Dr Ali Ashraf

Dr Ali Ashraf أخصائى التغذية العلاجية بمستشفى الهلال الأحمر
Nutritionist at Diet Hub
لحجز المتابعات مع الدكتور ⬇️
WhatsApp :01205675567

19/05/2026

دكتور ضياء العوضي نظريته صح ١٠٠٪؜

04/04/2026

امشى من عندى لخبطى وكلى اللى نفسك فيه وتعاليلى زايدة لازم الاسبوع الجاى !

ده كان قرارى مع حالة جاتلى النهاردة عشان تبدأ كورس حقن GLP1 وده بعد ما اتكلمت معاها فى تفاصيل حياتها فى الاكل آخر فترة وطلعت اصلا مقللة أكلها وبتاكل وجبتين بس فى اليوم وقاطعة نشويات فدى كده بالنسبالى بالورقة والقلم حرقها ضايع ولو بدأت فى أول جرعة مستحيل تخس فعشان كده فى الحالات اللى زى دى لازم تلخبط وتزيد الأول عشان تعرف تخس.

03/04/2026

تعرفو ان النهارده يوم مميز عندي
عشان مر خمس سنين كاملين على شغلي في مجال التغذية

و الحمدلله تم علاج مايزيد عن ٤٥٠٠ حالة سواء اون لاين او في العيادة عندي

ماتيجو اخدكم كدا في جولة سريعة في الخدمات اللي بيتم تقديمها من خلالي
أنا و فريقي الطبي

اولا
أنظمة دايت مخصصة
(حسب الوزن، الطول، التاريخ المرضي)
• دايت لمرضى:
• السكر
• الضغط
• تكيس المبايض
• دايت رياضي (للجيم وبناء العضلات)
• متابعة أسبوعية أو أونلاين بشكل يومي

أدوية للتخسيس بكل أنواعها (تحت إشراف طبي كامل)
• مكملات غذائية (فيتامينات – حرق دهون)
• حقن تخسيس (حسب كل الحالة)

ثانيا
InBody (تحليل شامل للجسم )
• قياس نسبة الدهون والعضلات
• متابعة الحرق (Metabolism rate)
• تحاليل دم (سكر – دهون – هرمونات)

ثالثا ودا من اهم النقط اللي بنقدمها
تعديل سلوك غذائي (Behavioral coaching)

شد الجسم
• جلسات سيلوليت و جلسات علاج الترهلات

الدعم النفسي والسلوكي
• علاج الأكل العاطفي
• جلسات تحفيز واستمرارية
• متابعة نفسية خفيفة

رابعا
متابعة واتساب بشكل يومي
• إرسال دايت PDF
• فيديوهات تعليمية
• Check-in أسبوعي

خامسا
برامج خاصة (Packages)
• برنامج تخسيس سريع (شهر)
• برنامج تحويل كامل (3–6 شهور)
• برنامج بعد الولادة
• برنامج قبل المناسبات (Wedding / Event)

سادسا
نظام نقاط / Rewards للالتزام
• تحديات جماعية (Challenge)
• قبل/بعد (مع موافقة العميل)
• اشتراك VIP

بمناسبة ان النهارده يوم مميز عندي عامل خدمات بخصومات توصل ل ١٠٠٪؜

فاظن دي فرصة كويسه اوي ابعتولي على الواتس اب على رقمي الشخصي و هرد بنفسي

آخر حاجه اكبر وزن قدرت او قدرتي تنزليه قبل كدا كان اد ايه و امتى !!


و الأخيرة

بما ان النهارده الخميس و الناس سهرانة فلمدة ساعتين هنعمل حاجه جميلة هنعرفها مع بعض اولا دا بيكون الوقت اللي براجع فيه لس...
02/04/2026

بما ان النهارده الخميس و الناس سهرانة فلمدة ساعتين هنعمل حاجه جميلة هنعرفها مع بعض

اولا دا بيكون الوقت اللي براجع فيه لستة الحالات عندي و بتواصل معاهم و بيتواصلو معايا عشان اللي حابب يسألني اي سؤال

سواء عن مشاكل بتقابلهم او تخوفات او جرعات
و ساعات بيطلبو مني ترشيحات مطاعم في اليوم الفري 😅🤣

أنا النهارده قررت افتح الحديث بس لكل اللي هيشوف البوست و هرد بنفسي مش اي حد من فريقي الطبي

وعشان يكون الموضوع سهل عملت جروب وحط عليه بوست وتقدر تسأل بشكل من غير ماحد يعرف انت مين

كل المطلوب منك تطلب الانضمام للجروب هيتم قبولك و هتدخل على اول بوست و تكتب سؤالك

اسأل اي حاجه تيجي في دماغك فيما يخص التغذية عن مأكولات
عن مشروبات
عن الرياضة
عن الأدوية الجديده
عن حاجات سمعتها و عاوز تطمن ليها او تتأكد منها
عن الحقن
عن الميزوثيرابي
تقدر كمان تسأل عن الفيتامينات و كمان لو عندك اي مشكله صحية
مجانا تماما لمدة ساعتين هيتم الرد عليك

الجروب في اول كومنت
الصورة للفت الانتباه

١٤ كيلو فى اسبوعين بس !النهاردة حابب اكلمكم عن حالة كسرت كل الأرقام المنطقية فى معدل نزول الوزن..الحالة دى مجرد لسه بادئ...
01/04/2026

١٤ كيلو فى اسبوعين بس !

النهاردة حابب اكلمكم عن حالة كسرت كل الأرقام المنطقية فى معدل نزول الوزن..الحالة دى مجرد لسه بادئة معايا من اسبوعين بالظبط ووزنها كان ١١٣ كجم النهاردة فاجئتنى لما وزنت انها وصلت ٩٩ كجم..يعنى بنسجل بفضل الله ريكورد تاريخى ان فيه بنى ادم على وجه الأرض خسر حوالى ١٣٪؜ من وزن جسمه فى ١٤ يوم بس.
وعشان هتسألونى هى مشيت على ايه ؟
هى مجرد اخدت جرعتين فقط من السيماجلوتيد👌وان شاء الله مع النتايج المبشرة دى توصل للوزن المثالى بتاعها فى أسرع وقت✌️

الشوكولاته دي اقل حاجة ممكن تتقدملك يا دكتور على.. بما ان امبارح اما حكيت ليكم حكاية البنت اللي بتتابع معايا و والدها عز...
31/03/2026

الشوكولاته دي اقل حاجة ممكن تتقدملك يا دكتور على..
بما ان امبارح اما حكيت ليكم حكاية البنت اللي بتتابع معايا و والدها عزمني على خطوبتها

فخليني أحكيلكم النهارده على قصة علبة الشوكولاتة دي شكلكم حبيتو الحكاوي بتاعتي مع الحالات

والمرة دي من ام لطفل عمره ١٤ سنة كان وزنه ٩٥ كيلو و اد ايه السمنة المفرطة دي كانت مأثرة عليه نفسيا و معنويا في مدرسته وسط زمايله و طبعا مواقف التنمر اللي السن دا مش بينجو منها

جالي ولد جميل ماشاء الله مع والدته من ست شهور بالظبط و كان بداية الدراسة وفعلا والدته ربنا يباركلها زي اي ام لفت كتير على دكاترة لدرجة انها فكرت في التدخل الجراحي و كان في ترتيبات لعملية تكميم

بس الحمدلله أنا كنت بالنسبه ليها ولصديقنا الصغير زي طوق النجاة و بالفعل اشتغلنا بنظام سهل جدا على مدار تلات شهور من نظام غذائي و الحقن الآمن وصلنا من ٩٥ ل ٦٥

اد ايه بكون مبسوط من صناعة التغيير دا في حياة حالاتي و خصوصا في السن دا وخصوصا اني متابعه و بيتواصل معايا حتى يومنا هذا و بعرف أخباره

و ماشاء الله الولد انضم لفريق الباسكت و انتظم في دراسته و علاقته بزمايله اتحسنت جدا كل دا بسبب قرار من والدته ربنا يبارك فيها

ودي كانت هدية هي بالنسبه ليها بسيطه بس عندي كبيرة اوي

بابا عاوز يكلم حضرتك في التليفون عشان يعزمك على الخطوبةدا كان لسان حال واحدة من الحالات اللي شرفتني في العيادة في رمضان ...
30/03/2026

بابا عاوز يكلم حضرتك في التليفون عشان يعزمك على الخطوبة
دا كان لسان حال واحدة من الحالات اللي شرفتني في العيادة في رمضان
واستأذنتها اني انشر حكايتها

بدأت قصة ع.ن جاتلي عن طريق واحدة من حالاتي كانت بتتابع معايا اونلاين و الحمدلله قدرنا بفضل الله نعملها نزول و ثبات في الوزن بشكل محصلش معاها قبل كدا ودا خلاها ترشحنا لقريبة ليها عندها ٢٢ سنة

ودي بطلة حكايتنا اللي كان وزنها من أربع شهور بالظبط ١١٤ كيلو و يوم ١٧ رمضان كانت بفضل الله وصلت ل ٧٥ كيلو ومش بس كدا

شعرها رجع لحالته تاني بعد ماكان خف جدا بشرتها اتحسنت بعد ماكانت غير مرضية ليها تماما رجعت تلبس لبس عندها كانت بتلبسو من تلات سنين و مع دا كله طبعا نفسيتها اتحسنت ١٨٠ درجة

من سنتين دخلت في حالة اكتئاب او عشان اكون دقيق في مصطلحاتي حصلها أزمة عاطفية زي اي بنت في سنها ممكن تتعرض لدا ودي كانت بداية التغيير اللي حصل في شكلها ووزنها

طبعا الزعل دا خلى سلوكها يختلف تماما فبقى عنها شراهة في الأكل بشكل صعب و بعد ماخرجت من الأزمة دي في فترة ست شهور للاسف فضلت زي ماهي و للاسف كانت غير راضية تماما عن شكلها الجديد ولا وزنها

راحت لدكتور و اتنين بس للاسف كانت تنزل كام كيلو في ظرف شهرين تلاته و ترد تاني بل وزنها يبقى اعلى من الأول

لحد ما الحالة اللي كانت بتتابع معانا اونلاين تبقى خالتها لاقتها جيالي و دي كانت اول مره اشوف الاتنين على الطبيعة لان الحالة بتاعتي أنا فعلا عمري ماكنت قابلتها قبل كدا كنت بتابع معاها عن طريق التليفون او الشات في جلسات أسبوعية و بنت اختها طبعا بطلة حكايتنا هي السبب في الزيارة دي

طبعا اخدت تاريخ الحالة سواء العضوي او النفسي و عرفت القصة اللي حكتها دي و عملت قياساتي و اتفقنا على شوية اتفاقات و حطينا الهدف بتاعنا و حددنا المدة اللي هنوصل فيها للهدف دا

و بالفعل مشينا في رحلة تظبيط المشاكل اللي عندنا و بعد اول شهر شهيتها اتظبطت مقاساتها نزلت درجتين ولبسها ابتدى يبان واسع عليها
صحيح هي مكنتش ملتزمة بالشكل المرضي بالنسبه لي بس على الرغم من كدا نجحنا ننزل مع بعض ٣٠ كيلو تقريبا في ظرف أربع شهور

حالتنا دي كان مقابلتي معاها مرة كل شهر عشان جلسات الميزوثيرابي بحكم انها بتيجي من محافظة تانية لعيادة مصر الجديدة بس كان عندنا اصرار نوصل للهدف بتاعنا و باقي المتابعة كانت على الواتس ااب او مكالمات تليفونية

الحالة بتاعتنا آخر مرة كانت عندي كان في رمضان و حضرت خطوبتها تالت يوم العيد بعد مكالمة والدها اللي قولتلكم عليها في بداية كلامي و صممت اروحلها مخصوص على الرغم من بعد المسافة

كان نفسي نحط صورة ليها قبل و بعد بس هي خجولة جدا و أنا احترمت دا
فقولت احطلكم صورتي أنا 🤓😅

لخبط وانبسط براحتك فى العيد بس خليك فاكر انك لازم تشد بعد العيد على طول عشان حرقك بعد اللخبطة بيبقى فى احسن حالاته وابقى...
21/03/2026

لخبط وانبسط براحتك فى العيد بس خليك فاكر انك لازم تشد بعد العيد على طول عشان حرقك بعد اللخبطة بيبقى فى احسن حالاته وابقى ادعيلى 😉

كل سنة وانتم مبسوطين 💚
19/03/2026

كل سنة وانتم مبسوطين 💚

ايه الفرق ما بين اوزيمبك وويجوفى يا دكتور ؟ زى الفرق ما بين بيبسى وكوكاكولا كده 😃 الاتنين نفس المادة الفعالة سيماجلوتيد.
17/03/2026

ايه الفرق ما بين اوزيمبك وويجوفى يا دكتور ؟
زى الفرق ما بين بيبسى وكوكاكولا كده 😃 الاتنين نفس المادة الفعالة سيماجلوتيد.

16/03/2026

Diet Reviews With Dr.Ali

Address

Cairo

Telephone

01205675567

Website

Alerts

Be the first to know and let us send you an email when Dr Ali Ashraf posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Dr Ali Ashraf:

Shortcuts

Share

Category