Dietitian Manar Mohamed

15/05/2026

البيض
غذاؤك المتوازن… سر صحتك وحيويتك

البيض… غذاء بسيط بقيمة كبيرة
البيض مصدر مهم للبروتين عالي الجودة
وبيحتوي على عناصر غذائية مهمة تساعد في:
بناء العضلات
دعم وظائف المخ
الإحساس بالشبع والطاقة
النظام الغذائي الصحي
يعتمد على التوازن… مش المنع
وكمان بروتين عالي الجودة
وجزء من التغذية المتوازنة
الغذاء الصحي مش قائم على منع أطعمة مفيدة
لكن على التنوع والاعتدال 👌

08/05/2026

‏💚💚💚💚💚💚

02/11/2024

📌 اجابة أسئلة بتتكرر...
1- هل فى نظام دايت لتخسيس منطقة معينة من الجسم والباقى لا ؟
- الاجابة : لا , مفيش نظام يخسس منطقة واحده فى الجسم , الجسم كله كتله واحده بيخس , بناء على ايه بناء على جينات الجسم و طبيعته .
2- انا عاوز/ه بطنى اللى تخس و الاجناب لكن الوش ميخسش !؟
الاجابة : الكلام ده مبيحصلش لان الجسم لما بيخس بيخس كله على بعضه طبعا لطبيعة الجسم و جيناته .
3- عاوز/ه بطنى تنزل بسرعه !؟
-الاجابة : البطن بتاخد وقت فى النزول لانها مخزن الدهون و الطاقة فى الجسم و مع المعظم بتكون اخر منطقة بتتغير لانها منطقة تجمع دهون " عنيدة " ف محتاجة صبر و طولة بااااااااااال .🙂
4- اسرع طريقة لنزول البطن ايه !؟
-الاجابة : نظام دايت متوازن منخفض النشويات مع الصيام المتقطع وممارسة الرياضة يوميا النتائج بتكون ممتازه.
5- انا خسيت 10 كيلو فى شهر ومبسوط/ه اوى ؟
الاجابة : للأسف الشديد دا غلط ومش صح لان ببساطه بسهولة جدا الوزن ممكن يرجع تانى وبسرعه شديده لان النزول المبالغ فيه بيأثر على العضلات والمعادن الموجودة في الجسم.

#التغذية

20/10/2024

ᴴᴱᴸᴸᴼ ᴱᵛᴱᴿᵞᴼᴺᴱ ♡︎
سواء كنت بتعاني من السمنة أو النحافة أو بتعاني من أى مرض تاني..👀
عملنالك برنامج التغذية السليمة عشان نساعدك تحل كل مشاكلك💕✨
للإستفسار والاشتراك ابعت رساله وهيتم التواصل فى أسرع وقت📩💕✨

19/10/2024

ᴴᴱᴸᴸᴼ ᴱᵛᴱᴿᵞᴼᴺᴱ ♡︎
أفضل 9 أطعمة هتساعدك لاكتساب الوزن بسرعة وبطريقة صحيه. 🥑🤎✅

#صحه #نحافة

14/10/2024

ᴴᴱᴸᴸᴼ ᴱᵛᴱᴿᵞᴼᴺᴱ 💌
يلا نكمل موضوعنا 👀
📌هنعرف ايه هي أسباب النحافه الأولية والنحافة الثانوية ؟
النحافة الأولية وزي ماقولنا دي بيكون الشخص على مدار حياته نحيف ولكن بصحه جيداً ✨
طب ايه أسبابها يادكتور ...
◀️ممكن تكون نسبة الدهون في الجسم منخفضة.
◀️ممكن بسبب إن الأنسجة الخالية من الدهون في نطاق طبيعي بالجسم
◀️عدم كفاية المتناول من الطعام.
◀️الميل الچيني نحو النحافة.
◀️ انخفاض القدرة على تخزين الدهون بالجسم.
◀️العادات الغذائية وأسلوب الحياة.

طيب النحافة الثانوية ايه أسبابها....
◀️ممكن يكون الشخص عنده حساسية الطعام أو عدم تحمل الطعام.
◀️ممكن يكون بيعاني من إجهاد نفسي او عاطفي وفي الحالة دي الجسم بيحتاج زيادة في كمية الطاقة المتناولة .
◀️ممكن يكون بسبب النشاط البدني أو بسبب زيادة نشاط الغدة الدرقية .
◀️ممكن بسبب إن الشخص يعاني من مشاكل في الجهاز الهضمي.
◀️فيه عوامل مؤثرة تانية زي ﴿ مرض السرطان عفاكم وعفانا اللّٰه منه _ مرض السكري _ بعض الأدوية _ العلاج الكيميائي والاشعاعي﴾

📌طيب هل ممكن نعالج مريض النحافة أو ممكن تنجب وصول جسمنا لدرجة النحافة؟
اكييييد اه وهقولكم على كام نصيحة ✨

✅لازم نراعي إن يكون الأكل فيه جميع العناصر الغذائية الرئيسية اللي الجسم محتاجها زي ﴿ البروتين _ الكربوهيدرات _ الدهون _ الفيتامينات _ المعادن _ الماء﴾
وطيب وايه كمان ...
✅ نحاول ناكل وجبات صغيرة ومتعددة بدل الوجبات الكبيرة ويفضل يكونوا 3 وجبات رئيسيه وناخد بينهم 3 وجبات خفيفه (سناك) كده ، هتقولوا اشمعنا يادكتور هقوللكم عشان ده بيساعد على انتظام عملية الهضم بالجسم وطبعاً لازم نلتزم بمواعيد الأكل ودا ليه عامل كبير.
نيجي بقى للنقطه اللي المعظم بيزعل منها🙈😂
ايه هييييييي!؟
✅ لمحبي الشاي والقهوه يفضل يعني لو سمحتم نقلل من شربهم ونحاول منشربش الشاي والقهوة قبل الوجبة الرئيسية ونفس الكلام للمشروبات الغازية.
✅ نحاول نزود الأكل تدريجياً مش نزوده مره واحده لأ تدريجياً عشان نتجنب إرهاق الجهاز الهضمي.
✅يفضل زيادة المتناول من البروتين والطاقة تدريجياً.

هنكمل تاني متزهقووش 🙈🥰

#نحافة

#تغذية

14/10/2024

تابعوني على الانستجرام

62 Followers, 6 Following, 1 Posts - See Instagram photos and videos from Dietitian Manar Mohamed ()

13/10/2024

ᴴᴱᴸᴸᴼ ᴱᵛᴱᴿᵞᴼᴺᴱ 💌

معكم أخصائية التغذية منار محمد 💟👩🏻‍⚕️
حبيت يكون أول موضوع نتكلم فيه مع بعض على الـ page ﴿النحافة﴾
بإذن اللّٰه نحاول نلم كافة المعلومات عن النحافة يلا نبدأ سوا👀..
📌أمتي أقول إن الشخص ده عنده نحافة وأية هي أنواعها وأسبابها ؟
📌 هل لمجرد إنك قارنت نفسك بالناس حواليك أو لمجرد إن شخص تاني علق على Shape جسمك؟
اكيد لأ...
📌ولا عشان فعلياً الوزن أقل من الطبيعي؟
📌طيب أمتي يكون معدل الجسم أقل من الطبيعي؟
لما يكون BMI أقل من 18.5
طيب لو اتضح بالفعل إن BMI أقل من 18.5 يبقى عنده نحافة.
📌طيب هل كل اللي أقل من 18.5 زي بعض ؟
أكييييييييد لأ ، طب هتقولي إزاي يادكتور هقولك أهو...👀
في عندنا درجات للنحافة ...
📌طيب فيه كاااااام درجة للنحافة ؟
عندنا 3 درجات للنحافة ﴿ بسيطة _ متوسطة _ شديدة ﴾
◀️أولاً: النحافة البسيطة المعدل بيكون من [ 17- أقل من 18.5]
◀️ثانياً:النحافة المتوسطة بتكون من [16- أقل من 17]
◀️ثالثاً: النحافة الشديدة بتكون من [أقل من 16]
📌كمان النحافة تصنف لنوعين وهما : أولية وثانوية

📌طيب أيه هي النحافة الأولية أو البسيطة: دي لما يكون الشخص على مدار حياته وزنه أقل من المعدل الطبيعي ولكن بيكون شخص صحي جداً و معندوش أي مشاكل صحيه✨

📌طيب والنحافة الثانوية ايه هي : دي بتكون مترتبة على سبب تاني بيكون الشخص قل وزنه في فترة معينة من حياته ومصاحب بمشاكل صحيه .
طيب هتقولي يادكتور ايه اسباب كل حاجه منهم هقولك تابع معايا وإن شاء الله الموضوع الجاي هيبقى عن أسباب النحافة الأولية والنحافة الثانوية ؟
وشكراً للمتابعة🥰
#نحافة


#تغذية