Rana Samir - Clinical psychologist

Rana Samir - Clinical psychologist صفحة الاخصائية النفسية رنا سمير
للتواصل والتوعية والنفسية

الشخصية النرجسية هو أحد اضطرابات الشخصية وليست تهمه او شتمه نرميها على بعض كل م نتضايق .. التشخيص النفسي الهدف منه الوعي...
19/08/2026

الشخصية النرجسية هو أحد اضطرابات الشخصية وليست تهمه او شتمه نرميها على بعض كل م نتضايق .. التشخيص النفسي الهدف منه الوعي به ثم العلاج

ثانيا عملية التشخيص هي عملية مركبة وبتاخد وقت طويل من من المتخصصين لدرجة انه تقسم مراحل ويتحط لها درجات وتقبل اعادة التشخيص مع الوقت.. ده مش لأن المتخصص ضعيف ده لان شخصية الإنسان متفرده ومركبة مش سهل قراءتها بسرعة وسهولة

ثالثا واخيرا التشخيص النفسي لا يتم إلا داخل عياده نفسية بقياده متخصص عنده من العلم والخبرة والإشراف ما يكفيه

ليه ساعات مش بنقدر نتجاوز مواقف رغم مرور السنين؟"أنا عديت على الموضوع ده من زمان... بس أول ما حصل موقف شبهه، حسيت بنفس ا...
05/08/2026

ليه ساعات مش بنقدر نتجاوز مواقف رغم مرور السنين؟
"أنا عديت على الموضوع ده من زمان... بس أول ما حصل موقف شبهه، حسيت بنفس المشاعر بقوتها في صدري."
عمرك مريت بالشعور ده؟
كتير مننا بيفكر أن مرور الوقت هيكون كافي لشفاء الوجع اللي جواه، لكن الحقيقة أن الوقت ممكن يداري الألم، لكنه مش بيعالج الجروح.

يعني مثلا لو طفل اتعرض للنقد المستمر، ممكن يكبر وجواه حساسية للنقد وبوجود أي ملاحظة بسيطة من مديره أو شريك حياته يحس بالتهديد والوجع تاني.
مش لأن الموقف الحالي كبير... لكنه لأنه لمس نفس الوجع نفس الاحتياج المفقود.

الدماغ مش بتفتكر المواقف بس، الحقيقة ان المشاعر بتاعتنا جوه نسيج الموقف، وعشان كده ممكن نتفاعل مع الحاضر وكأنه الماضي.
التعافي مش معناه اننا ننسى اللي حصل، لكن معناه اننا نفتكره من غير م يسيطر على مشاعرنا أو قراراتنا.

ليه بنأجل كل حاجة؟التسويف مش دايما كسل.أحيانًا ليكون بسبب:الخوف من الفشل.الخوف من النجاح.الكمالية.القلق.انخفاض الطاقة ال...
25/07/2026

ليه بنأجل كل حاجة؟
التسويف مش دايما كسل.
أحيانًا ليكون بسبب:
الخوف من الفشل.
الخوف من النجاح.
الكمالية.
القلق.
انخفاض الطاقة النفسية.
عشان كده قبل م توصف نفسك بوصف سلبي زي الكسل... اسأل: "ايه اللي انا خايف منه من المهمة دي؟"

لا تحكم على شخص من المظهرالمظاهر دوما خادعة وقد لا تعبر عن الحقيقةقد ينام ساعات طويلة... لكن يستيقظ مرهقًا.وقد يقضي يومً...
24/07/2026

لا تحكم على شخص من المظهر
المظاهر دوما خادعة وقد لا تعبر عن الحقيقة
قد ينام ساعات طويلة... لكن يستيقظ مرهقًا.
وقد يقضي يومًا كاملًا دون عمل... لكن يشعر بالاستنزاف.
لأن الراحة الجسدية قد لا تعني راحة نفسية
بل محاولة للتكيف مع الألم النفسي

العقل أيضًا يحتاج إلى:
الشعور بالأمان.
الدعم.
التعبير عن المشاعر.
التوازن.

القلق ممكن يظهر في صورة اعراض جسدية زي- زيادة ضربات القلب. - ضيق التنفس. - آلام المعدة. - شد العضلات. - الدوخة. - صعو...
23/07/2026

القلق ممكن يظهر في صورة اعراض جسدية زي
- زيادة ضربات القلب.
- ضيق التنفس.
- آلام المعدة.
- شد العضلات.
- الدوخة.
- صعوبة التركيز.
الجسم والنفس موصولين ببعض بكل رهيب.
عشان كده متستهونش بالأعراض الجسدية عندما يكون مصدرها نفسي

عمرك لاحظت أن لما حد غيرك يغلط... دائما ردود أفعالك بتبقى تطمين "محصلش حاجة... بتحصل معانا كلنا."لكن لما انت تغلط ... تل...
22/07/2026

عمرك لاحظت أن لما حد غيرك يغلط... دائما ردود أفعالك بتبقى تطمين "محصلش حاجة... بتحصل معانا كلنا."
لكن لما انت تغلط ... تلاقي نفسك تلقائيا: "ايه التخلف اللي أنا فيه ده؟!."
هو احنا ليه ساعات بيكون عندنا رحمة بالناس وجلد لنفسنا؟
التعاطف مع نفسنا مش ضعفًا ولا تبرير للغلط.. بالعكس ده واحد من أهم علامات الصحة النفسية.
احنا يتكون محتاجين نرحم نفسنا بالضبط زي م بنعمل مع أصحابنا انت كمان محتاج تقول لنفسك "محصلش حاجة... بتحصل معانا كلنا."

21/07/2026

الإرهاق النفسي مش دايما يظهر في صورة بكاء. ممكن يظهر في:
- فقدان الشغف.
- النوم الكثير أو الأرق.
- سرعة الانفعال.
- النسيان.
- الشعور بأن أبسط المهام أصبحت مرهقة.
- الرغبة في الانعزال.
لو استمرت الأعراض دي لاكتر من شهر، ممكن تكون رسالة من عقلك بأنه محتاج للراحة والدعم.

مش كل وجع بنحس بيه بيختفي مع الوقت. في مواقف وصدمات في حياتنا بتسيب أثر في طريقة تفكيرنا، وفي علاقتنا بنفسنا، وحتى في عل...
20/07/2026

مش كل وجع بنحس بيه بيختفي مع الوقت. في مواقف وصدمات في حياتنا بتسيب أثر في طريقة تفكيرنا، وفي علاقتنا بنفسنا، وحتى في علاقتنا بجسمنا.
عشان كده ممكن تلاقي نفسك بتنفعل زيادة من موقف ممكن يظهر بسيط، لكن في الحقيقة الموقف بيكون لمس جرح قديم لم يلتئم بعد.
التعافي مش معناه اننا هننسى الماضي... لكن معناه اننا نوصل لأن الماضي يبطل يتحكم في حاضرنا.

لو حسيت أن طريقتك واختياراتك لسه بيتحكم فيها رحلتك القديمة، متترددش في انك تطلب المساعدة.

العلاج النفسي تم تأسيسه ووضع نظرياته في المقام الأول لعلاج الأمراض والاضطرابات ثم توسع شوية ليشمل مفهوم الصحة النفسية لم...
16/04/2026

العلاج النفسي تم تأسيسه ووضع نظرياته في المقام الأول لعلاج الأمراض والاضطرابات ثم توسع شوية ليشمل مفهوم الصحة النفسية لما بدا يظهر علم النفس الإيجابي

مين اللي محتاج يزور العيادة النفسية؟
أولا من يعاني من اضطرابات نفسية "معطله" مجموعة من الأعراض لها أسم بتعطله أن يمارس حياته بشكل طبيعي والمفتاح هنا هي معطله يعني صعوبات واضحة في القيام بمهامك اليومية البسيطة، بنروح العيادة النفسية للتشخيص ثم العلاج من أمثلة الاضطرابات القلق، الاكتئاب، الوسواس القهري ، الفصام وغيرهم كتير

ثانيا اضطرابات الشخصية دي مش بتكون امراض معطله لكن بتكون نمط شخصية ثابت بيعمل صعوبات حقيقية للإنسان في التكيف مع حياته وبييجي العلاج يزود الوعي والمهارات ويساعد على التكيف زي اضطراب الشخصية الوسواسية واضطراب الشخصية الحديه

ثالثا بيكون متألم نفسيا لدرجة بتخليه مش بيتمتع بصحة نفسية جيدة بسبب أنماط زي مثلا ارضاء الاخرين وعدم قدرته على الرفض ، أو بسبب نمط علاقاته، أو صدمات سابقة ، الأسباب دي ممكن متكونش اضطراب أو اضطراب شخصية لكن بيتحط الخطة فيها بناء على شكوى الشخص نفسه

العلاج النفسي مش تريند ومش رفاهية هو احتياج حقيقي لو كان الشخص بيعاني نفسيا.

العلاج النفسي مش سحر عشان جلسة ولا اتنين يكون فيهم الشفا مهم تعرف من المعالج بتاعك الخطة والمتوقع لمدة العلاج واللي بتكون متفاوتة

العلاج النفسي مش رحلة مستمرة العمر كله هي رحله لها هدف (شكوى) فبداية، ثم خطة، ثم نهاية، ثم انت عارف الطريق لو احتجت ترجع في أي وقت تاني

27/03/2026

القلق مشاعر صحية للحذر والتأهب في المواقف اللازمة.. بيتحول القلق لصورة غير صحية لما يزيد عن الحد المنطقي للموقف....
مثال للقلق الصحي أن احنا نقلق قبل الامتحان فلما عقولنا تفرز كورتيزول نكون في موقف تأهب يساعدنا على المذاكرة احسن لانه يوم مهم ومش عادي..
مع القلق الغير صحي احنا بنلاقي نفسنا في وضع تأهب في موقف عادي زي التواجد في مكان عام ده عادة مش موقف خطر ..
القلق الغير صحي بيبقى قلق كتير ومستمر مع الشخص بيلاقي جسمه مشدود ضربات قلبه غير منتظمة وتنفسه اتلغبط كأن الجسم في كامل استعداده للمواجهه وكمان بيكون واحده من علاماته التفكير الكثير overthinking

تفكير كتير توقعات كتير وتحليل كتير للموقف ... ساعات نفتكر دي حاجه إيجابية بنحضر بها حياتنا كويس لكن الحقيقة العكس النمط ده من التفكير بيسموه بتوع علم النفس اجترار التفكير بمعنى أن فكرة تجيب فكرة تجيب فكرة لحد م تلاقي نفسك بتتجنب وبتتهرب وبتأجل ف مبتعملش الحاجات اللي محتاج تعملها ..
. اول خطوة في العلاج هو الوعي أن هنا في مشكلة

Share and invite لأصدقائك على الصفحة
لأن الفترة الجاية هنفتح حجز الجلسات الاونلاين
وهنبدأ تجميع أعضاء لجروب علاج نفسي جمعي اونلاين وفي العيادة

دمتم سالمين

Address

Cairo

Website

Alerts

Be the first to know and let us send you an email when Rana Samir - Clinical psychologist posts news and promotions. Your email address will not be used for any other purpose, and you can unsubscribe at any time.

Shortcuts

Share

Category