07/07/2025
💬 كتير من الناس بيشتكوا:
“باكل كويس بس لسه تعبان!”
“خدت مكملات بس التحاليل زي ما هي!”
“وزني بينزل رغم إني باكل!”
لو ده بيحصل لك… ممكن تكون بتعاني من سوء
الامتصاص (Malabsorption)
بأختصار حفهمك اللي بيحصل 🤔
🧠 يعني إيه سوء امتصاص؟
هو إن جسمك بياخد الأكل، بس مش بيعرف يهضمه أو يمتصه صح، فـيخرج من غير استفادة حقيقية.
وده ممكن يحصل لأي عنصر غذائي: بروتين، دهون، فيتامينات، معادن…
🔍 أسبابه كتير، منها:
• مشاكل في الأمعاء (زي كرون، سيلياك، أو التهابات مزمنة)
• نقص إنزيمات (زي اللاكتاز أو البنكرياتين)
• اضطرابات بكتيرية (SIBO)
• بعد جراحات زي تكميم أو تحويل مسار
أعراضه؟
• فقدان وزن بدون سبب واضح
• تعب مزمن وضعف عضلي
• إسهال، انتفاخ، غازات
• سقوط شعر، هشاشة أظافر
• نقص فيتامينات مستمر رغم المكملات
🥦 والعلاج؟
لازم الأول نحدد السبب من خلال تحليل شامل، وبعدها نبدأ بـ:
✔️ نظام غذائي علاجي
✔️ مكملات مناسبة حسب النقص بنعرفها عن طريق التحاليل
✔️ دعم الهضم والمايكروبيوم
✔️ متابعة دورية لتحسن الامتصاص
📌 لو بتشتكي من أعراض مشابهة، متستناش!
سوء الامتصاص مش ضعف… هو جهازك الهضمي بيناديك تعال شوفني
لو عايزين تعرفو تفاصيل اكتر عن سوء الامتصاص اكتبولي في الكومنتات ☑️
دمتم يارب بصحة وعافية 🌹
