Nutritionist-Heba Sayed

24/07/2026

مقاومة الأنسولين مش لازم تحس بيها عشان تكون موجودة 🔴
الأسباب كتير ومش كلها بتاكل غلط
النوم، الضغط، البكتيريا، والساعة البيولوجية كلها بتلعب دور!
سايب/ي في الكومنت ⬇️
إيه اللي أكتر حاجة حاسس/ة إنها بتأثر عليك؟
💬 لو عايز/ة خطة تغذية متخصصة تواصل معايا

18/07/2026

كل شوية بيطلع بوست "عارفين رونالدو أو صلاح بياكل إيه؟" ومعاه أرقام دقيقة جدًا زي 3200 سعرة و6 وجبات بالظبط...
السؤال: المعلومة دي حقيقية ولا تسويق؟ 🤔
في الكاروسيل ده وضحت:
✅ الأنماط العامة (تقليل السكر، أولوية للبروتين) دي صح ومبنية على أساس علمي سليم
❌ الأرقام الدقيقة جدًا غالبًا تخمين من مواقع أفيليت مش من دايتيشن رسمي
🔑 الفرق الأهم: لاعب محترف بيحرق أضعاف السعرات اللي بيحرقها أي حد تاني، فنفس النظام مش هيناسب الكل
إيه رأيكم؟ كنتوا مصدقين البوستات دي؟ اكتبولي في الكومنتات 👇
⚠️ محتوى تثقيفي عام لأي خطة غذائية شخصية استشير أخصائي تغذية.

#تغذية #دايت #رونالدو #مصر #صحة

12/07/2026

⚽ مصر رجعت بطلة.. بس حد سألك: لاعبينك المفضلين بياكلوا إيه قبل النزول للملعب؟ 👇

مش سر عسكري ولا مكمل غذائي غالي - فيزيولوجيا بسيطة تقدر تطبقها إنت كمان في يومك
(حتى لو مش رياضي أصلاً) 🧠
سايبلكم التفاصيل كاملة ... اقرأ لحد الآخر، هتتفاجئ إن أكتر من نصهم بتطبقه غلط 👇

#تغذية #فراعنة
#اكسبلور #صحة #دايت

12/07/2026

06/07/2026

ليه اتنين بياكلوا نفس الأكل بالظبط... واحد يفضل رشيق والتاني يزيد كيلوهات؟ 🤔

مش ظلم ولا جينات وخلاص ماينفعش حاجة

المشكلة في

1. الـ NEAT (الحركة اللاإرادية)
مش بس الجيم
الشخص اللي بيتحرك وهو قاعد، بيفرمل رجله، بيقوم كتير - بيحرق سعرات أكتر بمقدار ممكن يوصل لـ 300-500 سعر يوميًا من غير ما يحس. ده فرق وجبة كاملة تقريبًا.

2. تركيب الجسم مش بس الوزن
اللي عضلاته أكتر بيحرق أكتر وهو نايم كمان.
الـ Metabolic rate مش رقم ثابت لكل الناس بنفس الوزن.

3. حساسية الأنسولين
ده بقى فيه جدل علمي حقيقي بعض الدراسات بتقول إن اختلاف استجابة الجسم للأنسولين والسكر بيأثر على تخزين الدهون، بس السبب والنتيجة لسه بيتبحث فيه، مش حاجة مؤكدة 100%.

4. الميكروبيوم (بكتيريا الأمعاء)
دليل قوي ومتزايد إنه بيأثر على استخلاص السعرات من نفس الأكل يعني اتنين ياكلوا نفس الطبق، مش هياخدوا نفس عدد السعرات فعليًا.

5. تاريخ الدايت والـ Metabolic adaptation
اللي عمل دايتات قاسية كتير قبل كده، جسمه بيبقى "اتعلم" يوفر سعرات أكتر نتيجة دفاعية مش كسل

الخلاصة: الجينات بتحدد الميل، مش المصير
ومعرفة إنك من نوع معين مش عذر هي بوصلة تساعدك تختار الاستراتيجية الصح ليك انت، مش لصورة الجسم المثالي اللي شايفها.

#اتعلم #صحة

04/07/2026

لو عندك تكيسات مبايض وبتحاولي تنزلي وزن ومش عارفة ليه صعب... جزء كبير من الصعوبة اسمه مقاومة الإنسولين 👇

٦٥-٧٠٪ من الستات اللي عندهم تكيسات مبايض عندهم مقاومة إنسولين بدرجة أو بأخرى، حتى اللي وزنهم طبيعي مش بس اللي عندهم سمنة (الآلية بتختلف شوية بين الحالتين، بس النتيجة قريبة).
يعني لو حسيتي إن نزول وزنك أبطأ من غيرك مع نفس المجهود، مش وهم ولا كسل، ده جزء من الصورة الفسيولوجية للحالة.

إزاي تتعاملي معاها غذائيًا (تدخلات بتحسن حساسية الإنسولين بشكل عام،:

1. رتبي الأكل مش بس قلليه
خضار وبروتين الأول، بعدين النشويات. الترتيب ده لوحده بيقلل ارتفاع السكر بعد الأكل بشكل ملحوظ.

2. البروتين في كل وجبة مش اختياري
20-30 جم بروتين في كل وجبة (بيضتين + جبنة، أو صدر فراخ، أو فول) بيساعد في السيطرة على الإنسولين والشبع.

3. الكارب مش عدو، لكن نوعه مهم
فول، عدس، شوفان، خضار نشوية أفضل من الكاربوهيدرات المكررة (عيش أبيض، سكر، حلويات) لأنها بتترفع بالسكر بشكل أبطأ.

4. المشي بعد الأكل
10-15 دقيقة مشي بعد أي وجبة كبيرة بتقلل ارتفاع السكر بشكل مثبت علميًا، أسهل تدخل ومفيش أي تكلفة.

5. الأوميغا 3 والمغنيسيوم
سمك مرتين أسبوعيًا، ومصادر مغنيسيوم زي المكسرات والخضار الورقية بيساعدوا في تحسين حساسية الإنسولين.

الأكل مش بديل عن المتابعة الطبية (تحاليل هرمونية، ومتابعة دكتور لو محتاجة أدوية ، لكنه بيتحكم في الأعراض الوزن، حب الشباب، انتظام الدورة بشكل حقيقي لما يتطبق صح ومستمر جنب المتابعة الطبية.

لو حد قريب منك عنده تكيسات مبايض ومحتاج الكلام ده ابعتيلها 🔁

عايزة خطة أكل مناسبة لحالتك سيبي كومنت هنا وهبعتلك خطة مجاني مناسبة لحالتك مجانا ؟🙈

30/06/2026

مش الرقم بيتحكم في جسمك.
الهرمونات بتتحكم في الرقم. 🧬
وده بيغير كل حاجة.
احفظ البوست ده لو حسيت يوماً إن الحساب مش بيكفي 🔖
Part 2

#سعرات #هرمونات #تغذية #دايت
#أنسولين
#صحة

29/06/2026

حسبت سعراتك بدقة
وجسمك عمل اللي هو عايزه؟
مش أنت الغلطان.

الأرقام نفسها فيها مشكلة. 🔢
Part 1
احفظ البوست ده — الجزء التاني هيغير طريقة تفكيرك خالص 🔖

#سعرات #دايت #تغذية


#صحة #رجيم

29/06/2026

لما بتاكل من الضغط مش أنت الغلطان.

جسمك بيعمل بالظبط اللي اتعلمه يعمله. 🧠
بس لما تفهم الآلية تقدر تكسرها.
احفظ البوست ده هتحتاجه أكتر من ما بتفتكر 🔖


#دايت #تغذية
#كورتيزول #صحة