فرع دمياط- Healthy Hair

16/05/2026

مش كل قشرة معناها إنك محتاجة تغيّري الشامبو
أوقات المشكلة بتكون في تراكم الدهون + انسداد فروة الرأس + التهابات بسيطة بتزيد مع الوقت

عشان كده جلسة الـ Detox لفروة الرأس بتساعد على:
🟣 تنظيف عميق للفروة
🟣 تقليل القشرة والحكة
🟣 تهدئة الفروة وتنشيطها
🟣تحسين صحة الشعر من الجذور
والأهم؟
الجلسة آمنة حتى للأطفال 🤍
لو القشرة مسببالك إزعاج ليكي أو لبنوتك …
ابعتيلنا واحجزي جلسة الـ Detox المناسبة ليكم دلوقتي📩

13/05/2026

مرة زارتنا عميلة مع مامتها…
أول تعليق قالته مامتها:
“و النبي يا دكتورة شوفيلنا حل في شعرها… أصل ما ينفعش تتجوز كده!”

وقفت لحظة مستغربة الكلام و معناه
استغربت إن قيمة البنت عند ناس كتير لسه مربوطة بشكلها.

لو كانت قالت:
“نفسي تفرح بشعرها”
أو “تبقى واثقة في نفسها أكتر”
كان الكلام هيفرق جدًا.

بس ليه شعر كيرلي… أو أفريقي… أو “أكرت” — الكلمة اللي بالمناسبة بتوجع بنات كتير — يبقى حاجة تقلل من بنت؟
هو لو ما فردتش شعرها… الجوازة هتبقى ناقصة؟
ولا الحب الحقيقي له مواصفات شعر معينة؟

الحقيقة إن الناس غالبًا بتشوفنا بالطريقة اللي إحنا شايفين بيها نفسنا.
لما تبقي متصالحة مع شكلك…
فاهمة عيوبك قبل مميزاتك…
وعارفة إن الاختلاف مش عيب،
ساعتها محدش يقدر يستخدمه ضدك.

في فرق كبير بين إننا نجمّل شكلنا…
وبين إننا نخفي حقيقتنا،
وننكر جزء من هويتنا لمجرد إنه مخالف لمعايير الجمال عند بعض الناس.
تحبوا تسمعوا يومياتي في السنتر 😅💇🏻‍♀️

12/05/2026

من شعر مجهد وهايش … لشعر ناعم ، صحي ولمعته تحكي الفرق✨
مش بس فرد … دي ثقه رجعت لشعرك من أول مره
الـ before والـ after لوحدهم كفاية يحكوا التحول اللي حصل💕
احجزي جلستك دلوقتي واستفيدي بالتشخيص المجاني❗

09/05/2026

لو كل تسريحة لبنتك بقت صعبه ومتعبه وشعرها دايماً هايش ، متشابك ، وصعب يتمشط…
جلسة فك التشابك للأطفال معمولـة مخصوص عشان تريحك وتريحها 🩷
لو بنتك شعرها كثيف، هايش، وبيتعبك كل يوم…
ابعتيلنا واحجزي جلسة فك التشابك دلوقتي.
وخلي تمشيط الشعر يبقى أسهل بكتير 🤍

07/05/2026

❤️❤️

مش كل الناس تعرف إن الوقت اللي بنستمتع بيه في الصيف… ممكن تكون سبب في إجهاد شعرك 🌊
سواء ماية البحر أو الكلور في ال pool ، الاتنين بيجففوا الشعر وبيسحبوا منه الترطيب الطبيعي ، وبيخلّوه هايش وضعيف مع الوقت.
علشان كده وجود سيروم مناسب للشعر مش رفاهيه … ده طبقة حمايه أساسيه
سيروم الأرجان بيساعد إنه “يغلف” الشعرة بطبقة خفيفة تحميها من فقدان الترطيب ، وتقلل تأثير الماية عليها ، وكمان بيساعد في تقليل الهيشان ويحافظ على نعومة ولمعة الشعر حتى بعد البحر
حماية بسيطة قبل الماية… بتفرق في صحة شعرك بعدين اطلبيه دلوقتي وحافظي علي شعرك!💛

05/05/2026

مش مجرد جلسه … دي تجربه معمولة علشانك انتي
شعرك ليه حكايه ، واحنا بنهتم بكل تفصيلة فيها ، كل التفاصيل بتتظبط حسب احتياج شعرك بنسمع ، نفهم، ونشتغل على خطة تناسبك فعلاً.
والأهم؟ اننا بنفضل معاكي خطوة بخطوة لحد ما توصلي للنتيجة اللي بتدوري عليها فعلاً💖
ابدئي رحلتك معانا وشوفي الفرق بنفسك✨

04/05/2026

هاكلمكم بشخصي أنا المرة دي
د. سمية صابر هيكون بوست طويل شوية بس اتمنى تكملوه للآخر
عن إحساسي و مشاعري المحبطة ... إن حد بيشكك في الشغل و في امانتي أنا الشخصية
اتهام واضح و صريح بدون وجه حق بإضافة مادة الأكسجين لفرد الشعر ( مفيش اي مبرر اني اضيف مادة الأكسجين الخاصة بالصبغات بالمناسبة ) و الغرض من كل دا أن العميلة تفاصل و تدفع نص المبلغ المتفق عليه ، او جزء منه
و لما رفضت مش عشان الفلوس أو الخسارة ، لأ عشان لو كنت وافقت كنت هبقى مدانه فعلا في نظر نفسي و غشاشة زي ما قالت
قالتلي خلاص انا هعمل ريفيو و هاخلي ناس تانية كمان تعمل ريفيو !!!
انا رديت اني موافقة جدا طالما أن الناس هتكتب شهادة حقيقية عن تجربتها معانا
في ناس بقت تستخدم كلمة “ريفيو” كأنها وسيلة ضغط لتقليل الحساب يبقى التهديد جاهز.
بس الحقيقة اللي يمكن ناس كتير ما تعرفهاش 👇
الريفيو مش سلاح…
الريفيو أمانة.
وإحنا في شغلنا بنوضح كل حاجة قبل ما نبدأ:
طبيعة المنتج، النتيجة المتوقعة، وحتى أي إحساس ممكن يحصل أثناء الخدمة.
انا مؤمنة إن الثقة أهم من أي حاجة تانية.
لكن كمان…
من حقي كحد بيقدملكم خدمة احمي سمعتي و اقدر تعبي و مجهود الفريق اللي معايا
وما مقبلش اي اتهامات بدون أساس .
التهديد عمره ما كان طريقة صح للتعامل.
في الآخر…
شغلنا بيتكلم عننا،
وثقة عملائنا هي أكبر دليل ، يا ريت تكتبوا تجربتكم
هكون شاكرة لأي حد اخد من وقته و قال تجربته بمنتهى الأمانة
دائما بقول الخطأ البشري الغير مقصود وارد
لكن سهل يتدارك و يتصلح طول ما الشخص امين و معترف بغلطة
دمتم سالمين
د. سمية

29/04/2026

من شعر هايش ومقصف ومجعد… لشعر ناعم، صحي ولامع
جلسة الـ Nano Repair مع إعادة بناء روابط الشعر مش بس بتحسن الشكل… دي بتعالج الشعرة من جوا
شعر هيلثي ، ناعم ومفرود من أول جلسه
لو شعرك علاج ونعومه بجد… ابدأي دلوقتي💖

21/04/2026

مع الحمل والمرض المناعي، كل جلسة بنحسبها بدقة 🤍

لأن كل حالة ليها ظروفها
واحنا شغلنا يبقى مناسب لجسمك مش العكس

لو بتمري بظروف شبه كده
أو شعرك محتاج عنايه خاصة…
ابعتيلنا رسالة واحنا نقولك ايه الجلسه الأنسب ليكي ✨