د. خالد ربيع الحلو - Dr.khaled Elhelw

10/08/2026

فطريات الأذن الخارجية

مشهور جدا الاصابة بيها خصوصا في الصيف..
تسبب أكلان شديد بالأذن..
ومع تطور الالتهاب تسبب ألم شديد جدا غير محتمل وتنميل حوالين الأذن..
تزيد بالنكش والهرش جوه الأذن وتزيد لو دخل عليها مية..
وتزيد لو استخدمنا قطرات مضاد حيوي عشوائي بدون كشف..

علاجها إزالة الكتلة الفطرية دي أولا..
ثم مضادات الفطريات الموضعية لمدة قد لا تقل عن شهر مع المتابعة المستمرة لعدم تكون فطر جديد..

دمتم بخير..

04/07/2026

حالة منتشرة جدا خصوص في المدرسين-الخطباء وأي مهنة تستخدم الصوت كتير..
وكمان تظهر في الستات أكتر من الرجال بسبب الصوت العالي والزعيق المستمر للعيال ومذاكرتهم والخلفة واللي بيخلفوها 😃

نتوءات أو حبيبات الأحبال الصوتية..

04/07/2026

أرحب بالتعاقد مع الجمعيات الخيرية بالسنطة وقراها لخدمة الحالات المحتاجة
وخالص التحية للجمعية الخيرية بشبرابيل والحاج داوود جزاهم الله خيرا

بكل مشاعر التقدير والامتنان،
تتقدم **الجمعية الخيرية بشبرابيل** بخالص الشكر والتقدير للدكتور المتميز:
**د. خالد ربيع الحلو**
استشاري جراحة مناظير الأنف والأذن والحنجرة 🩺
وذلك تقديراً لجهوده الطبية المخلصة، وإسهاماته الإنسانية النبيلة، وتطوعه في إجراء الكشف الطبي للحالات الأكثر احتياجاً بالجمعية.
دكتور خالد، نموذج يُحتذى به في العطاء وخدمة المجتمع. ندعو الله أن يجعل هذا العمل في ميزان حسناته، وأن يبارك في علمه وعمله ليبقى دائماً منارة للخير وملاذاً للمرضى.
جزاكم الله خيراً، ودمتم سنداً لأهاليكم ومجتمعكم. 🌹
#مجتمعنا

08/06/2026

ذبابة بتمثل انها ميتة أثناء استخراجها من قناة الأذن لمريض..

30/05/2026

مواعيد العيادة في فصل الصيف

عيادة شبراقاص من ٢-٤ ظهرا ت ٠١٠٢٢١٢٣٢٨٥
عيادة السنطة من ٤،٣٠ حتي ٧،٣٠ عصرا ت ٠١٠٢٢١٢٣٢١٥
عيادة الجعفرية بعد العشاء ت ٠١٠٠٨٧٢٠٢٢٧

كل العيادات يوميا عدا الجمعة

دمتم بخير
❤️❤️

27/05/2026

22/05/2026

استخراج حشوة أسنان لمريضة من داخل الجيب الأنفي الوجني الأيمن، سقطت أثناء إجراء زراعة للضرس العلوي..

30/04/2026

صورة من داخل العيادة بمنظار الأذن الضوئي

الجزء المنفوخ ده من طبلة الأذن ده الشكل اللي بنشوفه في المرحلة التانية من إلتهاب الأذن الوسطي.. اللي هو عبارة عن ٤ مراحل..

المرحلة الاولي تغير ضغط الأذن الوسطي وفيها المريض بيحس بكتمة أو طنين أو وش.. لكن بدون ألم.. دي اللي بنسميها مجازا (مية أو ارتشاح خلف الطبلة)

المرحلة التانية اللي في الصورة ظهور انتفاخ (bulging) في طبلة الاذن نتيجة ضغط صديد الاذن الوسطي علي الطبلة.. ودي علامتها المميزة الألم المفاجيء الشديد جدا اللي يصحيك من أحلي نومة (عادة بيظهر بالليل عند الاطفال)

المرحلة التالتة هي حدوث ثقب بالطبلة وعلاماتها اختفاء الألم وظهور صديد خارج من قناة الاذن بكثرة..

المرحلة الاخيرة قد تكون بداية إلتئام الثقب والشفاء أو اتساعه وتحوله لثقب مزمن..

بداية العلاج في اي مرحلة يساهم في عدم الانتقال للمرحلة اللي بعدها..

19/03/2026