02/08/2026
السمنة مش مؤشر أبدًا على رخاء الحال ووفرة الغذاء
بسطاء الدخل بياكلو أكل مش صحي ومصر جدا فقط لسد الجوع للأسف.
أي أخصائي تغذية عنده ضمير هيقولك أن أصعب حالة بيشتغل معاها هي الحالة بسيطة الحال، لأن قلة الدخل بتخلي قدامه خيارات ضعيفة جدا يختار منها قدام نقص البروتين الحيواني وصعوبة الحصول عليه وكذلك صعوبة تنويع الأكل اليومي ده كدة بشكل عام
بدون ذكر أن الفقر بيصحبه ضغط نفسي ممكن يتمثل في اضطرابات الغذاء ( ناكل اكل رخيص كتير مليان نشويات وزيوت مهدرجة من غلبنا وقلة حيلتنا)
وأحيانًا كتير الجهل وعدم وجود التثقيف الغذائي
وبدون ذكر المقاومة النفسية والضغط النفسي المتمثل في أصناف أكل وطريقة أكل وطهي معينة مع حد مش ضامن هياكل ايه ولا هياكل أصلا اليومين الجايين دول من الأساس
مش محتاجة طبعًا أتكلم عن معدلات الفقر ولا ضعف المدخول المالي لكل فرد ولا التعويم والأزمة الاقتصادية اللي مصر فيها
