01/06/2026
إشرب ٤ و ٥ لتر مايه فى اليوم ميهمكش ❌
طبعاً دايماً نسمع اشرب مايه كتير وبدون حساب ودى كارثة ❗️
المَثل اللى قال " الشئ ان زاد عن حده يتقلب ضده مكدبش "
ايه دا يا دكتور !؟ يعنى لو زودت فى شرب المايه ممكن اتعب ؟
- طبعاً وبلا شك ،، لان شرب المايه بكمية اكتر من احتياج الجسم ممكن يسبب تسمم او اضطراب فى وظائف المخ
كل ما تزيد المايه جوا خلايا الدماغ كل ما هتسبب ضغط ممكن يعمل نعاس او صداع وكل ما هيزيد الضغط ده كل ما هيعمل زيادة فى ضربات القلب .. بالاضافة ان زيادة شرب المايه تعمل تخفيف فى لزوجة الدم ودا هيعمل هبوط حاد فى الدورة الدموية 😓
خد الكبيرة بقى ،، شرب المايه ب كمية هيقلل الصوديوم ف جسمك اللى هو اساساً مسئول عن توازن السوائل فى جسمك
وكل ما هيقل الصوديوم فى الجسم كل ما السوائل هتدخل جوا الخلية بشكل اكبر ودا ممكن يعمل نوبات زى الصرع 😱
عشان كدا دايماً نقول اشرب مايه والمايه مفيش احسن منها سواء لمعدلات الحرق او تبعدنا عن الجفاف ولو اتكلمنا من هنا ل سنة قدام مش هنقدر نخلص فوائد المايه فى حياتنا ♥️
الأهم من كل دا { الإعتدال }
اشرب من ٨ - ١٠ كوب ماء يومياً على مدار اليوم 👌
🎗️🍏
