Dr maher Eldeeb Cardio Clinic - عيادة د ماهر الديب للقلب

27/05/2026

10/05/2026

في حالات كتير بنقابل فيها مريض يكون عنده تاريخ طبي صعب…
ومريضة النهارده كانت عندها نزيف على المخ من ٦ سنين و ضعف شديد بالحركة بالجانب الايمن من الجسم ، ولما جالها قصور حاد في الشريان التاجي، ناس كتير خوّفوها من القسطرة وقالولها “خطر عليكِ”.

اتقالها المشكلة اللي عندك خطيرة و التدخل اخطر و احتمالية النزيف كبيرة و كل ده يخليك خارج نطاق القسطرة ونستحمل الاعراض و نكتفي بالعلاج الدوائي

لكن الحقيقة إن الطب قرار علمي مش قرار خوف.
اتناقشنا مع أهلها، شرحنا كل التفاصيل، واطمّنا إن التدخل هو الطريق الآمن ليها في الحالة دي.
عملنا القسطرة من شريان اليد، وركّبنا دعامة، والحمد لله الإجراء تم بنجاح.

النهارده الست الحمد لله حالتها مستقرة، وابتسامتها ودعوتها كانوا أكبر مكافأة.
الطب رسالة… وأهم حاجة فيها إننا نختار الصح في الوقت الصح، بعد تقييم دقيق ومناقشة واضحة مع أهل المريض.

ربنا يتم شفاء كل مريض على خير 🤍

03/05/2026

� من داخل غرفة القسطرة…
مش مجرد إجراء طبي… دي شغل فريق كامل بيتحرك بتناغم علشان هدف واحد: إنقاذ حياة مريض

كل صورة من دول وراها قصة…
قصة تعب، تركيز، قرارات سريعة، وثقة بين أفراد الفريق 💪

👨‍⚕️ الشغل مع فرق مختلفة بيضيف خبرة،
وبيأكد إن النجاح الحقيقي مش فردي…
لكن نتيجة تعاون ناس كتير شغالة بإخلاص

🙏 كل الشكر والتقدير لكل فريق اشتغلت معاه
واللي كان ليه دور حقيقي في نجاح الحالات

❤️ في النهاية… أهم حاجة عندنا هي سلامة المريض
وده اللي بنسعى له كل يوم

01/05/2026

💙 من أصعب اللحظات… لأجمل النهايات

الحالة دي كانت من الحالات الصعبة جدًا
مريض عنده جلطتين في شريانين في نفس الوقت…
وتم التعامل معاها بسرعة وتركيب دعامتين، والحمد لله عدّت على خير 🙏

امبارح شرفني في العيادة متابعة…
وكان كويس جدًا وراجع لحياته الطبيعية، وابتسامته دي كانت أكبر دليل إن التعب راح 💪

الصورة دي مش مجرد صورة…
دي حكاية تعب، قلق، قرارات سريعة… وفي الآخر أمل وراحة ❤️

دايمًا بنأكد إن سرعة التشخيص والتدخل بتفرق جدًا في حالات القلب
ومتابعتك بعد القسطرة لا تقل أهمية عن الإجراء نفسه

📍 مستمرين مع بعض خطوة بخطوة لحد تمام الشفاء بإذن الله



#دعامات

26/04/2026

“ثواني كانت فاصلة بين الحياة والموت…
مريض يصل بألم يمزق الصدر… لكن المفاجأة كانت أصعب:
جلطتين في شريانين تاجيين في نفس اللحظة!

القلب بيستغيث… والوقت بيجري.

قرار سريع… دخول فوري إلى القسطرة…
صراع حقيقي جوه الشرايين، كل دقيقة بتفرق.

وبفضل ربنا… قدرنا نفتح الشريانين،
وتركيب دعامتين رجّعوا الدم يمشي من جديد…
ورجّعوا معاه نبض الحياة

� د. ماهر الديب
عيادة أمراض القلب والقسطرة

🕒 مواعيد العيادات:

🏥 عيادة دمنهور
يوميًا من 6 مساءً إلى 9 مساءً

🏥 عيادة الإسكندرية – مركز الحياة للقلب
يوميًا من 12 ظهرًا إلى 3 عصرًا

📞 للحجز والاستعلام:
(+20 3 420 0033)

🏥 عيادة مستشفى البترول
الاثنين والثلاثاء
من 9 صباحًا إلى 12 ظهرًا

📞 للحجز والاستعلام:
(01117412565)

22/04/2026

امتي احتاج اعمل قسطرة القلب ؟

كتير من الناس بتخاف من القسطرة… وكتير كمان بيأجلها رغم إنها أحيانًا بتكون ضرورة مش اختيار.

💡 الحقيقة إن القسطرة بنلجأ لها في مواقف واضحة، أهمها:

🔴 1. جلطة حادة في القلب
لو في ألم شديد في الصدر مستمر + رسم قلب أو تحاليل بتأكد جلطة
👉 هنا القسطرة بشكل عاجل ممكن تنقذ حياة المريض وتفتح الشريان المقفول.

🟠 2. ذبحة صدرية غير مستقرة
ألم بيزيد، بييجي مع مجهود أقل أو حتى في الراحة
👉 ده مؤشر خطر… وغالبًا بنحتاج قسطرة لتقييم الشرايين بسرعة.

🟡 3. ذبحة مستقرة لكن مش مستجيبة للعلاج
مريض بياخد أدوية كويس لكن لسه بيتعب
👉 بنفكر في القسطرة لو جودة الحياة متأثرة.

🔵 4. نتائج غير مطمئنة في الفحوصات
زي رسم المجهود أو الأشعة المقطعية على الشرايين
👉 لو فيها خطورة عالية، القسطرة بتكون الخطوة اللي بعدها.

⚫ 5. ضعف في عضلة القلب غير مفسر
👉 لازم نستبعد إن السبب يكون ضيق في الشرايين.

⸻

❗ مهم تعرف:
القسطرة مش دايمًا معناها دعامة
أوقات كتير بتكون بس لتشخيص الحالة بدقة وتحديد العلاج المناسب

⸻

💬 الخلاصة:
القسطرة قرار طبي بيتاخد حسب الحالة
مش كل ألم صدر = قسطرة
ومش كل تأخير = أمان

👨‍⚕️ التقييم الصح في الوقت الصح… هو اللي بيحمي قلبك

20/04/2026

لسه قلقان من القسطرة؟
خليني أقولك الحقيقة اللي محدش قالهالك…

الخوف طبيعي…
بس اللي مش طبيعي إنك تفضل سايب شرايين قلبك في خطر عشان فكرة غلط.

القسطرة مش عملية…
دي خطوة تشخيص وعلاج بتنقذ حياة ناس كل يوم.

دقائق جوه غرفة القسطرة…
ممكن تفرق بين أزمة… وحياة جديدة.

من خلال فتحة صغيرة و بدون تخدير كلي و خروج من المستشفى بعد ساعات بسيطة

18/04/2026

� د. ماهر الديب
عيادة أمراض القلب والقسطرة

🕒 مواعيد العيادات:

🏥 عيادة دمنهور
يوميًا من 6 مساءً إلى 9 مساءً

🏥 عيادة الإسكندرية – مركز الحياة للقلب
يوميًا من 12 ظهرًا إلى 3 عصرًا

📞 للحجز والاستعلام:
(+20 3 420 0033)

🏥 عيادة مستشفى البترول
الاثنين والثلاثاء
من 9 صباحًا إلى 12 ظهرًا

📞 للحجز والاستعلام:
(01117412565)

12/04/2026

لما إحساس المريض يكون صادق 👌👌… والعلم يكمّل الطريق 🙏

جالي مريض بيشتكي من آلام في الصدر 🫁
كان باين عليه القلق 😭… بس في نفس الوقت كان عنده يقين غريب 👌

وقال بثقة:
“أنا حاسس إن عندي مشكلة في الشرايين… اعملي رسم قلب بالمجهود، ولو فيه حاجة ندخل قسطرة”

👈 اللحظة دي بتفرق…
بين اني اسمع بس… أو اني أفهم إحساس المريض

بدأت بهدوء بالتقييم الإكلينيكي ثم ايكو علي القلب و كان سليم تماما
وبعدها رسم القلب بالمجهود
وجت النتيجة تؤكد إحساسه… تغيرات شديدة بتؤكد التشخيص

ساعتها القرار ماكانش مجرد إجراء…
كان خطوة لإنقاذ القلب و تجنب حدوث جلطات مفاجئة 👇

✔️ قسطرة تشخيصية
✔️ ضيق مؤثر في أحد الشرايين التاجية
✔️ تدخل سريع وتركيب دعامة بنجاح

🙏 والحمد لله… الألم اختفى
والاطمئنان رجع… والمريض خرج وهو حاسس إنه اتولد من جديد

⸻

💡 الخلاصة:
مش كل إحساس بيكون صح…
لكن لما يكون صح، لازم نقابله بعلم وخبرة وسرعة قرار

👨‍⚕️ إحنا مش بس بنعالج شرايين…
إحنا بنسمع، بنفهم، وبنختار اللحظة الصح للتدخل

❤️ في القلب… أحيانًا الإحساس بيكون البداية
لكن العلم هو اللي بيكتب النهاية

07/04/2026

🌿 حمية البحر الأبيض المتوسط لصحة القلب ❤️
د. ماهر الديب – أخصائي أمراض القلب والقسطرة

---

🔹 ما هي حمية البحر الأبيض المتوسط؟
هي نظام غذائي صحي يعتمد على الأكل الطبيعي الغني بالخضروات، الفواكه، وزيت الزيتون، ويساعد على الوقاية من أمراض القلب وتحسين الصحة العامة.

---

🥗 ماذا تأكل؟

✅ خضروات وفواكه يوميًا
✅ زيت الزيتون كمصدر أساسي للدهون
✅ أسماك مرتين أسبوعيًا على الأقل
✅ بقوليات (فول – عدس – حمص)
✅ حبوب كاملة (عيش بلدي – شوفان – أرز بني)
✅ مكسرات بكميات معتدلة

---

🚫 ماذا تقلل؟

❌ اللحوم الحمراء
❌ المقليات
❌ السكريات والحلويات
❌ الأطعمة المصنعة

---

❤️ فوائد النظام:

✔ تقليل خطر الجلطات وأمراض الشرايين
✔ تحسين الكوليسترول
✔ المساعدة في ضبط الوزن
✔ مناسب لمرضى الضغط والسكر

---

🍽️ مثال ليوم صحي:

🔸 فطار: جبنة قريش + زيت زيتون + عيش أسمر + خضار
🔸 غداء: سمك مشوي + سلطة + أرز بني
🔸 عشاء: زبادي + فاكهة + مكسرات

---

🚶‍♂️ نصيحة مهمة:
المشي 30 دقيقة يوميًا يعزز صحة القلب مع هذا النظام.

---

📍 **ابدأ اليوم… قلبك يستحق