Dr.Basma Ayed IBCLC د.بسمة إبراهيم عايد استشاري دولي الرضاعة الطبيعية

20/08/2026

ربنا يجازيكي خير
كل أم وقفت علاجها علشان طفلها يرضع
أكتبي وقفتي علاج إيه ؟

20/08/2026

يعني ايه التباس حلمات وليه الطفل بيرفض الثدي رغم انه جعان؟؟

19/08/2026

دا حليب أم أول ٣ ايام بعد الولادة
ايه رأيكم الأم دي ترضع وتدي طفلها الحليب دا ولا ترميه
اللي شايفينه هنا لبن الأم، لكن لونه غريب شوية 🩷
وده بسبب حالة اسمها Rusty Pipe Syndrome – متلازمة الماسورة المصدية 🩸
أيوة، زي ما قريتي كده بالضبط 😄
لو عندنا ماسورة فيها صدأ، ومرّ فيها سائل، السائل ممكن ينزل في البداية بلون الصدأ بدل لونه الطبيعي.
وده تقريبًا اللي بيحصل في الحالة دي 👇
خلف الح**ة فيه قنوات الحليب (Milk ducts)، وأحيانًا القناة دي يحصل لها اتساع (Duct ectasia).
الاتساع ده ممكن يحصل بعد التهاب قديم، أو أحيانًا من غير سبب واضح، ومعاه ممكن تتجمع داخل القناة إفرازات قديمة أو كمية بسيطة من دم قديم.
فلما يبدأ اللبن يعدّي في القناة دي، يختلط بالبقايا الموجودة فيها، فيظهر اللبن بلون: 🟤 بني
🧡 برتقالي/صدئي وأحيانا أخضر
أو أحيانًا لون قريب من لون الدم القديم.
وعشان كده اتسمت Rusty Pipe Syndrome 🚰🩸
والأهم هنا 👇
اللبن نفسه مش فاسد، واللون الغريب مش معناه إن الأم عندها عدوى أو إن اللبن غير صالح للطفل. الطفل يرضع بأمان ولا ليه ريحة غريبة ولا طعم غريب ولا فيه أي ضرر للطفل
وفي أغلب الحالات، الحالة مؤقتة وتختفي تلقائيًا مع استمرار الرضاعة. قد تستمر لعمر الأسبوعين هتلاقي اللون بيتغير تدريجي لدرجة الأبيض
🤱 لا نحتاج لإيقاف الرضاعة أو التخلص من اللبن لمجرد وجود هذا اللون⚠️
تابعينا علشان تعرفي ايه ألوان تانية ممكن نشوفها للحليب وامتى فعلا الأم لازم تقتنع عن الرضاعة
💗 الخلاصة:
مش كل لبن لونه غريب معناه إن فيه مشكلة في اللبن نفسه… أحيانًا اللبن ببساطة مرّ في «الماسورة المصدية» 😄 أنا آسفة بس هو اسمها كدا 🤷‍♀️

18/08/2026

أهلاً بكي يا مامي، ومنورة دايماً! 🤍
يسعدني جداً اهتمامك، وعشان تكوني مستعدة لكل لحظة من أول يوم، كورس الحامل مصمم خصيصاً عشان ياخد بيدك خطوة بخطوة.
​ده محتوى الكورس باختصار:
​أثناء الحمل:
​كيفية التعامل الصحيح مع الثدي تجهيزاً للرضاعة.
​تجهيز شنطة الولادة بكل تفاصيلها المهمة.
​قائمة مشتريات النونو الأساسية (من غير مبالغة أو شراء حاجات ملهاش لازمة).
​توجيهات حول اختيار مسكنات الولادة وتأثيرها.
​بعد الولادة (بداية رحلة الرضاعة):
​معرفة أوضاع الرضاعة الصحيحة.
​تفادي حدوث تشققات ح**ة الثدي وضمان رضاعة بدون أي ألم.
​إزاي تعرفي إن الطفل جعان وإيه هي علامات الشبع الواضحة.
​تفاصيل المتابعة والدعم:
​جلستين مكثفتين قبل الولادة للتحضير الكامل.
​حضور لايف معاكي أول ساعة بعد الولادة لضمان بداية صحيحة للرضاعة الطبيعية.
​متابعة خاصة طوال الأسبوع الأول بعد الولادة عشان تطمني وتكوني في أمان تام ومعاكِ دعم مستمر.
لأن هدفنا راحتك أنتِ وصحة طفلك، وبلاش تجربي في نفسك! ✨
​للحجز وتأكيد مكانك، ابعتي لنا على طول ونحن في خدمتك دائماً 📩

17/08/2026

اقراص تنشيف اللبن هل مفيدة في الفطام ولا لا؟؟

16/08/2026

الامراض المناعيه بعد الولاده زي الروماتويد والفيبرومالجيا والذئبة الحمرا مهم تشوفو الفيديو ده

15/08/2026

13/08/2026

المضحك بقي في موضوع التشققات من كتر ما اعتبرتو الموضوع طبيعي واحده حجزت معايا مره وقالتلي الطفل مش بيرضع سألتها ليه حاسه بكدا قالتلي اصل مش حسه بأي وجع وهما قالو لو محستيش بوجع يبقي مش بيرضع لازم تحسي بوجع 🤭🤭🤭😅

13/08/2026

مامي لأول مرة وخايفة من الرضاعة؟ 🤱🏻
سمعتي كتير إنها مؤلمة وحاسة إنك تايهة ومش عارفة تشتري أدوات إيه تساعدك؟ 🤔
​إيه رأيك إنك ممكن تتعلمي كل حاجة خاصة بالطفل وبرضاعته، وإزاي تتعاملي من أول يوم، بل ومن أول دقيقة كمان؟ مش بس رضاعة! ✨
​مش نفسك يكون معاكي استشاري رضاعة من لحظة الولادة، وكمان معاكي في البيت علشان يوجهك ويووجه اللي حواليكي؟ 🩺💖
​وكمان هتنضمي لمجموعة أمهات داعمين للرضاعة.. بعيد تماماً عن جروبات "الفتي" والمعلومات الغلط! 🚫💬
​كل دا متوفر في كورس الحامل وبسعر رمزي جداً 🏷️
ودا لأن هدفنا الأول: راحتك أنتِ.. وصحة طفلك 👶🏻🤍
لأن هدفنا الأساسي أن كل طفل ياخد أغلى غذاء في الوجود.
​سارعي بالحجز قبل ما تولدي.. وبلاش تجربي في نفسك وفي طفلك! ⏳✨
​للتفاصيل والحجز، ابعتيلنا رسالة 📩