15/08/2022
البوست دا للناس والدكاترة اللي مش بتستعمل أو بتوصف للمرضي إلا المنتجات البراندات المستوردة، وياما حذرنا من مشاكل كتيييير زي كده من منتجات التجميل المستوردة.
الخبر باختصار إن شركة Johnson & Johnson خسرت يوم الجمعة الماضي حوالي 40 مليار دولار من قيمتها السوقية بعد إذاعة تقرير تبع Reuters يُفيد بأن الشركة على عِلم ودراية كاملة بوجود مادة مُسرطنة "الأسبستوس Asbestos" في بودرة التالك talc الخاصة بالشركة مُنذ عقود!
في البداية "الأسبستوس" عبارة عن معدن طبيعي بيُستخرج من الأرض عبارة عن ألياف fibers بينما التالك بيتكون من سليكات المغنسيوم المهدرجة، والمتداول إن الأسبستوس من مُسببات عدة أنواع من السرطانات carcinogenic! وتقريباً المُتعرض الرئيسي ليه هما عمال المناجم وفعلاً نسبة كبيرة منهم أُصيبوا بالسرطان وتحديداً نوع من سرطانات الرئة.
الآن في تقرير Reuters تم تسريب بيانات من داخل الشركة تؤكد إن في بعض الأحيان كانت التحليلات بتُعطي نتيجة إيجابية على وجود كمية قليلة الأسبستوس! والمعروف إن التعرض للأسبستوس بأي كمية كانت ممكن يُسبب السرطان.
في البداية أوضح نُقطة وجود الأسبستوس بيكون كنوع من التلوث للتالك نفسه contamination بمعنى إن في بعض الأحيان ممكن نجد الأثنين مع بعض أي لا يُضاف عن عمد.
المُشكلة إن بودرة التالك المُتعرض الأكبر ليها هم الأطفال، وأنا وأنت وأنتي بنسبية كبيرة جداً أهالينا استخدموها أثناء طفولتنا، ولكن الموضوع بيكبر لأن نسبة كبيرة من السيدات بيتعرضوا ليها أيضاً والنتيجة 12,000 سيدة في الولايات المُتحدة الأمريكية رفعوا قضية على الشركة يزعمون بأن مُنتجاتهم سببت لهم سرطان المبيض! وفي قضية حديثة ضد الشركة فاز بها مجموعة من الأشخاص بمبلغ قدره 4.69 مليار دولار لنفس الموضوع في يوليو الفائت!
السؤال هل "أنتي كأم أو كفتاة أو كسيدة" بتتعرضي لبودرة التالك؟
الإجابة لو كأم فأكيد استخدمتيها على أبنائك وبالتالي استنشقتي نسبة منها، ولو كفتاة أو سيدة نعم أيضاً لأن نسبة كبيرة من السيدات بتستخدم بودرة التالك في النظافة الشخصية. ولو كل ما سبق لا.. إذا كنتي تستخدمي مستحضرات التجميل مثل أحمر الشفاه lipstick، المَسكرة mascara، بودرة الوجه face powder، أحمر خدود blush، ظلال العيون eye shadow، كريم الأساس foundation وكان مكتوب على العلبة في قائمة المُكونات talc أو talcum أو magnesium silicate فللأسف بتتعرضي للتالك وفي نسبة إنه يكون ملوث بالأسبستوس. مع مراعات بعض العلامات التُجارية لا تُستخدم التالك وبيكون مكتوب talc free. وبالنسبة للأطفال الدكاترة على مدى عدة سنوات بيحذروا من أي بودرة لأن الطفل ممكن يستنشقها بعيد إذا كان فيها أسبستوس أو لا وده ممكن يسبب أمراض تنفسيه أو اختناق حتى، وبينصحوا بتغير الحفاظات أول بأول واستخدام المراهم في وقت الحاجة وبالتالي لن يكون هناك حاجة للتالك.
ولو متأكدين إنها خالية منه فيُفضل يكون بعيد عن التالك أيضاً ويُستخدم المُنتجات التي تستخدم نشا الذرة الصافي pure cornstarch.
على مدى 30 عام شركة Johnson & Johnson بتحارب لغلق الموضوع ده، وبيكون دائماً ردها مُرتكز على حاجتين الأول إن مُنتاجاتها خالية من الأسبستوس، والثاني إن ربط الأسبستوس بالسرطان مُعتمد على عِلم ضعيف!. وبالتالي كل فترة يُعاد فتح الموضوع.
الخلاصة ياريت ننشر الموضوع وسواء الموضوع أُثبِت أو لا ياريت نخلي بالنا وخلاص وبأذن الله سأتابع الموضوع وأبلغكم بأخر المُستجدات فيه. وعافانا الله وإياكم من كل شر.،وعشان كدا في جوري بنقدم لكم منتجات طبيعيه 💯 خالية من أي مواد بتسبب أي ضرر وده بفضل تيم البحث الخاص بينا، عشان نحافظ عليكم.
جوري منكم وإليكم❤💜❤.
