Healthy nutrition for kids ..Dr omnia elsafoury

23/02/2016

الناس اللي ولادها بيعانوا من الكحه او الاحتقان جربوا شراب الزنجبيل مفيد جدا بيهدي الكحه ويخفف الاحتقان وبيعالج الالتهابات بصفه عامه وكمان بيسكن الالم.
شراب الزنجبيل
قطعه زنجبيل كبيره او نصف ملعقه صغيره زنجبيل بودره
نصف ليمونه
ملعقه عسل
كوب ماء

يوضع كوب الماء مع الزنجبيل مع عصير الليمون علي النار ويترك حتي يغلي ثم يصفي ويترك ليبرد قليلا ثم يحلي بالعسل.

06/09/2015

19/04/2015

ازيكوا ...تحبوا نتكلم في ايه النهارده؟؟؟

19/04/2015

صباح الخير..

18/04/2015

الحلويات الذكيه..
ممكن نعمل حلويات مغذيه جدا وطعمها حلو يحبها الاطفال وتغنيهم فعﻻ عن باقي الحلويات الضاره...ممكن نعمل كيك او كب كيك.. مافن.. كريب.. بان كيك.. كوكيز.. بودينج ..ايس كريم بيتي..وافكار كتيير ووصفات كتيير ..بس الفكره بقي ايه المكونات الصحيه اللي ممكن تستخدميها ..
اوﻻ..الدقيق ممكن دقيق ابيض وتضيفي ليه شوفان او دقيق كامل او دقيق بني مع دقيق ابيض..
السكر..ممكن يبقي سكر بني ..عسل ابيض ..عسل اسود ..دبس تمر ..مابل سيرب .
الدهون ..استعمال الزبد افضل بكتيير من السمن سواء الطبيعي او المارجرين وممكن تستعملي زيت مع الزبد.
وكمان تضيفي مكسرات ..فاكهه مجففه ..فاكهه ظازجه ..تمر.
وممكن تزيني الطبق بلمسه شيكوﻻته لو اوﻻدك بيحبوها ...
انت كدا بتقديميلهم وجبات غذائيه عاليه القيمه وكمان طعمها لذيذ ومطلوبه ...

18/04/2015

الحلويات الذكيه..
طبيعي جدا ان ابنك يطلب حلويات باستمرار ويفضلها علي باقي الاكل ..ليه..ﻻن الاطفال مش بيبطلوا حركه ونشاط ودا بيخليهم دايما محتاجين مصدر للطاقة وﻻن جسم الانسان ذكي بالفطره فبيرسل اشارات للمخ انه عايز سكريات تديله طاقه ودا بيخلي ابنك يطلب حلويات .....
طب ايه الحل...؟؟؟

16/04/2015

بذور ..الشيا..
الحبه الصغيره دي مليانه بكل العناصر المهمه اللي الجسم محتاجها ﻻنها غنيه جدا بالالياف والبروتين والاوميجا 3 وكمان غنيه بالكالسيوم الماغنسيوم الفوسفات وكمان الزنك وفيتامينb1 b2 b3 ومضادات الاكسده ...وسهله في الاستعمال ﻻنك ممكن تضيفيها علي اي اكل زي السﻻطه ..الزبادي ..المعجنات ..المخبوزات..الارز..جربي تضيفيها للاكل ﻻنها كنز من الفوائد..

16/04/2015

ابنك مبيشربش اللبن..مش مشكله..
ممكن ياكل ارز بلبن..بليله..مهلبيه..مهلبيه بالفاكهه..زبادي ..زبادي بالفاكهه..سموزي (لبن وزبادي وفاكهه يضرب بالخﻻط ويحلي بالعسل).. ميلك شيك (لبن مع ايس كريم مع فاكهه وممكن قطع بسكوت)..

15/04/2015

ليه نكدب علي نفسنا...
الشيكوﻻته ﻻ تقاوم.. الشيبسي مع البيبسي ﻻ يقاووم ..الكاندي دي مزاج...حد يقدر يقول غير كدا...
طب ليه زعﻻنين من اوﻻدكوا بقي ...هما كمان ميقدروش يقاوموا..
الشركات المنتجه للاطعمه دي نجحت في انها تخلي منتجاتها ﻻ تقاوم ودا طبعا الهدف الرئيسي بتاعهم..ودا بقي امر واقع لدرجه الحصار.
نتعامل ازاي ...
نبقي بنكدب علي نفسنا لو منعنا اطفالنا منها ﻻنها موجوده في كل مكان ..وفي اول فرصه حيبقي بعيد عنك حياكلها وبنهم كمان.
يبقي الحل اننا نتقبل وجودها ونعلم اطفالنا بهدوء انها مش مفيده لجسمنا لكن ﻻ مانع ابدا من اكلها مره او اتنين بالاسبوع ..ودورك بقي انك تحاولي تختاري افضل الانواع والماركات وتبعدي قدر المستطاع عن الانواع مجهوله المصدر ...
ملحوظه مهمه...بﻻش تخليها مكافئه علي اي تصرف كويس ﻻنك كدا بتوصليلهم انها حاجه كويسه وان الاوﻻد الشاطرين بس هما اللي بياكلوا الحاجات دي وكمان دا حيخليه يدور عليها لما يبقي عايز يشبع فكره انه شاطر ...