28/05/2020
يا ريت الناس تنشر البوست ده على صفحاتها
***** الكمامة الطبية *****
بتتكون من تلات طبقات ...
#اول طبقه : بتبقى ملامسه للوجه و الانف
#تاني طبقه : و دي الطبقه الفعاله في الماسك و هي عباره عن الفلتر ... اللي بينقى الهواء من الشوائب و الفيروسات و الجراثيم
#تالت طبقه : عباره عن طبقه شمعيه بتقاوم رازاز المياه الخفيف و بتمنع وصوله لوشك
*** #مدة ارتداء الكمامه ؟؟
من ٤ الي ٨ ساعات
لان بعد الفتره دي طبقه الفلتر مسامها بتبدي توسع و بتبقى غير فعاله في عزل اي ميكروبات او بكتريا
*** هل ينفع #اعقم او #اغسل الماسك لاعاده استخدامه ؟
لا مينفعش ... لان طبقة الفلتر دي ضعيفه جدا و خواصها بتتغير مع اللبس و التعقيم و بتبقى عديمة الفائده و ملهاش دور في تنقيه الهواء
*** هل اي قطعه #قماش تغني عن الماسك ؟
لا بردو ... لان المسام اللي بين القماش حجمها اكبر من حجم الفيرس و بالتالي بتبقى منفذه ليه عادي . وعديمه الفائده غير انها بتساعد في تجميع الميكروبات و الاتربه على وشك
***هل ممكن استبدل الماسك باي #منديل زي ما منتشر ؟؟!
المناديل هتمتص بخار المياه اللي ناتج من عمليه التنفس و بالتالي هتجمع الميكروبات و الاتربه اللي في الجو على وشك و انت تتنفسها بكل سهوله 😎
***و أهم نقطه #امتى تلبس الماسك ؟؟
- لو انت مصاب باي نزله برد او بتعاني من السعال ...
- لو انت طبيب و بتتعامل بشكل مباشر مع المرضى
- لو انت شخص سليم و لكن في وسط زحام شديد .. و لكن في هذه الاوقات يفضل طبعا المكوث في المنزل و الابتعاد عن الزحام
متخلوش حد يبيع لكم اي #قماش مالوش اي قيمه على انه صالح للاستخدام ككمامات طبية
و أهم حاجه حافظوا دايما على غسيل الايد باستمرار و ما تملسوش وشكم بايديكم 😅
