25/02/2026
مش دايمًا علاج الأنيميا لازم يكون دوائي 💊
أوقات كتير نقدر نحسّن مستوى الحديد من أكل البيت، بتكلفة أقل وطريقة طبيعية وآمنة 👌
عندنا نوعين من الحديد في الأكل:
🔹 Heme Iron
موجود في المصادر الحيوانية زي الكبدة (خصوصًا كبدة الفراخ)، اللحوم، والأسماك.
النوع ده الجسم بيمتصه بسهولة وكفاءة عالية.
🔹 Non-Heme Iron
موجود في أطعمة نباتية زي الفول، السمسم والطحينة، والعسل الأسود.
النوع ده ممكن يحتوي على كمية حديد كويسة جدًا، لكن امتصاصه أقل شوية.
نحل مشكلة الامتصاص إزاي؟ 🤔
ببساطة نضيف فيتامين C مع الأكل —
نص ليمونة على طبق الفول أو فلفلاية جنب الوجبة تزود الامتصاص بشكل كبير 👍
لكن برضه لازم نعرف إن امتصاصه ما بيوصلش لنفس كفاءة الحديد الحيواني 100%.
⚠️ مهم جدًا:
الكلام ده ينفع في حالات نقص الحديد البسيطة أو للوقاية.
لكن لو في أنيميا شديدة أو الهيموجلوبين منخفض بشكل واضح، غالبًا هنحتاج مكملات حديد لفترة لأن الأكل لوحده مش هيعوض النقص بسرعة كفاية.
اعرف تحليلك بيقول إيه…
واعرف إنت بتاكل إيه…
وكُل صح 💚
.
