Dr Hussam Abd Al Atty - د / حسام عبد العاطي

24/05/2026

الدقيق المنخول 🫓🥖
بين زهد النبي ﷺ والطب الحديث

23/05/2026

الأكل العاطفي
مش اضطراب أكل !!




By.. Dr/Sarah Nagah⚘️

22/05/2026

خلينا نعرفكم على انواع نظريات الدايت
انهي نظرية تنفع لمين
اكيد مش كل الناس ينفعهم نفس النظرية


#تغذية
#الصحةوالجمال

20/05/2026

معظمنا سمع عن برنامج The Biggest Loser 📺..
وكنا مبهورين بالمتسابقين وهم بيخسوا عشرات الكيلوجرامات في أسابيع قليلة.. وبنسقف للتحول الرهيب في الصور! 😍

​لكن.. سألت نفسك الناس دي حصلها إيه بعد ما الكاميرات قفلت🎥❓️❓️
​ورا الكواليس فيه وجع حقيقي..
زي قصة "داني كاهيل" ..فائز الموسم الثامن اللي خس 108 كجم في فترة قياسية.. لكن الثمن كان تدمير صحته!
داني كان عايش على 800 سعرة بس، وبيجبر جسمه يحرق 6000 سعرة في معسكرات عنيفة لـ 8 ساعات يومياً.. ووصل بيه الأمر للامتناع التام لمدة ١٠ ايام عن الأكل قبل الوزن النهائي! 🛑

​⚠️ الصدمة؟ بعد ما البرنامج خلص.. داني استعاد كل وزنه، ورجع لنقطة الصفر بنفسية وجسد منهكين! 😔

​🔷️طب هو إيه اللي حصل لأجسامهم علمياً؟
في دراسة شهيرة نشرت في مجلة Obesity تتبع فيها الباحث "كيفين هول" المتسابقين لمدة 6 سنوات..والنتايج كانت صادمة‼️‼️
​❌ حرق مدمر⬅️دخلت أجسامهم في حالة دفاع ضد المجاعة وفضل حرقهم أقل بـ 500 سعرة من أي شخص طبيعي في نفس وزنهم
❌ جوع دائم⬅️ هرمون الشبع (Leptin) انهار تماماً ووصل للصفر، ففضلوا في معركة مستمرة مع الجوع
❌ الوزن المسترد⬅️ من بين 14 متسابق ....13 شخص استعادوا وزنهم بالكامل.. لأن الحفاظ على الوزن بحرق ميت وجوع مستمر كان معركة مستحيلة! ⚖️

​🙃طب خلينا نتخيل لو غيرنا قواعد اللعبة؟
من رحلة تعذيب.. لرحلة ترميم وطمأنينة! 🔄
​ما هو اصل جسمك مش عدوك.. ولما بتضغط عليه بحرمان شديد بيخاف ويحاربك عشان يحمي نفسه🛡️
وعشان كده.. بدل ما نكون The Biggest Loser اللي بيخسر صحته.. ليه مانبقاش The Biggest Transformer (مغير السلوك الأكبر)؟ 😉

🗒​السيناريو البديل والذكي هيكون كالتالي👇
​✅ بدل الرقيب المستبد ⬅️ احتواء ودعم يفهم طبيعة التمثيل الغذائي (الأيض) عشان المتسابق يطمن جسمه بدل ما يرعبه🤝
✅ بدل رعب الميزان ⬅️ وعي بالداخل (CGM)..لمتابعة الجلوكوز وتنظيم هرمونات الشبع والإنسولين بدون ضغط على الأعصاب📈
✅ بدل طحن الـ 8 ساعات ⬅️ حركة بحب واستدامة.. تركيز على تمارين ذكية ومريحة للقلب (Zone 2) وتمارين مقاومة تحمي الجسم مدى الحياة🏃‍♂️💪

​🏆النتيجة الحقيقية اللي نستحقها؟
على المدى القصير ممكن الرقم ميكونش خيالي.. لكن على المدى الطويل النتيجة هي سلام نفسي، تغيير سلوك، وجسم متطمن بيتخلى عن الدهون بأمان وثبات لأنه مش حاسس بالتهديد🕊️

​📌السر مش في السرعة.. السر في الاستمرارية وبناء علاقة ثقة مع جسمك
الخسارة الذكية وتغيير أسلوب الحياة (Lifestyle) هي الطريقة الوحيدة اللي بتخلي جسمك يسلمك مفاتيحه بأمان🔑
​صحتك ونفسيتك مش مادة للعرض للناس🙄... سواء كمادة تليفزونية او في حياتنا الواقعية

🥹جسمك يستحق يتحب ويترمم ... مش يتجلد وعشان ده يحصل محتاج تغير في وعيك قبل ما تغير في ميزانك🤍

وافتكر دايما قول الله تعالى
⚘️إن الله لايغير ما بقوم حتى يغيروا ما بأنفسهم⚘️

19/05/2026

🛑 متلخبط ومش عارف تعمل إيه وسط كل المعلومات اللي حواليك؟
يا ترى إيه الصح فعلًا؟ 🤔
أمنع كارب ولا لأ؟ 🥖
نفطر أول ما نصحى ولا نأخر الفطار؟ 🍳
نقسم الوجبات ولا نخليها وجبة واحدة ؟ 🍽️
ناكل بالليل ولا ده “يبوظ الحرق”؟ 🌙
كل يوم نظام جديد🗒…
ومعلومة جديدة🧐…
وتريند جديد بيقولك إن ده الحل النهائي👌

وفي وسط الزحمة دي... ناس كتير دخلت في دايرة من الحيرة والإحباط😓…
لأنهم بيحاولوا يطبقوا قواعد اتفصلت لجسم وحياة غيرهم

🧬 الحقيقة العلمية اللي محتاج تعرفها⬇️⬇️
زي ما ليك بصمة صباع مميزة…
جسمك كمان ليه “بصمته الأيضية” الخاصة بيه
⬅️جيناتك .. هرموناتك .. طبيعة يومك ..نومك.. ضغطك النفسي.. ومجهودك اليومي…
كل ده بيأثر على احتياجاتك وطريقة استجابة جسمك
وعشان كده👇
✅️مفيش نظام واحد ينفع لكل الناس
✅️ومفيش قاعدة ثابتة تمشي على الجميع بنفس النتيجة

أحيانًا المشكلة مش إن جسمك “عنيد”…
المشكلة إنك بتحاول تعيشه بقوانين جسم شخص تاني‼️

⚠️القاعدة الذهبية مش الحرمان…ولا مطاردة كل تريند جديد
القاعدة هي👌
“المرونة الذكية”
وإنك تبني وعي غذائي يناسب حياتك أنت…
مش حياة حد تاني على السوشيال ميديا☺️
لأن النجاح الحقيقي مش إنك تمشي على نظام مثالي أسبوع…
النجاح إنك تلاقي أسلوب تقدر تعيش بيه براحة واستمرار 💚

📌شاركونا في التعليقات
إيه أكتر نصيحة غذائية حسيتوا إنها عكس طبيعة جسمكم أو روتينكم تمامًا؟ 👀

18/05/2026

🚨 عمليات السمنة أداة قوية… لكن مش حل سحري!
النجاح الحقيقي بيبدأ بعد العملية 👌
ومدى التزامك بنمط الحياة الصحية💪
🎥 في الفيديو ده هنعرف مين أكتر حالات تستفيد من عمليات السمنة

17/05/2026

16/05/2026

ده صور قبل و بعد لشخصين
عدى عليهم نفس الثلاث سنين
واحد فيهم دكتور مصري مشي على نظام غذائي مسموح فيه
النوتيلا و الجبن المطبوخة و ربع كيلو سكر ابيض و السجائر
و منع البيض و الدجاج و اللبن والخضار الاخضر و الورقي و بعض الفاكهة

و الثاني رجل اعمال امريكي مشي على نظام نباتي بالكامل + مكملات تعوض العناصر الغذائية اللي في الاكل الحيواني
مسموح بالخضار الاخضر و الورقي و الحبوب و المكسرات و اللب و الفاكهة و البقول
منع السجاير و الكحول و اللحوم استبدلها بمكملات

قولي انت انهي فيهم اتطور و صغر في السن
و انهي شكله بقى نحيل و ضعيف و شعره وقع و جسمه ضعف
هتجادل بالمنطق و بأدب = مسموح
بذاءة و سوء اخلاق = حظر
لك الحكم
ادخل شوف الرد على كل اسىلتكم

https://www.facebook.com/share/v/18kQZQT7Vk/?mibextid=wwXIfr

#طب

16/05/2026

⚠️⚠️⚠️⚠️

15/05/2026

مين شاف حلقة بودكاست امبارح؟
كانت عن ايه؟
ايه اكثر جزء عجبك؟