22/05/2026
…من الحاجات الغريبة فعلًا
إنك لما تتكلم عن العلاج النفسي أو الإدمان أو العلاقات المؤذية،
بعض الناس تعتبرك “بتهاجم الأشخاص”،
مع إنك أصلًا بتحاول تحميهم وتحمي غيرهم من ألم أكبر.🤔
لما نقول:
“بلاش نجوّز شخص مدمن ونقول الجواز هيصلحه”
ده مش ضد المدمن.
ولما نقول:
“بلاش نخلف طفل علشان يصلّح علاقة متعبة”
ده مش ضد الأطفال ولا ضد الجواز.
دي مجرد محاولة نقول:
في مشاكل محتاجة علاج حقيقي…
مش تحميل إنسان تاني فوق طاقته.😕
الغريب بقى
إن بعض الناس زعلت من فكرة العلاج أكتر من المشكلة نفسها.
😱
مع إن الرحمة الحقيقية بالمريض
إننا نشجعه يتعالج،
مش نزقه في جواز أو مسؤولية أكبر
وهو أصلًا محتاج مساعدة.
والرحمة الحقيقية بالطرف الآخر
إنه مايتحولش لدور المُنقذ طول الوقت.
والرحمة الحقيقية بالأطفال
إنهم مايجوش للدنيا
علشان يحملوا مشاكل الكبار.
أنا لا ضد المدمنين،
ولا ضد أي إنسان بيتألم.
بالعكس… أي شخص يستاهل انه ياخد خطوات حقيقية للعلاج و لحياة صحية
و اي شخص مهما كان تجربته يستاهل الحب و يستاهل الدعم 💚
لكن الحب يساند العلاج…
ماينفعش يبقى بديل عنه.😉
“أَتُرِيدُ أَنْ تَبْرَأَ؟”
الكتاب المقدس
“إِنَّ اللَّهَ لَا يُغَيِّرُ مَا بِقَوْمٍ حَتَّىٰ يُغَيِّرُوا مَا بِأَنفُسِهِمْ "
القرآن الكريم
