Dr.Noha Mohamed Specialist of Public health&Nutrition

31/05/2026

30/05/2026

لزمايلنا الأطباء اللي حابب يستفيد من علم أساتذتنا
د.أيناس
جhttps://www.facebook.com/share/p/1M8Ked1jXr/
كانت حالة مريض كانسر مثانة قابلتني فى العيادة و تم المناقشة للأعراض ووضع الخطة العلاجية المناسبة

This clinical case presentation discusses the nutritional assessmen...

27/05/2026

كل عام و حضراتكم بخير وصحة

04/05/2026

⚠️ عملية التكميم مش “حل سحري”...
ولو الأكل ما اتغيرش، الوزن ممكن يرجع تاني.

في ناس بتفتكر إن العملية لوحدها هتحل المشكلة،
لكن الحقيقة إن التكميم مجرد “أداة” تساعدك… مش العلاج الكامل.

بعد التكميم ممكن يحصل:
❌ نقص بروتين
❌ أنيميا ونقص حديد
❌ نقص فيتامين B12 وVitamin D
❌ تساقط شعر
❌ ترهلات وضعف عضلي
❌ ارتجاع وحموضة
❌ رجوع الوزن مع الوقت

النجاح الحقيقي بعد العملية محتاج:
✔ نظام غذائي علاجي مناسب
✔ التزام بالبروتين
✔ مكملات وفيتامينات بانتظام
✔ متابعة تحاليل
✔ تعديل السلوك الغذائي
✔ حركة ونشاط تدريجي

العملية غيّرت حجم المعدة…
لكن هل غيّرت علاقتك بالأكل؟

اللي بيحدد نجاح التكميم على المدى الطويل
مش العملية نفسها…
اللي بيحدد النجاح هو أسلوب حياتك بعد العملية. 💚

#التكميم


#سمنة

03/05/2026

⚠️ أخطر كذبة في عالم التغذية
"المهم الرقم اللي على الميزان" نفسي أشوفه بيقل

في ناس بتنزل على الميزان
لكن صحتها بتنهار في نفس الوقت.

❌ دايتات الحرمان
❌ الشاي الحارق
❌ الحبوب المجهولة
❌ قطع الأكل
❌ أنظمة الـ 500 سعر حراري

كل ده ممكن ينزل الوزن بسرعة…
لكن كمان ممكن يسبب:
• هبوط وسكر منخفض
• فقدان عضلات
• تساقط شعر شديد
• اضطراب هرمونات
• ثبات حرق
• اكتئاب وعلاقة مرضية مع الأكل

والأسوأ؟
إن أغلب الوزن بيرجع تاني… أضعاف.

التغذية العلاجية الحقيقية مش تجويع.
هي علم بيدرس جسمك، تحاليلك، أمراضك، نومك، نفسيتك، وأسلوب حياتك.

الهدف مش إنك “تبقى أرفع” بس…
الهدف إنك:
✔ تبقى صحي
✔ تتحرك بدون تعب
✔ تحافظ على عضلاتك
✔ تضبط السكر والضغط
✔ تعيش بدون حرمان

متصدقش أي حد يبيع الوهم تحت اسم “دايت سريع”.
الصحة مش تحدي أسبوعين…
الصحة أسلوب حياة. 💚


#السمنة

#صحة

19/04/2026

💉 حقن المونجارو (Mounjaro)،و مثيلاتها… هل هي الحل السحري لفقدان الوزن؟

في الفترة الأخيرة بقى في إقبال كبير على حقن المونجارو، وناس كتير بتسأل:
هل فعلاً بتنزل الوزن؟ وهل آمنة؟

📌 إيه هو المونجارو؟
هو دواء بيُستخدم أساسًا لمرضى السكر من النوع الثاني، وبيشتغل عن طريق تنظيم هرمونات مسئولة عن الشهية وسكر الدم، وده بيؤدي إلى:
✔ تقليل الإحساس بالجوع
✔ الإحساس بالشبع لفترة أطول
✔ تحسين مستوى السكر في الدم

📉 هل بيساعد على فقدان الوزن؟
أيوة، المونجارو ممكن يساعد في خسارة الوزن بشكل ملحوظ، لكن مش بديل عن النظام الغذائي الصحي.
أفضل نتائج بتكون مع:
🥗 نظام غذائي متوازن
🏃‍♀️ نشاط بدني منتظم

⚠️ مهم تعرفي:
❌ مش مناسب لكل الناس
❌ لازم يتاخد تحت إشراف طبي فقط
❌ ليه أعراض جانبية زي: غثيان – قيء – اضطرابات هضمية

🚫 مين لازم ياخد باله؟

- مرضى الغدة الدرقية
- الحوامل والمرضعات
- أي حد عنده مشاكل في الجهاز الهضمي

💡 النقطة الأهم:
المونجارو “وسيلة مساعدة” مش حل سحري
والاعتماد عليه لوحده بدون تغيير نمط الحياة غالبًا بيؤدي لرجوع الوزن تاني

📣 الخلاصة:
لو بتفكري تبدأي المونجارو، لازم يكون ضمن خطة علاجية كاملة تشمل تغذية صحية ومتابعة طبية مستمرة

لو حابة تعرفي هل هو مناسب لحالتك ولا لأ 👇
سيبي تعليق أو ابعتي رسالة 💬

24/03/2026

الواتس اب عندي كله شبه كدة
كفاية تأنيب ضمير
خلااااااص
نقطة و من أول السطر

25/02/2026

"أنا مش بعمل دايت… أنا بعالج انسان وبغير حياته بفضل الله"

جتلي مريضة بنوتة ٢٣سنة
دخلت وهي بتقول:
"أنا ضعيفة… معنديش إرادة… بفشل كل مرة ، كرهت كل حاجة"
"أمي بتعايرني بوزني
خطيبي فسخ الخطوبة بسبب زن والدته عشان وزني"

كانت مجربة كل حاجة.
دايت قاسي.
قطع نشويات.
صيام طويل.
أدوية تخسيس.
وفي الآخر؟
ترجع تزيد أكتر من الأول.

بس الحقيقة؟
هي ما كانتش ضعيفة.
كان عندها مقاومة إنسولين.
نومها مضروب.
أكلها ملخبط بسبب شغلها وضغط حياتها.
وجسمها داخل في دايرة تخزين مش حرق.
أول ما فهمنا جسمها…
مش حاربناه.
بدأنا نصلّح.
مش نمنع.
نظبط توقيت.
نوزع كربوهيدرات صح.
نزود بروتين.
نشتغل على النوم.
والنتيجة؟
جسمها بدأ يتعاون.
مش لأن إرادتها اتحسنت…
لكن لأن جسمها بقى مفهوم.
علشان كده بقول دايمًا:
السمنة مش فشل شخصية.
والالتزام بنظام غذائي مش عقاب.
التغذية العلاجية = فهم.
وفهم الجسم بيغير كل حاجة.
لو حاسة إنك بتحاولي كتير ومفيش نتيجة…
يمكن المشكلة مش فيك 🤍
كان نفسي أحط صورة لها قبل وبعد لكنها رفضت و طبعا لانى بحافظ على خصوصية مرضاي استجبت لرغبتها
#قلق
#تغذية #

22/02/2026

🍽️ الأكل العاطفي…
وما أدراك و ما الأكل العاطفى!!!
مش ضعف إرادة🙈
مش كل جوع سببه المعدة.🫣
أحيانًا اللي جعان هو مشاعرنا🥹
🔹 زعل😪
🔹 توتر😣
🔹 ملل😶
🔹 إحباط😕
🔹 شعور بالوحدة

💡ساعتها المخ بيدوّر على مكافأة سريعة…
وأسرع مكافأة = أكل.🎂🧁🥧🍔

💡طب إزاي أفرق بين الجوع الحقيقي والجوع العاطفي؟
✅الجوع الحقيقي:
بييجي تدريجي
أي أكل بيؤدي الغرض
بيقف مع الشبع

♦️الجوع العاطفي:
بييجي فجأة وبيبقى اشتهاء لنوع معين
مكمل حتى بعد الامتلاء
مرتبط بمشاعر

💡ليه الأكل بيهدي أعصابنا؟
الأكل — خصوصًا السكريات — بيرفع الدوبامين والسيروتونين
فتحصلي على راحة مؤقتة…
لكن بعدها غالبًا بييجي:
❌ إحساس بالذنب🥹
❌ لخبطة في السكر🫣
❌ زيادة وزن😧

الحقينا بالحل 😍😍

الحل مش إننا “نمنع” الأكل
الحل إننا نسأل:
🟢 أنا جعانة فعلًا؟
ولا محتاجة احتواء؟
ولا راحة؟
ولا حد يسمعني؟

4 خطوات بسيطة توقف الهجمة:
1️⃣ اشربي كوب ماء
2️⃣ استني 10 دقايق
3️⃣ غيري المكان
4️⃣ لو لسه جعانة… اختاري بروتين + ألياف

💬 تفتكري الأكل العاطفي بيجيلك إمتى أكتر؟
ليل؟
بعد خناقة؟
قبل البيريود؟
شاركونا 🤍
#تغذية #جوع #قلق