13/06/2026
🫢🫣
-هو سخن بقاله يومين يا دكتور نزلت ال..
=متقوليش نزلتي الصيدلية..
-ايوة والدكتور الصيدلي كـ..
=متقوليش.. كشف عليه بالسماعة وحط الخشبة في بوقه وقالك زوره ملتهب..
-ايوة و عطاني المضاد الحيوي اللي اسمه..
=متقوليش .. اموكلاوين ٢٢٨ جرعة ضعيفة بس مش مشكلة المهم نزق الصنف الي راكن على الرف عشان دكاترة الاطفال معدتش بتكتبه خالص..
-اديته المضاد يا دكتور بس برضو متحسنش ورجعت الصيدلية تاني والدكتور اداني..
=متقوليش .. اداكي كونجستال شراب اللي مينفعش قبل ست سنين.. عاوزة تقولي حاجة تانية يا ماما
-اقول ايه بقا يا دكتور منتا قولت كل حاجة اهو ..
=ماشي يا ماما الولد عنده هيربس اصلا ومينفعلوش المضاد الحيوي 💕 بس ربنا يخلي لنا دكتور الصيدلية الطيب الحنون العطوف اللي بيكشف بالسماعة والخافض وببلاش + (أدوية مش مناسبة بمبلغ اكبر بكتير من كشف الطبيب اللي كان هيساعده)
