كود الصحة مع د. أسماء أبو هانى

  • Home
  • Egypt
  • Cairo
  • كود الصحة مع د. أسماء أبو هانى

كود الصحة مع د. أسماء أبو هانى Contact information, map and directions, contact form, opening hours, services, ratings, photos, videos and announcements from كود الصحة مع د. أسماء أبو هانى, Medical and health, Online, Cairo.

لأن كل جسم مختلف… ولكل شخص احتياجاته الخاصة، نساعدك على فهم جسمك وبناء أسلوب حياة صحي يناسب أهدافك واحتياجاتك

⚖️ السمنة والنحافة
💪 تغذية الرياضيين وبناء العضلات
🌿 Health Coaching

🔥 هل تقليل الأكل هيخليك تخس؟آه… الميزان ممكن ينزل.لكن هل ده معناه إنك بتخسر دهون بس؟ 🤔طبعًا لأ!لما تقلل الأكل بشكل مبال...
23/08/2026

🔥 هل تقليل الأكل هيخليك تخس؟

آه… الميزان ممكن ينزل.
لكن هل ده معناه إنك بتخسر دهون بس؟ 🤔
طبعًا لأ!

لما تقلل الأكل بشكل مبالغ فيه، جسمك بيبدأ يتعامل مع نقص الطاقة على مراحل:

💧 في البداية بتخسر جليكوجين ومياه.
🔥 بعد كده الجسم يعتمد بشكل أكبر على الدهون كمصدر للطاقة.
💪 ومع استمرار الحرمان الشديد، ممكن يحصل فقد في الكتلة العضلية والبروتينات، بالإضافة لنقص العناصر الغذائية واضطراب السوائل والأملاح.

وممكن تبدأ تلاحظ:
❌ إرهاق ودوخة
❌ ضعف وقلة تركيز
❌ زيادة الجوع والرغبة الشديدة في الأكل
❌ انخفاض الأداء البدني
❌ فقدان جزء من الكتلة العضلية

والأخطر إن الحرمان الشديد مش استراتيجية مستدامة لخسارة الدهون، وممكن ينتهي بنوبات أكل شديدة واسترجاع الوزن.

✨ الهدف مش إن الرقم على الميزان ينزل بأي طريقة…
الهدف إنك تخسر دهون وتحافظ قدر الإمكان على عضلاتك وصحتك وقدرتك على الاستمرار.

خسارة الدهون مش محتاجة تجوّع نفسك… محتاجة خطة تقدر تعيش بيها. ❤️

د/ أسماء أبو هاني

مش كل طريق عليه زحمة… يبقى هو الصح.في عالم التخسيس، الطرق الأسرع دايمًا هي الأكثر انتشارًا…لكن الأسرع مش بالضرورة يكون ص...
22/08/2026

مش كل طريق عليه زحمة… يبقى هو الصح.

في عالم التخسيس، الطرق الأسرع دايمًا هي الأكثر انتشارًا…
لكن الأسرع مش بالضرورة يكون صحى .

ممكن تخس وزن بسرعة،
لكن اسأل نفسك:

خسرت دهون فعلًا؟
ولا خسرت عضلات ومياه؟
وخسرت كمان صحتى ؟

التخسيس مش سباق للوصول بأسرع وقت…
التخسيس الحقيقي إن جسمك يتحسن، وصحتك تتحسن، والنتيجة تفضل معاك.

قبل ما تسأل:
«هخس كام كيلو؟»

اسأل الأول:
«هخس إزاي من غير ما أخسر صحتي؟»

اختار الطريق الصح… مش الطريق الأسهل.

د/ اسماء ابوهانى
دكتورة تغذية علاجية سمنة ونحافة ورياضيين
📞 01015909607

كل يوم بنشوف منتج جديد للتخسيس:«احرق الدهون بسرعة»«اخسر الوزن من غير دايت»«نتيجة مضمونة في أيام»لكن السؤال الأهم مش: هخس...
21/08/2026

كل يوم بنشوف منتج جديد للتخسيس:
«احرق الدهون بسرعة»
«اخسر الوزن من غير دايت»
«نتيجة مضمونة في أيام»

لكن السؤال الأهم مش: هخس كام كيلو؟
السؤال هو: إيه اللي موجود جوّه العبوة؟

بعض المنتجات غير الموثوقة قد تحتوي على مكونات غير مُعلنة أو مواد دوائية قد تضر بصحتك.

⚠️ اضطراب ضربات القلب
⚠️ ارتفاع ضغط الدم
⚠️ مشاكل بالكبد أو الكلى
⚠️ ومضاعفات قد تستدعي دخول المستشفى

قبل ما تشتري… اعرف إنت بتاخد إيه.

لأن نزول الوزن هدف مهم،
لكن مش على حساب صحتك.

د/ اسماء ابوهانى
دكتورة تغذية علاجية سمنة ونحافة ورياضيين
📞 01015909607

🚨 بتمنعي كل البروتين الحيواني من أكلك؟ اللحمة والفراخ والسمك والبيض واللبن؟ممكن تكوني بتاكلي صحي جدًا… 🌱خضار، فاكهة، بقو...
19/08/2026

🚨 بتمنعي كل البروتين الحيواني من أكلك؟ اللحمة والفراخ والسمك والبيض واللبن؟

ممكن تكوني بتاكلي صحي جدًا… 🌱
خضار، فاكهة، بقوليات، حبوب كاملة…

ومع ذلك، بعد فترة تلاقي نفسك بتقولي:

«ليه أنا تعبانة طول الوقت؟»
«ليه تركيزي مش زي الأول؟»
«ليه إيدي ورجلي بتنمل؟»
«ليه حاسة بضعف من غير سبب؟» 🤔

هنا لازم نقف ونسأل عن فيتامين B12.

🧠 B12 مش مجرد فيتامين للطاقة!

الجسم محتاجه لتكوين خلايا الدم الحمراء، تصنيع الـDNA، والحفاظ على سلامة الأعصاب.

طيب… إيه علاقة ده بالنظام النباتي؟ 🌱

B12 موجود طبيعيًا بشكل أساسي في الأطعمة الحيوانية، زي:

🥩 اللحوم
🐟 الأسماك
🥚 البيض
🥛 اللبن ومنتجات الألبان

فلو شيلتي كل المصادر دي من أكلك، من غير ما توفري مصدر موثوق لـB12 من أطعمة مدعمة أو مكمل مناسب، احتمالية النقص بتزيد.

⚠️ والمشكلة إن نقص B12 مش لازم يبان بسرعة!

الجسم عنده مخزون من B12، فممكن النقص يتطور تدريجيًا، وتبدأ الأعراض تظهر بعد فترة.

ومن الأعراض اللي ممكن تظهر:

🔸 إرهاق وضعف
🔸 شحوب
🔸 دوخة أو ضيق نفس مع المجهود
🔸 ضعف التركيز والذاكرة وـBrain Fog
🔸 تنميل أو وخز في اليدين والقدمين
🔸 مشاكل في التوازن أو المشي
🔸 التهاب أو احمرار اللسان

والأهم جدًا 👇

🚨 ممكن تظهر أعراض عصبية مرتبطة بنقص B12 حتى من غير وجود أنيميا واضحة.

وعشان كده، ماينفعش نعتبر التعب أو التنميل مجرد «إرهاق» ونعديه.

👀 ومين كمان معرض لنقص B12؟

مش النباتيين بس!

في عوامل تانية ممكن تقلل الحصول على B12 أو امتصاصه، زي:

💊 الاستخدام المطول لبعض الأدوية، ومنها Metformin وبعض أدوية تقليل حموضة المعدة.

🦠 بعض أمراض المعدة أو الأمعاء اللي بتأثر على امتصاص B12.

🏥 بعض جراحات المعدة أو الأمعاء.

👵 وكمان التقدم في العمر ممكن يرتبط بزيادة خطر نقص B12.

❤️ الخلاصة

أنا مش بقول إن النظام النباتي غلط.

ومش بقول إن لازم تاكلي لحوم.

لكن…

لما تشيلي مجموعة غذائية كاملة من نظامك، لازم تعرفي إيه العناصر اللي ممكن تقل مصادرها وإزاي تعوضيها صح.

🌱 النظام النباتي ممكن يكون صحي جدًا… بشرط إنه يكون متخطط، مش مجرد حذف للحوم.

ولو نظامك خالي تمامًا من المنتجات الحيوانية،
خلي B12 على رادارك. 👀

د/ اسماء ابوهانى

زمان كنت باكل أكتر من كده ومكنتش بتخن… دلوقتي باكل أقل ووزني بيزيد!سؤال بيسأله ناس كتير بعد سن الخمسين والستين…والحقيقة ...
18/08/2026

زمان كنت باكل أكتر من كده ومكنتش بتخن… دلوقتي باكل أقل ووزني بيزيد!

سؤال بيسأله ناس كتير بعد سن الخمسين والستين…

والحقيقة إن المفاجأة مش في الأكل… المفاجأة في اللي بيحصل جوه الجسم. 👇

زمان كان ممكن تاكلي نفس الأكل وتحافظي على وزنك عادي…

لكن مع التقدم في العمر، الجسم بيتغير بطريقة بتخليه يحرق أقل ويخزن الدهون بسهولة أكبر، خصوصًا في منطقة البطن.

📌 أول سبب:
العضلات بتقل تدريجيًا مع العمر.

ولأن العضلات من أكتر الأنسجة اللي بتستهلك طاقة، فكل ما تقل…
معدل الحرق بيقل معاها.

📌 تاني سبب:
التغيرات الهرمونية بعد انقطاع الدورة الشهرية بتغير طريقة توزيع الدهون في الجسم.

عشان كده ستات كتير يلاحظوا إن مقاس البطن بيزيد حتى لو الميزان مش بيتحرك كتير.

📌 ثالث سبب:
الحركة اليومية غالبًا بتقل من غير ما ناخد بالنا.

مشاوير أقل…
نشاط أقل…
مجهود أقل…

ومع الوقت الجسم يبدأ يخزن أي فائض بسيط على هيئة دهون.

🚨 المشكلة إن دهون البطن مش مجرد زيادة وزن…

دي من أكتر أنواع الدهون المرتبطة بمشاكل زي:
▪️ السكر
▪️ الضغط
▪️ أمراض القلب
▪️ مقاومة الإنسولين

✨ لكن الخبر المهم…

العمر مش حكم نهائي بزيادة الوزن.

الاهتمام بالبروتين، وتمارين المقاومة، والحركة اليومية المنتظمة ممكن يساعدوا الجسم يحافظ على العضلات ويحسن شكل الجسم وصحته بشكل كبير.

لو حاسة إن جسمك اتغير مع العمر، متلوميش نفسك.

افتكري إن الحل مش في التجويع أو حرمان نفسك من الأكل.

في أوقات كتير المشكلة مش ضعف إرادة…
المشكلة إن الجسم نفسه بقى محتاج طريقة مختلفة في التعامل والتغذية

🎓 صاحباتك نزلوا يشتروا لبس الجامعة…واحدة فرحانة بالموديلات الجديدة…واحدة بتختار بين أكتر من مقاس…وواحدة مستنية أول يوم د...
17/08/2026

🎓 صاحباتك نزلوا يشتروا لبس الجامعة…

واحدة فرحانة بالموديلات الجديدة…
واحدة بتختار بين أكتر من مقاس…
وواحدة مستنية أول يوم دراسة بفارغ الصبر.

أما إنتِ…

كل اللي شاغلك:
“يا ترى هلاقي مقاسي؟”

“يا ترى اللبس ده هيبقى شكله حلو عليا؟”

“يا ترى دهون البطن والجوانب هتبان فيه؟”

وممكن تشتري لبس كتير…
لكن تفضلي مش مرتاحة وأنتِ لابساه.

💔 لأن المشكلة مش في اللبس…
المشكلة في الإحساس اللي جواكي كل مرة تبصي فيها في المراية.

✨ حلك عندنا

ابدئي من دلوقتي، وخلي بداية الجامعة السنة دي مختلفة.

اتخلصي من الدهون العنيدة، واسترجعي ثقتك بنفسك، وادخلي السنة الجديدة وأنتِ مرتاحة في لبسك وشكلك.

💖 متخليش أول يوم جامعة يكون مجرد بداية دراسة…
خليه بداية لنسخة أقوى وأكثر ثقة منك.

📩 ابعتي رسالة دلوقتي واعرفي أنسب حل ليكي.

د / أسماء أبوهاني

📞 01015909607

🎓 بتجهزي للجامعة…وكل ما تنزلي تشتري لبس، ترجعي محبطة؟!الموديل اللي عاجبك مش موجود على مقاسك…والقطعة اللي نفسك فيها مش مر...
16/08/2026

🎓 بتجهزي للجامعة…

وكل ما تنزلي تشتري لبس، ترجعي محبطة؟!

الموديل اللي عاجبك مش موجود على مقاسك…
والقطعة اللي نفسك فيها مش مريحة على جسمك…
وفي الآخر بتشتري أي حاجة وخلاص، مش الحاجة اللي كنتِ فعلًا عايزاها.

ومع كل مرة تسوق، الإحساس بالإحباط بيزيد…
“هخس وبعدها أجيب اللي نفسي فيه.”

✨ حلك عندنا

ابدئي من دلوقتي بخطة مناسبة ليكي تساعدك توصلي لوزن أفضل وتستعيدي ثقتك بنفسك خطوة بخطوة.

💖 خلي دخول الجامعة السنة دي مختلف…
مش بس بلبس جديد، لكن بثقة جديدة وشعور أحسن تجاه نفسك.

📩 ابعتي رسالة دلوقتي وابدئي رحلتك.

د / أسماء أبوهاني

📞 01015909607

🎓 بتشتري لبس الجامعة…بس مش لاقية حاجة على مقاسك؟!كل سنة بتقولي:“هبدأ بعدين”“لما الدراسة تستقر”“لما ألاقي وقت”لكن الحقيقة...
15/08/2026

🎓 بتشتري لبس الجامعة…

بس مش لاقية حاجة على مقاسك؟!

كل سنة بتقولي:
“هبدأ بعدين”
“لما الدراسة تستقر”
“لما ألاقي وقت”

لكن الحقيقة إن أفضل وقت تبدأي فيه هو دلوقتي. ✨

💖 حلك عندنا

هنساعدك توصلي لوزن مناسب بشكل صحي وآمن، وتدخلي الجامعة وإنتِ مرتاحة في لبسك، واثقة في نفسك، وفخورة بالمجهود اللي عملتيه.

ابدئي رحلتك النهارده…
وخلي أول يوم جامعة بداية لنسخة جديدة منك. 🌷

📩 ابعتي رسالة دلوقتي واعرفي أنسب خطة ليكي.

د / أسماء أبوهاني

📞 01015909607

🎓 الدراسة الجامعية قربت تبدأ…ولسه الدهون العنيدة مضايقاكي؟!دهون البطن، الجوانب (Love Handles)، الدهون تحت الصدر (Under B...
14/08/2026

🎓 الدراسة الجامعية قربت تبدأ…

ولسه الدهون العنيدة مضايقاكي؟!

دهون البطن، الجوانب (Love Handles)، الدهون تحت الصدر (Under Bra)، أو أي منطقة حاسة إنها مش بتتغير مهما حاولتي…

المشكلة إن بعض أماكن تخزين الدهون بتكون أكثر عنادًا من غيرها، وعلشان كده كتير من الناس بيحسوا بالإحباط رغم إنهم بيحاولوا.

✨ قبل بداية الدراسة، خلي دي فرصتك إنك تبدأي تهتمي بنفسك وصحتك وتشتغلي على هدفك بثقة.

متأجليش لبعد بكرة…
ابدئي رحلتك النهارده، والنتيجة اللي نفسك فيها بتبدأ بخطوة واحدة. 💪

📩 ابعتي رسالة دلوقتي واعرفي أنسب حل ليكي.

📞 01015909607

Dr Asmaa Mosad

Address

Online
Cairo

Website

Alerts

Be the first to know and let us send you an email when كود الصحة مع د. أسماء أبو هانى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category