Miracle Slim

29/04/2026

11/04/2026

الأسماك المملحة
فايدتها وإيه المشكلة فيها؟

الأسماك المملحة زي الفسيخ والرنجة والسردين تعتبر من أشهر أكلات شم النسيم، وهي في الأصل أكله قيمتها الغذائية كويسة جدًا، لأنها مصدر غني بالبروتين وبعض الدهون المفيدة.

لكن المشكلة الحقيقية مش في السمك نفسه… التحدي في طريقة الحفظ.

التمليح بيزود جدًا نسبة الصوديوم، وده ممكن يسبب:

* احتباس سوائل في الجسم
* إحساس بالعطش طول الوقت
* ارتفاع ضغط الدم
* تحميل زيادة على الكلى
* تقليل استجابة الجسم للأنسولين، وده مهم ناخد بالنا منه خاصة لمرضى السكر

كمان في نقطة مهمة بخصوص الأمان الغذائي، وهي إن بعض الأنواع زي الفسيخ والسردين مش بتتعرض لحرارة، فلو المصدر مش مضمون، ممكن يكون فيها بكتيريا ضارة.

#صحة #تغذية

11/04/2026

التغذية الصحيحة مش بس للدايت أو لنمط غذائي صحي،
التغذية الصحيحة هي الخطوة الأهم في الوقاية من الأمراض والعلاج منها..

في مركز أهل مصر للخدمات الطبية بنقدم عيادة التغذية العلاجية مع د/ مروة صبري
- رئيس قسم التغذية العلاجية بمستشفى أهل مصر.
- استشاري التغذية العلاجية في المستشفيات والحالات الحرجة.
- عضو الجمعية الأوربية للتغذية العلاجية.
- محاضر في المعهد القومي للتغذية.

للحجز والاستفسار 📞 اتصل على 16863
أو💬 ابعت رسالة على واتساب رقم: 01031288008
في مركز أهل مصر للخدمات الطبية كل كشف بتدفعه خطوة في رحلة علاج مريض حروق.

11/04/2026

بدائل صحية لأكلات شم النسيم

بتخليك تستمتع باليوم من غير ما تحمل جسمك فوق طاقته، فبدل الفسيخ والرنجة العالية في الملح ممكن تختار رنجة قليلة الملح مع ليمون وخل وزيت زيتون، أو تتجه لبدائل أخف زي التونة والماكريل أو السمك المشوي زي البلطي والبوري، وكمان الملانة اختيار مغذي ومفيد.

ومع الأكل حاول تعتمد على خبز أسمر أو شوفان بدل الأبيض، وتكثر من الخضار الطازة زي الخس والجرجير والبصل الأخضر والخيار والطماطم عشان تساعد على الهضم وتوازن الأملاح، والبيض المسلوق يفضل عنصر أساسي.

ولتقليل تأثير الملوحة مهم تشرب مياه بكميات كفاية، وممكن تضيف مشروبات زي الكركديه أو النعناع، وتستبدل المشروبات الغازية بعصاير طبيعية، وكمان السناكس يكون أذكى زي المكسرات غير المملحة والترمس، مع فاكهة زي الموز والبرتقال عشان تعادل الأملاح، وبكده تقدر تقضي يوم شم النسيم بشكل متوازن ومريح للجسم.

#صحية #تغذية #نصيحة

02/12/2025