Al_hadidy kids clinic _د/عبدالباري الحديدي

  • Home
  • Egypt
  • Cairo
  • Al_hadidy kids clinic _د/عبدالباري الحديدي

Al_hadidy kids clinic _د/عبدالباري الحديدي صحتكم في أيادي أمينه��

(وما لنا ألا نتوكل على الله وقد هدانا سبلنا ولنصبرن على ما آذيتمونا وعلى الله فليتوكل المتوكلون)شهداءنا في الجنه وقتلاهم...
10/10/2023

(وما لنا ألا نتوكل على الله وقد هدانا سبلنا ولنصبرن على ما آذيتمونا وعلى الله فليتوكل المتوكلون)
شهداءنا في الجنه وقتلاهم في النار 🤲
🤍

17/01/2023

أحذر للمرة المليون.. لو طفل عنده كحة شديدة ممنوع نهائيا ياخد أدوية البرد زى دولودى وكونجيستال وساين أب عشان هتنشف الإفرازات وتزود الكحة موت...

30/12/2022



♦️ كوسه+ جزر
♦️ كوسه + جزر + بطاطس
♦️ أرز مسلوق + قراصيا
♦️ أرز مسلوق + قراصيا + بنجر + حليب
♦️ سميد + قراصيا + بنجر + حليب
♦️ سميد + كوسه + بنجر + حليب
♦️ سميد + موز + كوسه
♦️ بطاطا مشويه + حليب
♦️ سميد + بسله + بنجر
♦️ سميد + قراصيا + كوسه
♦️ سميد + موز + حليب + كوسه
♦️ شوفان + حليب + قراصيا
♦️شوفان + كوسه + فلفل أخضر + معلقه زيت زيتون + حليب
♦️ فلفل + كوسه + شوفان + زيت زيتون + حليب الام او حليب صناعي
♦️ تين مجفف + موزه
♦️ بطاطس + فلفل + معلقه زيت زتون
♦️ بطاطس + بسله + معلقه زيت زتون
♦️ شوفان + بنجر + حليب + تفاح
♦️ ٢ معلقه كبيره شوفان + ٥ حبات تمر مسلوق + حليب + ماء
♦️ تمر + أرز + زبادي
♦️بطاطس + موز + زبادي
♦️جبنه قريش مبستره كامل الدسم + بطاطس + زيت زيتون + زعتر + كمون
♦️ بنجر + كمثري
♦️ بروكلي + بطاطا
♦️زبادي + موز او اي فاكهه
♦️ زبادي + سميد+ تفاح
♦️ زبادي + جنين قمح + موز
♦️ بنجر + كوسه+ صفار وبياض بيض + سميد + كركم + كمون



♦️ لازم كل نوع جديد يتجرب لوحده لمدة ٣ ايام او مع أي نوع سبق تقديمه للطفل ومحصلش منه حساسيه

♦️ اي كلمه حليب مكتوبه مقصود بيها حليب الام او الحليب الصناعي يتم اضافته بعد تحضير الوجبة

💙

30/12/2022

البروفين شراب بيتأخذ من بعد الشهر السادس من أفضل خوافض الحراره وبرئ من الإشاعات اللي بتطلع عليه بيتأخذ نصف الوزن كل ست ساعات يعني لو الطفل وزنه ١٠ كيلو بيأخذ ٥سم كل ٨ساعات يبقى عندنا في البيت للطوارئ

صباح الخير💙

28/12/2022

الجديري المائي
••••••••••••••••••
🚩طبعا لا يخفي عليكم
بياخد كل اشكال الحبوب اللي في الدنيا
بيبدأ بحبوب حمرا وبعد كدا تملي مياه وبعد كده تتحول لقشرة سودا

🚩بيظهر في الظهر والبطن وبعد كدا ينتشر للأطراف
🚩اهم حاجه الطفل ما يهرش ،،بنقص ظوافره وندهن ع جسمه لوسيون مع مضاد للحساسيه بالفم،، زوفيراكس بيعجل في الشفاء لو اتاخد من اول يوم ،، لكن الدور دا بياخد دورته كامله يعني هياخدها 😢

🚩موضوع اننا مش ان الطفل مش بياخد شور دا نفسي اعرف مين اللي قاله وانتشر عبر الاجيال😡،، بندي شور عادي بس نخلي المياه تنزل انسيابيه ع جسمه بدون دعك ،، العدوي بتنتشر من المياه اللي جوا الحبوب لو فرقعت من الاحتكاك ،، ونغير هدومه يوميا

🚩ايوا معدي جدا ..فالعزل مطلوب حتي ظهور القشرة السودا..وبيجي مره في العمر
# # #

28/12/2022

صباح الخير 💙

لو ابنك أقل من خمس سنين ما تنسيش تدى فيتامين (أ) من اول ست شهور فى العمر ،
وماتنسيش تدى فيتامين ( دال) من اول يوم بجرعه اربع نقط من ( V drop) ،
وماتنسيش تدى حديد من عمر ست شهور
وماتنسيش تدى تطعيم الروتا والمكورات من عمر شهرين واربعه وست شهور ،
وما تديش غير رضاعه لحد سن اربع شهور
الحاجات دي هتفرق جدا فى مناعه طفلك
دمتم بخير .

25/12/2022

مساء الخير عليكم 💙🌹
إسمحولنا نتكلم عن الأم ومعاناتها شويه .💔

مين زعلانة و مضايقة عشان الولاد مبياكلوش
بيض و مبيشربوش لبن ⁉️

هنلاقي أمهات كتير تقول أناااااااا 😥

طيب عاوزين بس نفهم شوية أساسيات كده لكل الأطفال

❤️ البروتين مكون غذائي مهم لتكوين العضلات و الخلايا و إنتاج الطاقة في الجسم و تكوين هرمونات و إنزيمات مهمة جدا يعني من الآخر كده هو مهم جدا جدا

❤️ البروتين بناخده من الأكل من مصدرين بروتين حيواني ( لبن /بيض/زبادي/جبنة /فراخ/لحمة/سمك) وكل مشتقاتهم و نباتي (خضار /بقوليات)
❤️طيب ليه بنشجع إن الطفل ياخد من مصدر حيواني أفضل لأن 👇
🍶البروتين فيهم أعلي
🍶هضمه أفضل
🍶متنوع أكتر
❤️طيب هل ده معناه إن إللي هياخد من مصدر نباتي هيبقي عنده مشاكل ⁉️
لا بدليل في ناس نباتية و ماشية علي نظام تغذية خالي من كل ما هو من مصدر حيواني ولكن 👀👀

الطفل في مرحلة نمو فالأفضل تشجعه و نقدم له مصادر مختلفة و متنوعة.

❤️مش لازم كل يوم بيضة أساسي ،، ممكن ننوع كل يوم
المهم ١٥ ٪ من غذاء الطفل بروتين ،، و بالتقريب كده ١ جرام للكيلو في اليوم ( بتختلف طبعا حسب العمر و حالة الطفل الصحية ،، و تغذيته)

❤️ جربت كل حاجة و مبيرضوش 😢😢

طيب نشوف كل حاجة دي تتعمل إزاي
1️⃣ لازم نهدي نهدي نهدي ، الطفل لما بيحس إن الأم بتتعصب من حاجة بيعملها أكتر 😅
2️⃣الأم و الأب مراية الطفل لو إنت مش بتاكلي مش هياكلوا لو مش بتهتمي بالبروتين مش هيهتموا
3️⃣خلي وقت الوجبة تقريبا في مواعيد ثابتة و في وقت تقريبا تلت ساعة الروتين بيفرق معاهم
4️⃣ساعدي الطفل يختار من حاجتين ، هتاكل مثلا كبدة و لا سمك و هكذا و لو طريقة مش حاببها نغيرها ، خلي الأطفال تساعدك في الشراء و تجهيز الوجبة
5️⃣ آخر حاجة الطفل في عمر تحت ال ٣ سنوات تركيزه أكتر علي اللعب و الأنشطة فبيحتاجوا محايلة كتييييييير جدا للأكل و تنوع و اختلاف و ممكن نجرب إن حد غير ماما يحاول معاهم
🤝
01033103678 لإي إستفسار
مواعيدنا يوميا بالعياده من 5مساء ل10مساء

24/12/2022

الأمهات اللي بترضع طبيعي ومش بتاخد جرعات كافيه من فيتامين د والحديد والكالسيوم
اكيد هتحس بهبوط،وقلة مجهود، وبالتالي هتأثر عالرضاعه، ده غير مشاكل بالعضم والمفاصل والشعر والضوافر،....الخ
والاعراض هتزيد مع الوقت ✋

21/12/2022

💧مملكة الهربس المجهولة 💧

- الولد سخن مولع وكل اما ياخد الخافض يسخن تانى 😱😱
واديته اوجمنتين وهايبيوتك ودكتور تانى اداه سوبراكس وابر سيفوتاكس ومفيش اي نتيجة 😭😭

-- ورينى كده زوره يا ماما ،، حضرتك ده هربس ..!

والعلاج مختلف ،، !

مين فيكو يا ماميز مرّ بالقصة دى وحابب يفهم اي الهربس وليه بتلخبط في تشخيصه ؟؟

تعالوا ندردش شوية 👍

بسم الله ...

نظراً لانتشار الهربس كالنار في الهشيم - هوا أصلاً ماختفاش ، قل شوية ورجع بقوة ..
نقول كده وبالله التوفيق شوية قواعد ..:

* القواعد ال #١٠ للهربس*

١. الهربس ده ڤيروس ،، والله العظيم ڤيروس ،، يعنى علاجه مش مضاد حيوى !

٢. المنتشر اليومين دول هربس اللوزتين والحلق ،، وده تشخيصه في قمة الصعوبة والله..

٣. النوع اللي معاه أوبشن سهل التشخيص ده مبقاش بينزل خلاص 😭 يعنى ستّى وستّك عارفين ان القرح والاكياس اللى في الفم واللثة وتحت الشفتين دي هربس ،، اهو ده بالذات قل جداً!
فين أيام الهربس الوسطى الجميل 😁😂

٤. النوع التانى : الأعراض هيا هيا أعراض التهاب الحلق ، حرارة عالية ، فقدان شهية فظيع -ميطيقش حاجة في الفم- ، حيل-غدد- تحت الفكين ، الأهم بأه ،، -الزتونة زى ما بيقولوا -،،
وجود قرح او اكياس Vesicles على اللوزتين او في الحلق ،، مع التهاب الحلق طبعاً.

٥. الفكرة في صعوبة التشخيص ،، ان ساعات يبقى الحلق فيه صديد ،، الفكرة هنا ان صديد البكتيريا بيبقى على شكل "نُقط" ،، عكس الهربس اللى بيبقى على شكل "بُطش أو كُتل" مفروشه داخل " grooves حفر او اخاديد" !!

٦. للأمانة العلمية موضوع النقط والبطش ده اجتهاد شخصى و ساعات التفرقة بتبقى مستحيلة طالما مش في Vesicles،، ساعتها بنلجأ للسؤال عن الاختلاط باطفال عندهم هربس آخر ٢-٣ اسابيع ،، وبنبدأ علاج الهربس طالما التشخيص أقرب ليه..!

٧. الكلام العلمى :

التحسن على أسيكلوڤير (زوڤيراكس- لوڤير-ڤيروستات) خلال٣-٥ ايام.

الخبرة العملية :

الحرارة بتتحسن تماماً خلال ٧٢ ساعه من العلاج
والشهية بتتحسن خلال ٥- ٧ ايام !

٨. ايزوبرينوزين مش علاج اطلاقاً ،، ماهو إلا منشط للمناعه و مساعد في العلاج للهربس المتكرر. العلاج زوفيراكس .

٩. ايوا ممكن جداً الطفل يصاب بهربس ،، بعد كده يصاب بالتهاب بكتيرى ثانوى في الحلق ،، يعنى لو الدكتور كتب لحضرتك زوفيراكس في الكشف و مضاد حيوى في الاستشارة الدكتور مش غلطان هوا بيدى علاج حسب الكشف وهوا لا يعلم الغيب على فكرة..!

١٠. الهربس بيخفّ لوحده والعلاج بيسرّع الشفاء باذن الله وساعات بيقعد في الخلايا العصبية للجسم ويتكرر بشكل بايخ ومستفز كل شهر او سنة او اقل او اكتر ،، كمان مسحة الحلق والمزرعة مش موجوده للڤيروسات في مصر كلها Viral culture فمش هتبقى ذات قيمة الا لو الالتهاب بكتيرى،، ودي بتقعد ٣ ايام اصلاً يعنى يكون الطفل اتبهدل منك فلازم تعتمد على الحس الاكلينيكى 👍

يا رب نكون افدناكم بالمعلومات البسيطة دى ،، ونساعد بيها أمهات بيعانوا ،، واطفال بيسخنوا ،، ودكاترة وزملاء بيتابعونا ... 💡😀
💙
01033103678 لإي إستفسار

20/12/2022

اللبن البقري والجاموسي والسكر والملح والعسل ممنوعين نهائيا قبل عمر السنة 🤫🤫

15/12/2022

وجبة الإفطار هيا أهم وجبه في يوم الطفل
طفلك اللي مش بيفطر قبل مايخرج الصبح احسنله يقعد في البيت ✋

13/12/2022

نقول تاني👉
️ الصحه مش بالكيلو... ️ طالما وزن طفلك فى المتوسط و نشاطه كويس...يبقى سليم و زى الفل... ايه فايدة التخن...لو !مناعته وحشه...و حركته بطيئه!!؟

Address

سوهاج
Cairo

Telephone

+201033103678

Website

Alerts

Be the first to know and let us send you an email when Al_hadidy kids clinic _د/عبدالباري الحديدي posts news and promotions. Your email address will not be used for any other purpose, and you can unsubscribe at any time.

Shortcuts

Share

Category