صيدلية د / ندي أبو سيف

17/11/2025

تُعلن صيدلية د/ ندي أبو سيف 💊

عن حاجتها 📢

📌 صيادلة (شباب_ بنات)

📌 مساعدي صيادلة (شباب _ بنات)

للعمل بالشيفت الصباحي والمسائي ☀️🌝

(عدد الساعات والمواعيد حسب الإتفاق والتنسيق ) 👍

✨مميزات الوظيفة:

✔️ راتب مجزي + نسبه عند تحقيق التارجت ( ربع سنوي )
✔️ فرص حقيقية للتطور الوظيفي
✔️ بيئة عمل محترفة

📍 العنوان
شارع الجمهورية متفرع من شارع محمد نجيب المرج (بالقرب من الدائرى و محطة مترو المرج الجديدة) 🚇 🚐

للتفاصيل وإرسال السيرة الذاتية برجاء التواصل واتس آب
01022707885 📞


#وظيفة
#صيدلي

10/01/2025

كل يوم معلومة طبية ( 80 ) 💞

عيون أطفالنا أمانة.. والموبايل مش لعبة 📵

الشاشات الصغيرة ممكن تبقى خطر كبير على عيون الأطفال لو استخدموها كتير أو بطريقة غلط.❌

❎ أضرار الموبايل على عيون الأطفال:

إرهاق العين ووجع الرأس.
جفاف وإحمرار بسبب قلة رمش العين.
ضعف النظر مع الوقت.
إضطرابات في النوم بسبب الضوء الأزرق.

❎ إزاي تحمي طفلك؟

قلل وقت استخدام الموبايل على قد ما تقدر.
خلي الشاشة بعيدة عن عيونه (على الأقل 30 سم).
علمه يريح عيونه كل 20 دقيقة ويشوف حاجة بعيدة.
شجعه يلعب ألعاب حركية أو يقضي وقت أكتر بعيد عن الشاشة.

صحة عيون طفلك تبدأ من قرارات بسيطة.. احميه النهارده عشان نظره يفضل قوي بكرة! 💙



#عيون #عين #اطفال

08/01/2025

كل يوم معلومة طبية ( 79 ) 💞

"خلي مناعة طفلك حديد في الشتا!"💪

في الشتا، المناعة هي الدرع اللي بيحمي طفلك من البرد والفيروسات.. طيب نعمل إيه؟🤔

1_ الأكل المفيد هو البداية
زودي البرتقال، الجوافة، والجزر في أكل يومه.🥕🍊
قدمي وجبات دافية زي شوربة العدس أو الفراخ.🫕

2️_ شرب المية مهم جدًا
حتى في البرد، جسمه محتاج مية عشان يفضل قوي.🫗

3️_ النوم الكافي بيعمل فرق
عوديه ينام في مواعيد منتظمة عشان جسمه يرتاح ويتجدد.🛌

4️_ الحركة والنشاط = مناعة أقوى
شجعيه يلعب ويتحرك، والشمس مفيدة لجسمه.🏃☀️

5️_ لو محتاج دعم زي فيتامين "سي" أو زنك دكتور الأطفال أو الصيدلي هيدلوكى على الأنسب.
اهتمي بتفاصيل بسيطة.. وحافظي على مناعته قوية طول الشتا 🌟



#مناعة #شتاء #طفل

04/01/2025

كل يوم معلومة طبية ( 78 ) 💞

"تشقق القدمين في الشتاء.. المشكلة والحل!"👍

ليه بيحصل تشقق في الشتاء؟🤔
📌جفاف البشرة بسبب قلة شرب المية وبرودة الجو.
📌عدم الترطيب اليومي، خاصة في المناطق المعرضة للجفاف زي الكعبين.
📌لبس الأحذية المفتوحة اللي بتعرض القدم للجفاف والهواء البارد.

إزاي تحمي قدميك؟👌
✨رطبي يوميًا باستخدام كريمات غنية بالمرطبات زي زبدة الشيا أو الفازلين.🧴🛁
✨ألبسي جوارب قطنية بعد الترطيب للحفاظ علي الدفء والترطيب.🧦
✨شرب مية كفاية لترطيب جسمك وبشرتك من الداخل.🫗
✨انقعي قدميك في مية دافية بملح أو زيت زيتون لمدة 10 دقائق مرة أو مرتين أسبوعيًا مع فرك بسيط لإزالة الجلد الميت والحفاظ على نعومتها.🛁
✨اختاري أحذية مريحة ومغلقة تحمي قدميك من البرودة والجفاف.👟

لو المشكلة مستمرة أو فيها ألم، استشيري متخصص في عيادة الجلدية.
علشان راحتك تبدأ من أول خطوة!



#بشرة #حماية
#تشققات

26/12/2024

كل يوم معلومة طبية ( 77 ) 💞

"خلي بشرتك متألقة في الشتا مع 5 خطوات بسيطة"

✅الترطيب هو الأساس
الشتا بيزود جفاف البشرة، علشان كده لازم ترطبي بشرتك يوميًا بمرطب غني ومناسب لنوع بشرتك.🧴

✅ شرب المية ضرورة مش رفاهية
رطبي بشرتك من الداخل بشرب 8 أكواب مية يوميًا، حتى لو مش حاسة بالعطش.🫗

✅واقي الشمس مش للصيف بس
أشعة الشمس موجودة حتى لو الجو برد، فاستخدمي واقي الشمس دايمًا قبل ما تخرجي.⛅️

✅ ماسكات الترطيب الطبيعية
اعملي ماسكات بسيطة زي العسل أو الزبادي مرة في الأسبوع لترطيب عميق.🥰

✅التغذية السليمة
اكثري من الأطعمة الغنية بالفيتامينات زي الفواكه والخضروات لتحافظي على نضارة بشرتك.🍓🥝🥒

لو بشرتك محتاجة عناية أكتر، زوري عيادة الجلدية واستشيري المتخصصين
بشرتك في الشتا محتاجة اهتمام خاص.. ابدأي النهارده! 😌



#بشرة #أدوية

25/12/2024

23/12/2024

كل يوم معلومة طبية ( 76 ) 💞

أدوية مينفعش تاخدها من غير إستشارة دكتور ❌

كتير مننا ممكن يلجأ للدوا كحل سريع لأي مشكلة صحية، لكن فيه أدوية خطيرة لو أخدتها من غير ما تستشير دكتور.
ذي إيه مثلاً ؟ 🤔

❌ المضادات الحيوية
إستخدامها غلط ممكن يسبب مقاومة للمضاد وميبقاش فعّال لما تحتاجه.
مش كل عدوى علاجها مضاد حيوي، زي الفيروسات اللي مش بتحتاجها أصلاً.
❌ أدوية الضغط والسكر
لو عندك ضغط أو سكر، الجرعات لازم تتحدد بناءً على حالتك.
أخد جرعة زيادة أو أقل ممكن يسبب مضاعفات خطيرة.
❌ المسكنات القوية
زي الأدوية المحتوية على الكورتيزون أو أدوية الألم الشديد.
استخدامها غلط ممكن يضر الكلى، الكبد، أو يسبب إدمان.
❌ أدوية المعدة والحموضة
الاستخدام الطويل بدون إشراف ممكن يخفي مشاكل أكبر زي قرحة المعدة.
❌ أدوية الإكتئاب والأعصاب
الجرعات لازم تتحدد بدقة، وأخدها بشكل عشوائي ممكن يسبب اضطرابات نفسية خطيرة.
خد بالك!
الدواء مش حاجة تجربها لوحدك. لو عندك أي مشكلة صحية، استشير دكتور الأول علشان تاخد العلاج المناسب ليك.



#أدوية #حماية

21/12/2024

كل يوم معلومة طبية ( 75 ) 💞

نقص الحديد عند الأطفال.. لازم ناخد بالنا منه! 👶❤️

لو طفلك دايمًا تعبان و مش مركز كويس في المدرسة، ممكن يكون بيعاني من نقص الحديد، وده مش حاجة بسيطة! خلينا نوضحلك المخاطر بتاعته :

❎ ضعف عام وتعب مستمر
لما الحديد يقل، جسم الطفل مبيقدرش يصنع هيموجلوبين كفاية، وده معناه إنه هيفضل تعبان ومش قادر يلعب زي العادة.
❎ مناعة أضعف
نقص الحديد بيخلي جسم الطفل ميقدرش يحارب الأمراض كويس، وده يخليه يتعب كتير.
❎ تأخر في النمو
النمو مش بس طول ووزن، ده كمان تركيز وذاكرة. نقص الحديد ممكن يأثر على تطور مخه ونشاطه.
❎ فقدان الشهية
هتلاقيه مش عايز ياكل، وده بيزود المشكلة أكتر لأنه مش بياخد العناصر اللي محتاجها جسمه.

✅ إيه الحل؟

دخّلي في أكلهم حاجات غنية بالحديد زي الكبدة، السبانخ، والعدس.🫕
خليهم ياكلوا حاجة فيها فيتامين C مع الأكل زي البرتقال، عشان الحديد يمتص أحسن.🍊
وطبعا لازم تستشيري دكتور ويعمل تحليل ويحدد العلاج المناسب.
صحة ولادنا أمانة.. اهتمي بيها! 💙



#مناعة

15/12/2024

كل يوم معلومة طبية ( 74 ) 💞

"دفّي طفلك من البرد بمشروبات طبيعية!"

"برد الشتا صعب على الكبير والصغير
عشان كده لازم ندفي أولادنا من جوه قبل بره! 💪

🤔 إزاي؟
بمشروبات طبيعية تقوّي المناعة وتحميهم من نزلات البرد.🤧

✅ جربي المشروبات دي:

الينسون: بيرطب الحلق ويريّح النفس.
الجنزبيل بالعسل: يقوي المناعة ويحارب البرد.
الكاكاو السخن: غني بمضادات الأكسدة ويدفّيهم.
الحليب بالعسل: مريح وبيساعدهم يناموا كويس.
عصير البرتقال الدافي: مليان فيتامين C لرفع المناعة.
📌 خلي الدفا يبدأ من جوه، وصحة طفلك دايمًا في أمان. ❤️"


#البرد #مناعة

11/12/2024

كل يوم معلومة طبية ( 73 ) 💞

💡 "بتاخد علاج الربو صح؟ خطوات بسيطة تفرق كتير في حالتك!"

📌 لو بتستخدم بخاخ الربو، خلي بالك من الخطوات دي علشان تستفيد منها صح :

🌟الجلوس أو الوقوف بشكل مستقيم .
🌟رُج البخاخ كويس قبل الإستخدام عشان تتأكد إن الدوا متوزع صح.
🌟خد نفس عميق، وبعدين حط فمك حوالين فتحة الجهاز بإحكام .
🌟اضغط البخاخ وخد شهيق ببطء في نفس الوقت، وخلّي نفسك جوا شوية (10 ثواني لو تقدر).
🌟اخرج النفس ببطء من خلال أنفك .
🌟اغسل فمك بالمياه بعد الإستخدام، خاصة لو بتستخدم بخاخ فيه كورتيزون لتجنب الإصابة بعدوي الفم .

📌 ولو بتاخد علاج تاني:

تابع جرعاتك مع الدكتور.
متوقفش العلاج فجأة، لأن ده ممكن يسبب أزمات.
🚨 متتجاهلش أي أعراض زي كتمة النفس أو الكحة المستمرة، واستشير طبيبك فورًا لو حسيت بأي تغيير.


#أدوية #الربو