19/11/2024
مش دايما معايا فلوس تسمح اعمل إطعام من بيتي وفي نفس الوقت بزعل لو عدي اسبوع معملتش فاتعلمت وانا بجيب طلبات البيت العادية خالص ازود علبة جبنة نص كيلو في الزحمة كده مش هحس بتمنها
يوم تاني اجيب نص حلاوة
مرة علبة بسكوت
على اخر الاسبوع بيبقى مش ناقص غير العيش
عارفة انتي لو جبتي ب ٣٠ جنيه عيش هيطلع ٢٠ رغيف حجم ممتاز
اعملي في كل كيس سندوتش جبنة وواحد حلاوة
لو الدنيا مبشبشة ممكن كيلو ونص موز صوباع في كل كيس
حطيهم في شنطة واديهم لجوزك يوزعهم
او انزلي انتي وانتي بتنزلي العيال للباص وزعيهم
ما تقوليش بتكسف هتلاقي الف ايد اتمدتلك
مالكيش دعوة اللي هياخد غني ولا فقير
اللي يمد ايده اديله
النهاردة والله مدير في مكان محترم قام جري على الكيس زي الاطفال
جايز اتشغل في شغله وملحقش يفطر
الاطعام سحر وأثره على البيوت جميل قوي كل اللي جربوه مبطلوش ابدا
لا تنسوني بالدعاء
من سن سنة حسنة فله اجرها وأجر من عمل بها إلى يوم الدين
وانا في حاجة شديدة للأجر ده
