16/04/2026
إلتهاب سحائى ايه اللى قلقانين منه؟ 🙄
لو عايزين نقلق بجد, تقلقوا من الروتا 🤦
فيروس الروتا هو اللى منتشر حاليا للاسف😰
ـ بس ده بتاع نزلات معوية يعنى شوية اسهال و يخف😎
لأااا، دور النزلات المعوية فى الرضع خاصة حاجه مهمة جدا جدا
و مش بس بنقلق من اسهال او ترجيع احنا مشكلتنا الجفاااف❌
فيروس الروتا للأسف ممكن يعمل نزله معوية شديدة و اسهال شديد زى الماية و عدد مرات كتير و ترجيع
و بالتالى نسبة حدوث الجفاف كبيرة خاصة لو الام مش بتعوض بمحلول الجفاف او الطفل رافض أو بيرجع
بنستنى على ما يخرج من الجسم لكن لازم نمنع حدوث الجفاف
الدور الأساسي هنا ل محلول معالجة الجفاف ✅
بنعوض بيه كل سوائل تخرج من الجسم سواء اسهال أو ترجيع
بعد كل مرة لازم ياخد كمية معينة
تقريبا ١٠ مل لكل كيلو من وزن الطفل ،بعد كل مرة اسهال
يعنى مش معلقتين و خلاص، ده مش دوا ده تعويض سوائل الجسم
أدى محلول الجفاف لحد ما نكشف و نشوف هل فيه جفاف أو لا أو محتاج حاجه تانى
كمية البول شئ أساسى جدا،👌 لو البول قل ده جفاف
أعراض جفاف تانية زى الطفل ملهوف على الرضاعه أو الماية
تحليق حول العين
* محاليل الجفاف في الصيدليات
محاليل جاهزة: بيديالايت، فلكولايت، أليكسولايت
محلول بيتعمل: اكياس هيدروسيف الكيس بيتحل على ٢٠٠ مل ماية نغليها و تبرد
السفن مش بديل المحلول و ممنوع اصلا❌
مفيش تعويض بعصاير أو اى مشروبات ❌
،لااازم المحلول و يبقى الكمية كلها
خلى بالك من الحجات دي
و إن شاء الله تعدى على خير🌹
د صفوت رافت خليل
اخصائي الاطفال و حديثي الولاده
ممر الخواجه لطفي اعلي عياده د نصحي فهيم
يوميا من ١ ظهرا حتي ٩ مساء
