أهلاً بيكم🥰...حابة أعرفكم فى الأول أنا مين وإيه اللي خلاني أبدأ مشروعي الصغير ده والقصة بدأت منين😊
فى الأول أنا اسمي أية..وأنا خريجة تربية فنية..الموضوع بدأ من مدة كبيرة ذي ذي أي بنت كنت بحب أشتري منتجات للعناية بالبشرة والشعر وبفرح بيها وكنت بغير منتج للتاني كل فترة وكنت بمشي ورا كلام ان ده هيطول وده هينعم وده للبشرة الدهنية وأنا اصلا وقتها مكنتش محتاجة للحاجات دي بس بفرح بيها ذي اي بنت كمان مكن
تش اعرف نوع بشرتي وشعري اصلا🙈..بعد مدة كبيرة بدأ أن شعري يبوظ جدا وكنت جربت معاه كل حاجة حتى أن بدأ أشتري من ال brands الغالية المستوردة ذي USA و UK بس كانت بتجيب مفعول فى الاول بعدين الوضع بيكون اسوء..وكان وشي ظهر فى نقط غامقة صغيرة جدا ولما روحت للدكتور قالي انها نوع من انواع الورم الحميد زعلت أوي يومها بس قولت ههتم أكتر ببشرتي فبقيت برده بشتري أغلى واحسن حاجة بس لقيت ان وشي من الجفاف بقى يظهر تجاعيد وعلى طول وشي محمر ذي ميكون عندي حساسية ووشي بيوجعني من أقل حاجة.. بقى الموضوع بالنسبالي مشكلة متعبة مش عارفة اعيش بيها اخدني التفكير ادور على وصفات لجدتي والناس القديمة كانوا عايشين ازاي فى النقطة دي واخدني التفكير اكتر طب والمصري القديم اللي هو استهواني فكرة ال back t natural أوووي وجربت كذا method لوشي ولشعري بس فشلو ذي ال no poo لشعري ووشي كنت بجيبله صابونة مشهورة رخيصة معروفة بأنها بزيت الزيتون بس كانت وحشة برده مسكتش تاني برده😂😂👌🏻 بس المرة دي اخدت الموضوع علمي بحت وقعدت اذاكر عن الجلد ومكوناته وايه الفرق بين كل بشرة والتانية وليه الشعر بيهيش ويتقصف بسهولة وازاي اطلع منتج استخدمه لنفسي ويحللي مشاكلى اللي مش عارفة اعيش بيها😂😂🙈 لحد معملت أول صابونة ليا كانت بزيت الزيتون وجربتها لوشي وشعري وكانت أحلى حاجة فى حياتي حصلت ولا عن سعادتي لما لقيتها بترغي مصدقتش نفسي من الفرحة انا طلعت منتج استخدمه ويحللي فعلا مشاكلي 🤩 بعدين بقيت اعمل لنفسي كل المنتجات اللي انا محتاجها لكل حاجة مخصوص بعدين فكرت ان اللي بعمله ده حلو اوي لما مشاركش الناس فيه وهما كمان يستفادوا 🥰🥰🥰
ومن هنا جت فكرة أني ابدأ مشروعي وسميته clouds club عايزاه يبقى community نبقى سعداء فيه من أول متشوفي المنتج ويعجبك لحد مستعمليه وتشوفي فوايده🙈🥰🤗❤️❤️
