12/09/2026
💊 #المسكنات مش بونبوني… والكلى مش بتنسى!
ناس كتير أول ما تحس بصداع، ألم في الظهر أو المفاصل، أو ألم الدورة الشهرية، تاخد مسكن وتكرر الجرعة
من غير ما تسأل: هل استخدامه بالشكل ده آمن؟
بعض المسكنات، خصوصًا مضادات الالتهاب غير الستيرويدية (NSAIDs)، ممكن تقلل تدفق الدم إلى الكلى، وده قد يسبب إجهادًا أو ضررًا بوظائفها، خصوصًا مع الاستخدام المتكرر أو الجرعات العالية.
⚠️ مين يكون أكثر عرضة للمشكلة؟
• مرضى السكر والضغط.
• كبار السن
• مرضى الكلى أو القلب
• تناول أدوية معينة تؤثر على وظائف الكلى.
• اللي بياخدوا المسكنات بشكل لفترات طويلة.
• قلة شرب السوائل، والجفاف ممكن يزيد الخطر.
🚨 والمشكلة إن الكلى غالبًا ما بتديش أعراض واضحة في بداية الضرر، لذلك ما ينفعش نستنى ظهور الأعراض عشان نطمن عليها.
انتبه لو ظهر: 🔹 تورم في القدمين أو حول العينين.
🔹 تغير واضح في كمية البول.
🔹 ارتفاع ضغط الدم بشكل غير معتاد.
🔹 تعب أو نهجان غير مفسر.
لكن الأهم: ما تستناش الأعراض لو أنت بتستخدم المسكنات باستمرار.
✅ خُد المسكن عند الحاجة، بأقل جرعة فعالة ولأقصر مدة مناسبة، وتجنب الاستخدام العشوائي، والأهم إننا نعرف سبب الألم بدل ما نفضل نسكّته بالمسكن.
المسكن ممكن يسكّت الوجع… لكن علاج السبب هو الأهم.
دكتور/ عمرو خضير إستشاري الباطنة والجهاز الهضمي والكبد
العيادة ش جمال عبد الناصر بجوار البوسطة الجديدة أعلي محل بيت المنظفات مركز ناصر
011 40851594
