باستمرار حتى تبلغ ذروتها في منتصف العقد الثالث من حياة الإنسان.
⚜️ مع التقدم في العمر 👵🏻👴🏻 تصبح عملية بناء العظام اكثر بطءًا وتسيطر عملية الهدم على المشهد وتقل كثافة العظام تدريجياً وده شىء طبيعي مع التقدم في العمر.

🛑 ولكن في بعض الأشخاص بيكون معدل انخفاض الكتله العظميه اسرع من المعتاد📈 فتصبح العظام هشه وضعيفه وقابله للكسر⛓️‍💥 حتى مع الحركات اليوميه البسيطه زي الانحناء للأمام أو السقوط على الأرض من إرتفاع بسيط وهنا بنقول إن الشخص ده أصبح مصاب ب " ".

🟥 المشكله الكبرى فى مرض الهشاشه إن المراحل الأولى من المرض ملهاش اي أعراض🤫،، المريض ممكن يفضل يعاني سنيين من الهشاشه وتناقص الكتله العظميه⏳ بدون مايشعر بأي ألم أو أي أعراض أخري😶‍🌫️ وأول إكتشاف للمرض بيكون بعد حدوث كسر😳 في العظام أو العمود الفقري،، وعشان كده بيطلق على هشاشة العظام اسم "المرض الصامت"🤐 أو "اللص الصامت"🥷🥷.

🎯 وعشان كده بنعتبر هشاشة العظام من أكتر الأمراض اللى بينطبق عليها مقولة "الوقــايـه🛡️ خــير💪 من العــلاج💊"،،
يعني مش لازم نستنى لما نتفاجىء بحدوث كسر😳 أو نستنى ظهور العلامات🐾 اللي بتدل على وجود هشاشه بالفعل🥹🫣 عشان نبدأ ندور على علاج،، الصح إننا ناخد خطوات إستباقيه ونحمي عظامنا من حدوث الوهن والهشاشه أصلا.

🤔 طيب ازاي نَقِي أنفسنا من هشاشة العظام‼️
🤔 ومين هم الأشخاص الاكثر عرضه للإصابة بمرض الهشاشه‼️
ده اللى هنعرفه فى المرات القادمة إن شاء الله.
و دمتم بصحة وعافية 🤗🌹

1️⃣

➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.
📞 للحجز اتصل على رقم/ 01117557133

05/12/2025

🗣️ يا دكتوره 🔱 تاعبه رجلي🦶جدا،، لدرجة إني لما بصحى من النوم الصبح 🛌🏻☀️ ماببقاش قادر ادوس عليها👣❌ من شدة الألم،، وممكن افضل أَزُك أو أعرج🧑🏻‍🦯 شويه لحد ما رجلي تفك واقدر امشي عادي،، واحيانا الموضوع بيتكرر لو قعدت ريحت شويه 🛋️ في نص اليوم،،، وعملت جلسات تفتييت⛓️‍💥 الشوكه وخدت فوار الأملاح كتير جدا وبرضه مافيش فايده 🤦🏻‍♀️ إيه العمل دلوقتي ياترى 🤔

Calcaneal/ Heel Spur 🔱
هي عباره عن بروز أو نتوء عظمي صغير بيتكَوّن أسفل عظمة الكعب "Calcaneus"، ويظهر عادةً في الاشعه في مكان ارتباط اللفافه الأخمصيه "Plantar Fascia" بعظمة الكعب.

🤔 طيب وإيه سبب ظهور النتوء العظمي ده‼️
البروز ده بيتكَوّن نتيجه للتحميل الزائد 🏋🏻 أو الشد والاجهاد المتكرر♋ على اللفافه الاخمصيه أو الإلتهاب المزمن باللفافه♨️ Chronic Plantar fasciitis مما يؤدي إلى ترسيب الكالسيوم أسفل عظمة الكعب وتكوين النتوء العظمي.

🤔 طيب إيه احسن طريقه لتفتييت ⛓️‍💥 الشوكه العظميه دي والتخلص من وجعها‼️
المفاجأة الكبرى إن الشوكة نفسها لا تسبب الألم 😳
الدراسات والابحاث📊 🔬 لقت إن نسبه كبيره من المرضى👥👥 اللي بيعانوا من ألم الكعبين الصباحي⚡👣 اشعاتهم بتطلع طبيعيه بدون ظهور أي شوكه عظميه❌🫸،، وفي نفس الوقت كثير من الأشخاص الطبيعيين اللى ماعندهمش اى شكوى من القدمين🙅🏻‍♀️ بيكتشفوا وجود شوكه عظميه فى الاشعات🩻 بتاعتهم عن طريق الصدفه🤷🏻‍♀️
🎯 وبالتالي وجود الشوكه🔱 في حد ذاته لا يعني بالضروره☝️ حدوث الألم❌،، ولكن ظهور الشوكه العظميه في الاشعه يعتبر مجرد دليل 🔍 على حدوث التهاب أو إجهاد مزمن أو متكرر في اللفافه الاخمصيه أو الأنسجة المحيطة بها✅.

🎯 وبناءًا عليه فالحل المثالي للتخلص من ألم الكعبين المزعج😬 هو علاج الإلتهاب نفسه✅ وليس محاولة التخلص من الشوكه❌،، وطبعاً خطوات علاج الالتهاب 💊 اتكلمنا عنها باستفاضة في بوست وشرحنا فيه بالتفصيل كل عوامل الخطورة المسببه لإلتهاب اللفافه وإزاي نقدر نتفاداها عشان نعيش حياتنا بدون ألم🤗
ولأن راحة الجسم☺️ تبدأ من راحة القدمين🥰 هنسيب لكم لينك البوست في اول كومنت↘️

ودمتم بصحه وعافيه 🤗🌹

➖➖➖➖➖➖➖➖➖➖➖➖➖➖➖➖➖➖

د/ مِــنَّه محمد بهنساوي
دكتوراه الروماتيزم والتأهيل والطب الطبيعي.
استشاري امراض المفاصل والعمود الفقرى وامراض الروماتيزم والمناعه بجامعة بنها ومركز تأهيل القوات المسلحه بالعجوزه.

🎯 عيادة بنها/ بنها- شارع الكوبري- برج أبو خشاله بجوار مول الأهرام- الدور الرابع بالأسانسير.

🎯 عيادة العجوزه/ مركز تأهيل القوات المسلحه شارع فريد شوقى بالعجوزه.
📞 للحجز اتصل على رقم/ 01117557133