نوارة

نوارة نوارة لصحة المرأة هي منصة للتوعية عن موضوعات صحة المرأة من خلال كورسات أونلاين و مجموعات دعم نفسي مع متخصصين. (أولات الأحمال/ Women's Wellness سابقا)

نوارة لصحة المرأة هي منصة للتوعية عن موضوعات صحة المرأة من خلال كورسات أونلاين ومجموعات دعم نفسي مع متخصصين. Nawara Health is a women's health literacy platform, offering online courses and support groups with mental health professionals.

أوقات أكتر حاجة بتفرق مش معلومة جديدة… لكن إنك تكتشفي إن اللخبطة اللي عندك طبيعية، وإنك مش لوحدك فيها. 💚بعد الـGroup Ses...
24/08/2026

أوقات أكتر حاجة بتفرق مش معلومة جديدة… لكن إنك تكتشفي إن اللخبطة اللي عندك طبيعية، وإنك مش لوحدك فيها. 💚
بعد الـGroup Session الأخيرة لمشتركات كورس صحة الدورة الشهرية والوعي بالخصوبة، وصلتنا تعليقات فرحتنا جدًا لأنها وصفت بالضبط نوع تجربة التعلم اللي بنحاول نبنيها في نوارة:
💬 "عرفت إن اللخبطة في التدوين عادية وهتظبط مع الوقت."

💬 "حسيت إني استرجعت معلوماتي… واتشجعت أرجع للتدوين تاني."

💬 "استفدت جدًا من أسئلة باقي الحاضرات."

💬 "حسيت إني مش لوحدي في المشكلات اللي قابلتني."

ومن أكتر التعليقات اللي لمستنا إن واحدة من المشتركات قالت إن أكتر حاجة حبتها كانت الاهتمام والتعاطف مع كل سؤال، مش مجرد الرد بمعلومة علمية وخلاص.
وده مهم بالنسبة لنا، لأن التثقيف الصحي مش بس إن المعلومة تكون صحيحة؛
لكن كمان إن تتقدّم في مساحة تقدري تسألي فيها من غير إحراج، وتتكلمي عن صعوبة التطبيق من غير ما تحسي إنك بتعملي حاجة غلط.
والأجمل إن المشتركات نفسهم بدأوا يقترحوا علينا إزاي نخلي الجلسات الجاية أقوى: حالات أصعب، تطبيق عملي أكتر، وأمثلة أقرب للّخبطة اللي بتحصل فعلًا.
وده بالضبط اللي بيساعدنا نطوّر التجربة معاهم، مش ليهم بس 🌿
لو حابة تعرفي أكتر عن كورس صحة الدورة الشهرية والوعي بالخصوبة وتجربة الاشتراك في نوارة، اكتبي "دورة" في الكومنتات ونبعتلك التفاصيل

لما الدورة الشهرية تتحول من حاجة بنسأل عنها بشكل عابر… لأداة ممكن تساعد في فهم صحة المرأة بشكل أعمق!ده محور المقال الجدي...
23/08/2026

لما الدورة الشهرية تتحول من حاجة بنسأل عنها بشكل عابر… لأداة ممكن تساعد في فهم صحة المرأة بشكل أعمق!

ده محور المقال الجديد لد. رغدة رشاد، مؤسسة نوارة، المنشور على Medscape Middle East بعنوان:
Can Cycle Charting Change How We Treat Women?

في المقال، د. رغدة بتناقش إزاي متابعة الدورة باستخدام مؤشرات حيوية زي إفرازات عنق الرحم ودرجة الحرارة الأساسية وغيرها، ممكن تقدم معلومات مهمة عن التبويض، مراحل الدورة، الأعراض والتغيرات اللي بتحصل من شهر للتاني.

والأهم إن المعلومات دي ممكن يكون لها استخدام أوسع داخل الممارسة الطبية، بدل ما تفضل الدورة مختزلة في سؤال:
“آخر دورة كانت إمتى؟”

المقال كمان بيسلط الضوء على فجوة مهمة في منطقتنا:
رغم إن الدورة الشهرية ممكن تعكس جوانب متعددة من صحة المرأة، لسه قراءة بياناتها والاستفادة منها سريريًا مش جزء كافي من التدريب والممارسة الطبية.

وده بالضبط واحد من الملفات اللي بنشتغل عليها في نوارة من البداية
إن كل بنت وست تفهم دورتها كعملية كاملة، مش مجرد أيام الحيض، وإن المعرفة دي تساعدها تتواصل بشكل أفضل مع جسمها ✨

فخورين إن رؤية بنشتغل عليها في نوارة بقالنا فترة بقت جزء من نقاش مهني على منصة طبية عالمية زي Medscape. 🌿
لو حابة تقري المقال كامل، هتلاقي الرابط في التعليقات👇🏼

سمعتي قبل كده معلومات عن الدورة الشهرية خلتك تسألي: هو الكلام ده صح فعلًا؟ 🤷🏻‍♀️🩸من وإحنا صغيرين، بنسمع نصايح وتحذيرات و...
22/08/2026

سمعتي قبل كده معلومات عن الدورة الشهرية خلتك تسألي: هو الكلام ده صح فعلًا؟ 🤷🏻‍♀️🩸
من وإحنا صغيرين، بنسمع نصايح وتحذيرات ومعتقدات كتير مرتبطة بالحيض.
بعضها فعلًا صحيح ومفيد،
وبعضها مجرد عادات أو اختيارات شخصية،
وفيه أفكار اتنقلت من جيل لجيل بدافع الحرص والخوف، لكن لما نبص عليها علميًا نلاقي إنها مش دقيقة، أو مفيش دليل كفاية يدعمها.
في الجزء الثالث من الكاروسيل، هنكمل مراجعة شوية من أشهر الأفكار المنتشرة عن الدورة الشهرية، ونشوف:
إيه اللي العلم بيدعمه؟
وإيه اللي محتاج إعادة نظر؟
وإيه اللي ممكن نبطّل نقلق منه من الأساس؟ ✨
مش هدفنا نحكم على الموروثات أو نسخر منها، لكن نفهمها بشكل أهدى وأدق… ونخلي قراراتنا اليومية مبنية على معرفة، مش على الخوف أو الإحراج.

سمعتي كلام كتير عن الدورة الشهرية، ولسه ساعات بتسألي نفسك: هو ده صح فعلًا ولا مجرد كلام متوارث؟ 🤷🏻‍♀️🩸من وإحنا صغيرين، ك...
20/08/2026

سمعتي كلام كتير عن الدورة الشهرية، ولسه ساعات بتسألي نفسك: هو ده صح فعلًا ولا مجرد كلام متوارث؟ 🤷🏻‍♀️🩸
من وإحنا صغيرين، كلنا تقريبًا سمعنا معتقدات ونصايح مختلفة عن الحيض.
منها معلومات صحيحة ومفيدة،
ومنها حاجات عادية ومش مؤذية،
وفيه أفكار اتقالت بدافع الحرص أو الخوف، لكنها مش دقيقة علميًا، وممكن تخلينا نحط قيود على نفسنا من غير داعي.
في الكاروسيل ده هنراجع سوا شوية أفكار شائعة عن الدورة الشهرية:
إيه اللي عليه دليل؟
إيه اللي محتاج مراجعة؟
وإيه اللي مفيش سبب علمي يخلينا نقلق منه؟ ✨
الهدف مش السخرية من الموروثات، لكن إن يبقى عندنا مساحة أكبر للمعلومة الصحيحة… وأقل للخوف والارتباك.

سمعتي حاجات كتير عن الدورة الشهرية غريبة ولسه مش عارفة هي صح ولا لأ؟ 🤷🏻‍♀️كلنا كبنات غالبًا سمعنا كلام عن الدورة الشهرية...
19/08/2026

سمعتي حاجات كتير عن الدورة الشهرية غريبة ولسه مش عارفة هي صح ولا لأ؟ 🤷🏻‍♀️

كلنا كبنات غالبًا سمعنا كلام عن الدورة الشهرية والحيض من وإحنا صغيرين 🩸

منها حاجات صح ومهمة، ومنها حاجات عادية محايدة، وفي اللي اتقال بدافع الخوف أو الحرص لكن مش دقيقة وممكن تكون بتضيّق علينا في قراراتنا اليومية من غير سبب علمي حقيقي 👌🏻
في الكاروسيل ده، بنفكك شوية أفكار شائعة عن الحيض
علشان نسيب مساحة أكبر للعلم… وأقل للخوف والإحراج ✨

لو أول ولادة ليكِ كانت قيصرية، فغالبًا سمعتي الجملة دي:"مرة قيصرية = دايمًا قيصرية."لكن الإرشادات الطبية بتقول إن ده مش ...
17/08/2026

لو أول ولادة ليكِ كانت قيصرية، فغالبًا سمعتي الجملة دي:
"مرة قيصرية = دايمًا قيصرية."
لكن الإرشادات الطبية بتقول إن ده مش صحيح كقاعدة عامة.

في حالات كتير، ممكن يحصل VBAC
اختصار لـ Vaginal Birth After Cesarean
يعني ببساطة: ولادة طبيعية بعد قيصرية.

ولو عندك قيصرية واحدة سابقة، والحمل الحالي مفيهوش ما يمنع الولادة الطبيعية، وبدأت الولادة تلقائيًا، فحوالي 3 من كل 4 ستات بينجحوا في الولادة الطبيعية بعد القيصرية.
ولو سبق لكِ ولادة طبيعية قبل كده، النسبة بتوصل لحوالي 8–9 من كل 10.

لكن هل ده مناسب لكل واحدة؟
لأ.

القرار بيتحدد حسب عوامل زي:
✨ سبب القيصرية الأولى
✨ نوع الجرح في الرحم
✨ عدد القيصريات السابقة
✨ وجود ولادة طبيعية سابقة
✨ حالة الحمل الحالي ووضع الجنين
✨ تجهيز مكان الولادة للتعامل السريع مع أي طارئ

وفيه مخاطر لازم تكون معروفة من البداية.
حوالي 25 من كل 100 ممن يخططن للـVBAC ممكن يحتاجوا في النهاية لقيصرية طارئة أثناء الولادة.

وفي المقابل، تكرار القيصرية نفسه مش خالي من المخاطر، وبعض المضاعفات في الأحمال والولادات التالية بتزيد مع زيادة عدد العمليات القيصرية.

وعلى أرض الواقع، إتاحة ودعم الـVBAC بتختلف من طبيب لمكان ولادة لآخر، وده أحيانًا بيقلل الاختيارات المتاحة قدام الست بعد أول قيصرية.

وعشان كده من أول حمل مهم تتعلمي:
إمتى القيصرية فعلاً ضرورية؟
إيه التدخلات اللي ممكن تزود فرص القيصرية؟
إزاي تختاري الطبيب ومكان الولادة؟
وإزاي تشاركي في قرارات ولادتك بوعي؟

مش بهدف تجنب القيصرية بأي ثمن، لكن بهدف تقليل القيصريات غير الضرورية والحفاظ على أكبر عدد ممكن من الاختيارات في الولادات اللي بعدها.

وده جزء مهم من كورس الولادة في نوارة، اللي بنشرح فيه اختيارات الولادة والتدخلات المختلفة بناءً على الدليل العلمي، عشان تكوني أقدر على اتخاذ قرار مناسب لحالتك. 🤍

قبل البوست ده، كنتِ تعرفي إن الولادة الطبيعية بعد القيصرية ممكنة في حالات كتير؟ شاركينا👇

16/08/2026

عندك عشرات الـScreenshots والـ posts المحفوظة جسمك وصحتك لكن وقت ما تحتاجي معلومة فعلًا، بتلاقي نفسك محتارة: أصدق مين؟ وأبدأ منين؟

نوارة اتعملت عشان المعلومات الصحية ما تفضلش أجزاء متفرقة من بوستات وفيديوهات.

شوفي الفيديو وقوليلنا في الكومنتات: إيه أكتر موضوع في صحة المرأة محتاجة تفهميه من مصدر موثوق؟ 👇🏻✨

أحيانًا السؤال الحقيقي عن الكورس بيظهر بعد ما نبدأ نطبّق. 💚وده بالضبط اللي شفناه في أحدث Group Session لمشتركات كورس صحة...
15/08/2026

أحيانًا السؤال الحقيقي عن الكورس بيظهر بعد ما نبدأ نطبّق. 💚

وده بالضبط اللي شفناه في أحدث Group Session لمشتركات كورس صحة الدورة الشهرية والوعي بالخصوبة.

قعدنا مع المشتركات نراجع الأسئلة اللي ظهرت أثناء التطبيق والتدوين، نفك النقط اللي لسه ملخبطة، ونتناقش في التحديات اللي قابلتهم.

والأجمل بالنسبة لنا كان اللي سمعناه بعد اللقاء:
✨ "حسيت إني راجعت المعلومات وخدت معلومات جديدة."

✨ "حسيت إني مش لوحدي في الصعوبات اللي واجهتها وقت التدوين."

✨ "السيشن شجعتني أكتر إني أكمل في التدوين."

✨ ومشتركة قالت إن اللقاء شجعها ترجع تكمل الكورس من جديد.

وده جزء مهم من اللي بنحاول نبنيه في نوارة.
مش مجرد كورس تفتحيه وتتفرجي على فيديوهاته، لكن تجربة تعلم يكون فيها محتوى مبني على الدليل + تطبيق + فرصة للسؤال والمناقشة والمتابعة.
والـGroup Sessions مش فكرة جديدة عندنا، وهنفضل نطوّرها بناءً على احتياجات وأسئلة مشتركاتنا. 🌿

لو حابة تعرفي أكتر عن كورس صحة الدورة الشهرية والوعي بالخصوبة، اكتبي "دورة" في الكومنتات ونبعتلك التفاصيل

13/08/2026

وقت العيادة مش دايمًا يكفي لشرح كل ما يتعلق بالوراثة في رحلة الإنجاب.

نستئذنكم تشوفوا الفيديو وتعرفوا إزاي ممكن تقدّموا لمريضاتكم مصدرًا عربيًا موثوقًا كهدية تعليمية 🎁✨

اكتبوا «شراكة» في التعليقات للتفاصيل، أو ابعتولنا رسالة 💌

12/08/2026

تجربة غيرك ممكن تساعدك… لكنها مش قاعدة لازم تنطبق عليكِ.🤷🏻‍♀️

شوفي الفيديو واعرفي ليه اختلاف تجربتك مش معناه إن فيها حاجة غلط. ✨

إيه أكتر تجربة حسّيتي إن الناس قارنوها بتجربة غيرك؟ شاركينا في الكومنتات👇🏻

Address

Cairo

Opening Hours

Monday 11am - 5pm
Tuesday 11am - 5pm
Wednesday 11am - 5pm
Thursday 11am - 5pm
Saturday 11am - 5pm
Sunday 11am - 5pm

Website

Alerts

Be the first to know and let us send you an email when نوارة posts news and promotions. Your email address will not be used for any other purpose, and you can unsubscribe at any time.

Shortcuts

Share