عيادات د محمد بدر لجراحات ومناظير المسالك البوليةوالعقم والضعف الجنسي

01/06/2026

ورشه عمل تركيب دعامات القضيب في حضور بروفيسور جابريل انطونيني في مجموعة مراكز وضيافه الاخ الاكبر د اسامة غطاس بمجمع مستشفيات شفاء - التجمع الخامس ♥️❤️🧡

26/05/2026

يتقدم د محمد وفريق الصفحة بأرق الامنيات لكل رواد الصفحة الكرام ومرضانا بمناسبه عيد الاضحي المبارك اعادة الله علينا وعلي مصرنا الحبيبه باليمن والخير والبركات

25/05/2026

24/05/2026

نتشرف بالانضمام الي هذه الكوكبه العظيمة من ألمع اطباء البحيرة في كافه التخصصات يا رب انفعنا بما علمتنا وارزقنا نفسا طيبه تحب الخير للجميع

24/05/2026

🚨🚨مواعيد اسبوع العيد عيادة دمنهور 🚨🚨
كل عام و انتم بخير
⭐️⭐️⭐️⭐️⭐️
العيادة تستقبل حضراتكم
السبت و الاحد و الاثنين 2-5 مساء
و العيادة #أجازة من الثلاثاء إلى السبت
و نستقبل حضراتكم ابتداء من
❤️❤️❤️❤️
🚨عيادة الاسكندرية ومستشفياتها ومجموعة مراكز دار الذكورة استئناف العمل من الاربعاء ٣ يونيو

13/05/2026

"عم حمادة" (٧٠ سنة)، مريض محارب بيتعالج من سرطان البروستاتا المتقدم. بياخد حقنة هرمونية كل ٣ شهور (عشان توقف إنتاج التستوستيرون)، لكن مؤخراً دكتور الأورام كتبله دواء غالي جداً اسمه Xtandi (اكتساندي).
عم حمادة دخل الصيدلية بيسأل بحيرة: "يا دكتور، أنا باخد الحقنة اللي بتنشف الهرمون اللي بيغذي الورم.. ليه الدكتور كاتبلي الدواء ده معاه؟ هو الورم رجع ينشط تاني؟"
ـــــــــــــــــــــــــــــــــــــــــــــــ
صرف أدوية الأورام الحديثة في صيدلياتنا بيحتاج صيدلي فاهم كويس جداً، عشان يقدر يطمن المريض ويشرح له خطة العلاج.
ـــــــــــــــــــــــــــــــــــــــــــــــ
إيه هو الـ Xtandi ؟ وليه بنعتبره "القفل الثلاثي" اللي بيخنق الخلايا السرطانية؟
ـــــــــــــــــــــــــــــــــــــــــــــــ
عشان نجاوب عم حمادة، لازم نفهم إن سرطان البروستاتا عامل زي "الوحش" اللي بيتغذى على هرمون الذكورة (Androgens). الحقن الهرمونية العادية بتقفل "المصنع الرئيسي" (الخصيتين)، لكن الوحش ذكي! بيبدأ يصنع هرمونات لنفسه، أو يخلي المستقبلات بتاعته حساسة جداً لأي نسبة هرمون ضئيلة ماشية في الدم.
ـــــــــــــــــــــــــــــــــــــــــــــــ
وهنا بيظهر دور الـ Xtandi.. الدواء ده مش بيوقف الإنتاج، ده بيروح على "المستقبلات نفسها ويضربها بـ ٣ ضربات متتالية
١. بيقفل الباب من بره، وبيمنع أي هرمون إنه يشبك في المستقبل.
٢. حتى لو المستقبل حاول يدخل جوه النواة بتاعة الخلية السرطانية، الـ Xtandi بيكتفه ويمنعه.
٣. بيمنع المستقبل من إنه يشبك في الـ DNA بتاع الخلية، وبالتالي الخلية بتفقد قدرتها على الانقسام وبتموت
الـ Enzalutamide دواء جبار، لكنه بيحتاج وعي عالي جداً من الصيدلي، خصوصاً في التعامل مع مريض مسن زي عم خليل.
ـــــــــــــــــــــــــــــــــــــــــــــــ
قواعد للتعامل مع الـ Xtandi:

من أخطر (وإن كانت نادرة) الأعراض الجانبية للـ Xtandi إنه بيقلل "عتبة التشنجات" في المخ. القاعدة هنا: لازم الصيدلي يراجع باقي أدوية المريض. لو بياخد حاجة تانية بتقلل العتبة دي (زي الـ Tramadol كمسكن للألم)، دي بتبقى (Red Flag) وممكن تدخله في نوبة تشنج خطيرة.
التفاعلات الدوائية
الـ Xtandi بيشغل إنزيمات الكبد بأقصى طاقة، فبيكسر أي أدوية تانية المريض بياخدها بسرعة جداً. لو المريض بياخد (Warfarin) للسيولة، أو أدوية للكوليسترول (Statins)، أو حتى أدوية للضغط (Amlodipine)، مفعولهم هيتبخر! لازم نراجع التفاعلات الدوائيةونبلغ الطبيب لتعديل الجرعات.

الدواء ده بيعمل إرهاق شديد ودوخة. ولأن المريض أصلاً بيكون عرضة لهشاشة العظام بسبب العلاج الهرموني، لازم ننصحه بحاجتين:
١. يغير وضعيته ببطء (من النوم للجلوس للوقوف).
٢. الالتزام بمكملات الكالسيوم وفيتامين د، أو حقن العظام اللي بيكتبها الطبيب.

الجرعة المعتادة هي ١٦٠ مجم (٤ كبسولات ٤٠ مجم) بتتاخد مرة واحدة في اليوم. الميزة العظيمة هنا إنها بتتاخد مع أو بدون أكل، وده بيسهل جداً التزام المريض

عيادات د محمد بدر للمسالك البوليه والعقم والضعف الجنسي #معنا #تحوطك #عنايه #من #القلب❤
دمنهور شارع احمد عرابي - برج الاطباء الدور الثالث
الحجز يوميا / ارضي ٠٤٥٣٣٣٣٦٦٢
طواريء 010 06241332

11/05/2026

·
"الحاج حمادة" (٦٥ سنة)، بيحارب سرطان البروستاتا بشجاعة، والدكتور كتبله دواء حديث وقوي جداً اسمه Zytiga (زيتيجا). الحاج حمادة أخد الروشتة ونزل يصرفها، بس استغرب جداً لما لقى الدكتور كاتبله مع الزيتيجا شريط "كورتيزون" (Prednisone 5mg)!
بص للصيدلي وقال بحيرة: "يا دكتور، أنا باخد علاج يوقف نشاط الورم، إيه اللي جاب الكورتيزون هنا؟ ده دكتور جاري قالي الكورتيزون بيضعف المناعة وبيحبس المية، وأنا مش ناقص!"
ـــــــــــــــــــــــــــــــــــــــــــــــ
مابينفعش يكون مجرد "مناولة" للعلبة. الدواء ده عبقري، لكنه بيعمل انقلاب في هرمونات الجسم، ولو الطبيب والصيدلي مش فاهمين الـ (Pathway) كويس، المريض ممكن يوقف الدواء المساعد (الكورتيزون) ويدخل في كارثة.
ـــــــــــــــــــــــــــــــــــــــــــــــ
إيه هو الـ Zytiga؟ وليه بنعتبره "القاطع الشامل" لخطوط إمداد الورم؟ وإيه حكاية الكورتيزون؟
ـــــــــــــــــــــــــــــــــــــــــــــــ
سرطان البروستاتا بيتغذى على التستوستيرون. الحقن العادية بتقفل إنتاج الخصية بس. لكن الغدة الكظرية (Adrenal) والورم نفسه بيقدروا يصنعوا الهرمون ده. هنا بيجي دور الـ Zytiga.. الدواء ده بيعمل بلوك لإنزيم محوري اسمه (CYP17). لما الإنزيم ده بيتقفل، تصنيع التستوستيرون بيقف تماماً من الـ ٣ مصادر (الخصية، الغدة الكظرية، الورم).
لكن.. قفل الإنزيم ده بيعمل "عطل فني" في الغدة الكظرية!
ـــــــــــــــــــــــــــــــــــــــــــــــ

قواعد للتعامل مع الـ Zytiga:
الكورتيزون (The Prednisone Shield):
لما بنقفل إنزيم CYP17، الجسم بيبطل يفرز "كورتيزول"، كرد فعل، المخ بيبعت إشارات تزود إفراز هرمونات تانية (Mineralocorticoids). الهرمونات دي بتعمل ارتفاع جنوني في الضغط، احتباس للسوائل، ونقص حاد في البوتاسيوم!
الـ Prednisone هنا مش بيتعطى كمسكن أو مضاد للالتهاب.. ده بيتعطى كـ "بديل تعويضي" (Physiological Replacement) عشان يدي إشارة للمخ يوقف إفراز الهرمونات الضارة دي. القاعدة: إيقاف الكورتيزون مع الزيتيجا هو خطأ طبي قاتل.
الأكل (The Massive Food Effect):
أخطر معلومة لازم تقولها للحاج حمادة
: "الزيتيجا يتاخد على معدة فاضية تماماً.. يعني قبل الأكل بساعة، أو بعد الأكل بساعتين". ليه؟ لأن الدواء ده لو اتاخد مع وجبة (خصوصاً لو دسمة)، امتصاصه بيزيد لـ ١٠ أضعاف (Up to 10-fold increase in AUC)! الزيادة دي بتدخل المريض في سمية (Severe Toxicity) وتدمر الكبد.
الكبد (Hepatic Monitoring):
الزيتيجا قاسي جداً على الكبد (Hepatotoxic). الصيدلي الشاطر بيفكر المريض دايماً بضرورة عمل تحليل إنزيمات كبد (ALT, AST, Bilirubin) قبل بداية العلاج، وكل أسبوعين في أول ٣ شهور، وبعد كده كل شهر.
البوتاسيوم (Hypokalemia):
بسبب التغيرات الهرمونية، البوتاسيوم ممكن يقع فجأة. لو الحاج حمادة اشتكى من "ضعف مفاجئ في عضلاته، أو رفرفة في القلب"، لازم نطلب تحليل بوتاسيوم فوراً ونراجع الطبيب.
copeid
عيادات د محمد بدر للمسالك البوليه والعقم والضعف الجنسي #معنا #تحوطك #عنايه #من #القلب❤
دمنهور شارع احمد عرابي - برج الاطباء الدور الثالث
الحجز يوميا / ارضي ٠٤٥٣٣٣٣٦٦٢
طواريء 01006241332

10/05/2026

"عم حمادة" (65 سنة)، مريض سرطان بروستاتا متقدم (Advanced Prostate Cancer) مع انتشار للمرض في العظام. طبيب الأورام كتبله روشتة دقيقة فيها حقنة Zoladex 10.8 mg (كل 3 شهور)، ومعاها أقراص زي الـ Casodex.
عم حمادة دخل الصيدلية، سأل على الحساب لقى الحقنة تكلفتها عالية جداً، فقال للصيدلي: "يا ابني أنا هاخد الحقنة بس دلوقتي عشان هي الأساس وفيها الشفا، البرشام ده ملوش لازمة هبقى أجيبه بعدين.. اديني الحقنة يلا".
وهنا الصيدلي وقف، ورفض تماماً يعطي عم حمادة الحقنة!
عم حمادة اتعصب: "إنت هتمنع عني دواء الدكتور كاتبه؟ أنا بفلوسي!".
الصيدلي بهدوء شرح لعم حمادة إن لو أخد الحقنة دي دلوقتي من غير ما يمشي على الأقراص الأول، وجع العضم هيزيد عليه لدرجة تمنعه من النوم، وممكن يحصله احتباس بول، والسرطان هينشط ويهيج بدل ما يهدى!
إزاي حقنة بتعالج السرطان ممكن تعمل "تنشيط مفاجئ" للمرض لو المريض أخدها لوحدها؟ وإيه اللي خلّى الصيدلي يوقف صرف الروشتة حماية للمريض؟
ـــــــــــــــــــــــــــــــــــــــــــــــ
عشان نفهم لغز الـ Zoladex (Goserelin)، لازم ندخل جوه الغدة النخامية، ونشوف "الخدعة الفسيولوجية" اللي الدواء ده بيعملها:

سرطان البروستاتا بيتغذى بـ "الشراهة" على هرمون الذكورة (التستوستيرون). المنطقي إننا ندي دواء يوقف الهرمون ده. لكن العجيب إن الـ Zoladex بيُصنف كـ "مُحفز" مش "مُثبط"!
لما الدواء بيدخل الجسم، بيروح للغدة النخامية ويحفزها بقوة لدرجة إنها بتطلع كميات ضخمة من هرمونات (LH & FSH).

بسبب التحفيز المفاجئ ده، الخصية بتنتج كميات هائلة من الـ (Testosterone) في أول أسبوعين من الحقنة! الهرمون ده بيروح يغذي خلايا السرطان بقوة، فالورم "ينتفش" ويزيد؛ وده اللي كان هيعمل لعم حمادة ألم العظام المرعب واحتباس البول، وممكن يوصل لشلل لو الورم ضغط على الحبل الشوكي

طيب ليه بنديه؟ الدواء ده بيعتمد على سياسة "الإرهاق". بعد أسبوعين من التحفيز المتواصل والمفرط، مستقبلات الغدة النخامية بتُصاب بالعمى والإرهاق التام، وتقفل تماماً. النتيجة؟ هرمون الذكورة بيقع للصفر وساعتها خلايا السرطان بتموت من الجوع.
ـــــــــــــــــــــــــــــــــــــــــــــــ
صرف الـ Zoladex مش مجرد "بيع علبة دواء"، ده تدخل حاسم لتأمين رحلة علاج المريض.
قواعد للتعامل مع الـ Zoladex:

مستحيل مريض سرطان بروستاتا ياخد الـ Zoladex لأول مرة من غير ما يبدأ في أقراص "مضاد الأندروجين" (زي الـ Bicalutamide / Casodex). الأقراص دي لازم تتاخد قبل الحقنة بـ 3 أيام على الأقل، وتستمر لمدة أسبوعين لـ 4 أسابيع، عشان "تقفل" مستقبلات السرطان وتحميه من هجمة التستوستيرون الأولية اللي الحقنة بتعملها.

لازم توعي المريض والممرض: الـ Zoladex مش سائل بيتحل! ده عبارة عن كبسولة صلبة صغيرة جداً متعبية جاهزة جوه السرنجة. وعشان الكبسولة دي تعدي، الإبرة بتاعتها "تخينة جداً" . بتتحقن تحت جلد البطن بزاوية 30 لـ 45 درجة.

أكبر غلطة ممكن حد يعملها إنه يحاول "يطلع الهوا" من السرنجة قبل الحقن! لو ضغطت على المكبس بره الجسم، الكبسولة الصلبة هتقع على الأرض، وبكده الحقنة اللي بآلاف الجنيهات باظت. السرنجة بتدخل زي ما هي من غير أي ضغط مسبق.
copeid

عيادات د محمد بدر للمسالك البوليه والعقم والضعف الجنسي #معنا #تحوطك #عنايه #من #القلب❤
دمنهور شارع احمد عرابي - برج الاطباء الدور الثالث
الحجز يوميا / ارضي ٠٤٥٣٣٣٣٦٦٢
طواريء 01006241332

04/05/2026

🔥 الفرق بين تضخم البروستاتا وسرطان البروستاتا

كثير من الرجال يقلقون عندما يسمعون عن مشاكل البروستاتا 😟
لكن من المهم معرفة أن تضخم البروستاتا ليس هو سرطان البروستاتا، فهما حالتان مختلفتان تمامًا.

خلينا نفهم الفرق بطريقة بسيطة 👇

🧬 أولًا: تضخم البروستاتا الحميد

التضخم الحميد للبروستاتا هو زيادة في حجم الغدة مع التقدم في العمر 👴

🔹 يحدث غالبًا بعد سن 50
🔹 ليس سرطانًا
🔹 لا ينتشر إلى أجزاء أخرى من الجسم

الأعراض 🚻

💧 صعوبة في بدء التبول
🚽 ضعف تدفق البول
🌙 كثرة التبول خصوصًا ليلًا
⏳ الشعور بعدم تفريغ المثانة بالكامل

⚠️ ثانيًا: سرطان البروستاتا

هو نمو غير طبيعي لخلايا البروستاتا وقد يكون خطيرًا إذا لم يتم اكتشافه مبكرًا.

🔹 قد ينتشر إلى العظام أو العقد الليمفاوية
🔹 غالبًا يظهر بعد سن 60

الأعراض 🩺

🚻 صعوبة التبول
🩸 وجود دم في البول أو السائل المنوي
🦴 ألم في العظام (في الحالات المتقدمة)
⚖️ فقدان الوزن غير المبرر

📊 الفرق بين الحالتين
العنصر تضخم البروستاتا سرطان البروستاتا
طبيعة المرض حميد خبيث
انتشار المرض لا ينتشر قد ينتشر لأعضاء أخرى
العمر الشائع بعد 50 سنة بعد 60 سنة
الخطورة أقل خطورة قد يكون خطير إذا لم يُعالج
🔍 التشخيص

🩸 تحليل PSA
👨‍⚕️ الفحص الشرجي للبروستاتا
📡 الأشعة بالموجات فوق الصوتية
🔬 أخذ عينة (خزعة) عند الاشتباه بالسرطان

🛡️ نصائح للحفاظ على صحة البروستاتا

🥗 التغذية الصحية
🏃‍♂️ ممارسة الرياضة
⚖️ الحفاظ على وزن صحي
🩺 الفحص الدوري بعد سن 50
عيادات د محمد بدر للمسالك البوليه والعقم والضعف الجنسي #معنا #تحوطك #عنايه #من #القلب❤
دمنهور شارع احمد عرابي - برج الاطباء الدور الثالث
الحجز يوميا / ارضي ٠٤٥٣٣٣٣٦٦٢
طواريء 01006241332

19/04/2026

حضور تدريب نظري علي تحديات زراعه دعامات القضيب 🧡♥️❤️