Medical life

13/04/2026

the type of blood group🩸

05/04/2026

🔥 Tonsillitis vs. Pharyngitis 🔥

29/03/2026

09/02/2026

Answer the question?

09/01/2026

28/12/2025

What is the primary energy source of the brain?
a) Oxygen
b) Protein
c) Glucose

23/12/2025

23/12/2025

الكحة حاجة حلوة وحاجة وحشة في نفس الوقت.
هي رد فعل دفاعي لحماية الجهاز التنفسي وتنظيفه من الأجسام الغريبة مثل الغبار والدخان، ومن المخاط الزائد.
كما تساعد الجسم على التخلص من مسببات العدوى والأمراض.
وتُعتبر الكحة حاجة حلوة لأنها رد فعل انعكاسي (Reflex) يحدث لطرد الأجسام الغريبة أو الإفرازات من مجرى الهواء، مما يساعد على تسليك مجرى التنفس ويُشعر المريض براحة في الصدر ويقلل الألم الموجود فيه.
أنواع الكحة:
تُصنَّف الكحة حسب وجود البلغم إلى:
كحة جافة (Dry cough): تكون بدون بلغم
كحة رطبة (Productive cough): تكون مصحوبة ببلغم
ودا بيعتمد علي وجود البلغم اثناء السعال
و امتى تكون الكحة حاجة وحشة ؟
الكحة بتكون وحشة إذا كانت شديدة أو مستمرة، لأنها قد تؤدي إلى:
تعب وإجهاد في الصدر والجسم
صعوبة في التنفس
احمرار الوجه
الإحساس بالاختناق
التقيؤ
عدم القدرة على النوم
التبول اللاإرادي
الصداع والدوار
فقدان الوعي
وفي الحالات الشديدة جدًا قد تؤدي إلى كسور في الأضلاع بسبب شدة السعال

ايه اسباب الكحة ....؟

02/12/2025

عامل Rh وأهميته في الحمل ونقل الدم
عامل Rh هو بروتين يوجد على سطح كريات الدم الحمراء
بيكون موجود في الشخص Rh+، و ليس موجوداً اذا كان Rh-
سُمّي بهذا الاسم نسبة إلى قرود الريسوس التي اكتُشف فيها لأول مرة.
متى تحصل المشكلة؟
المشكلة لا تحدث إلا في حالة واحدة:
لو الأم Rh- تحمل جنينًا Rh+ (من الأب)
خلال الولادة الأولى قد تختلط كمية صغيرة من دم الجنين مع دم الأم، فجهازها المناعي يتعرّف لأول مرة على بروتين Rh+ ويبدأ في تكوين أجسام مضادة (Anti-D) ضده,هذه الأجسام المضادة لا تسبب مشكلة للطفل الأول عادة لأنها تتكوّن بعد الولادة.
ايه اللي بيحصل في الحمل التاني؟
وهنا بقى بتحصل المشكلة
تحمل الأم مرة أخرى بجنين يحمل Rh+ فإن الأجسام المضادة الموجودة لديها التي تكونت بعد ولادة الطفل الاول تعبر المشيمة وتهاجم كريات دم الجنين، وهذا يؤدي إلى:
تكسير كريات الدم الحمراء
فقر دم شديد لدى الجنين
تراكم السوائل (Hydrops fetalis)
وقد يصل الأمر إلى وفاة الجنين إن لم يُعالج
وتسمى هذه الحالة:
Hemolytic Disease of the Newborn (Erythroblastosis Fetalis)
تجنبًا لهذا المرض الخطير
يجب اعطاء الأم حقنة RH حقنة Anti-D (RhoGAM) بعد الولادة
وظيفة هذه الحقنة لا تمسح بتكوين أجسام مضادة
ضد (RH+ve) وبالتالي تحمي الحمل الثاني وجميع الأحمال القادمة من الخطر.

27/11/2025

كل يوم معلومه تمريضيه جديده
📌Nursing quote 33 :
📌ايه هو جهاز تنظيم ضربات القلب او ال peacemaker?!

📌جهاز تنظيم ضربات القلب (Pacemaker) هو جهاز طبي صغير يُزرع تحت الجلد لمساعدة القلب على تنظيم ضرباته لما يكون فيه اضطراب في الإيقاع الطبيعي للقلب او كهربا القلب، مثل بطء ضربات القلب أو عدم انتظامها.

📌 يُستخدم الجهاز لتحسين كفاءة القلب ومنع الأعراض الناتجة عن ضعف النبضات.

---
طيب هو بيتكون من ايه؟:

✔️1. مولد كهربائي: يحتوي على بطارية ودوائر إلكترونية لتوليد النبضات.

✔️2. أقطاب كهربائية (أسلاك): تُوصل المولد بالقلب لنقل الإشارات الكهربائية.

✔️3. برمجيات التحكم: تُحدد نمط وشدة النبضات حسب حاجة المريض.

---

📌ازاي الجهاز ده بيشتغل؟

🚨لما يُلاحظ الجهاز أن ضربات القلب بطيئة أو غير منتظمة، يقوم بإرسال نبضات كهربائية صغيرة لتحفيز القلب على النبض بشكل طبيعي.

📌يعمل الجهاز وفقًا لنمط مبرمج مسبقًا، ويمكن تعديله حسب حاجة المريض.

---

📌طيب ايه هي الحالات التي تُستخدم فيها أجهزة تنظيم ضربات القلب؟!

✔️1. بطء ضربات القلب (Bradycardia):

✨و ده لما تكون ضربات القلب بطيئة جدًا لتلبية احتياجات الجسم.

✔️2. اضطرابات النظم (Arrhythmias):

✨زي الرجفان او التذبذب الأذيني أو البطيني.

✔️3. قصور القلب:

✨لتحسين انقباضات القلب في حالات ضعف عضلة القلب.

✔️4. (Sick Sinus Syndrome):

✨و دي لما تفشل العقدة الجيبية في تنظيم ضربات القلب.

✔️5. الإغماء المتكرر بسبب بطء القلب:

✨للحماية من السكتات القلبية الناتجة عن انقطاع النبض.

---

📌ايه هي أنواع أجهزة تنظيم ضربات القلب؟!

✔️1. الجهاز أحادي الحجرة:

يرسل النبضات إلى واحدة من حجرتي القلب (الأذين أو البطين).

✔️2. الجهاز ثنائي الحجرة:

ينسق بين ضربات الأذين والبطين.

✔️3. الجهاز ثلاثي الحجرة (CRT-P):

يُستخدم في حالات قصور القلب لتحسين تنسيق انقباض البطينين.

✔️4. الجهاز القابل للزرع تحت الجلد (Leadless Pacemaker):

جهاز صغير يُزرع مباشرة في القلب بدون أسلاك.

---

📌ازاي الجهاز ده بيتركب؟!

بيتم تركيبه تحت التخدير الموضعي، بعد كده بيتم إدخال الأسلاك إلى القلب عبر الوريد باستخدام الأشعة السينية لتوجيهها، يُوضع المولد تحت الجلد في منطقة الصدر أو أعلى البطن.

📌طيب ايه هي فوائد جهاز تنظيم ضربات القلب:

✔️1. تحسين جودة الحياة: عن طريق تقليل الأعراض مثل الإغماء وضيق التنفس.

✔️2. استعادة الإيقاع الطبيعي للقلب: و ده يمنع المضاعفات الناتجة عن عدم انتظام ضربات القلب.

✔️3. زيادة الطاقة والنشاط: فاا يُحسن تدفق الدم والأكسجين إلى الجسم.

✔️4. منع السكتة القلبية:لانه بيحمي من توقف القلب المفاجئ.

---

📌ايه هي المخاطر والمضاعفات المحتملة:

✔️1. العدوى:في موقع الزرع و ده من اخطر المضاعفات .

✔️2. نزيف أو تورم

✔️3. مشكلات في الأسلاك:زي مثلا انها تحركت من مكانها.

✔️4. الحساسية للأدوية:المستخدمة أثناء التركيب.

✔️5. تداخل مع الأجهزة الأخرى:وده لان أجهزة تنظيم ضربات القلب ممكن تتأثر ببعض الأجهزة الكهربائية أو المغناطيسية.

---

📌 العناية بالجهاز بعد الزرع:

✔️1. المتابعة الطبية المنتظمة:لمراقبة أداء الجهاز وتعديل البرمجة إذا لزم الأمر.

✔️2. تجنب الأجهزة الي ليها خاصيه المغناطيسية القوية: زي أجهزة التصوير بالرنين المغناطيسي والميكروويف.

✔️3. العناية بموقع الجرح:علشان نمنع العدوى.
🚨و ده مهم جداا

✔️4. ممارسة الرياضة بحذر:تجنب الأنشطة التي ممكن تؤثر على الجهاز.

---

📌طيب هل جهاز تنظيم ضربات القلب دائم:

✔️تستمر عادةً من 5 إلى 15 سنة حسب نوع الجهاز .

📌ايه هو ملخص كل ده؟!

✨جهاز تنظيم ضربات القلب هو تكنولوجيا رائعه تحاول انها تُعيد الحياة إلى طبيعتها للناس الي بيعانوا من اضطرابات في نظم القلب. ..الالتزام بتعليمات الطاقم الطبي والعناية بالجهاز بيضمن ليك حياة صحية ونشيطة كمان 💗

🩺و بسكدا اتمني البوست يكون فادكم و متنسوش تعملوا لايك و شير للبوست 💗✨

ً
#تمريض