Peti Pet Clinic عيادة پيتي للحيوانات الأليفة

14/06/2026

🐱 كتير من أصحاب القطط بيفتكروا إن كل أنواع الليتر واحدة... بس الحقيقة فيه فرق كبير!

🌸 فيه أنواع بتكون معطرة بس، يعني بتغطي الريحة لفترة بالعطر.

✅ وفيه أنواع بتمتص الريحة من مصدرها وبتقلل انتشارها في البيت، وده بيخلي الليتر بوكس يفضل أنضف وريحته أحسن لفترة أطول..

عشان كده لو الريحة مشكلة عندك، اختار ليتر بيمتص الروائح مش بس بيغطيها.

📩 لو محتاج تعرف أنسب نوع لقطتك ابعتلنا وهنساعدك.♥️🐾

العنوان فاقوس المنشيه الجديده قدام مدرسه الصنايع ولاد البوابه الرئيسيه

09/06/2026

07/06/2026

السلام عليكم ورحمة الله وبركاته ❤️

النهارده هنتكلم عن موضوع مهم جدًا، ويمكن أهميته لا تقل عن أي موضوع بنتكلم عنه في العيادة.

تكون قاعد في أمان الله في العيادة، ييجي حد داخل ويقولك:
"أنا عاوز أعالج الفطريات اللي عند القط ده."

ساعتها أول سؤال بييجي في دماغي:
"وحضرتك عرفت منين إنها فطريات؟"

المهم تبص على الحالة تلاقي جروح، تساقط شعر، واحمرار في الجلد.

ساعتها الرد بيكون:
"حضرتك دي مش فطريات، دي غالبًا حساسية من البراغيث، والجروح دي نتيجة الهرش المتكرر."

عشان كده لازم نعرف إن مش كل تساقط شعر يبقى فطريات، ومش كل هرش يبقى فطريات.
الحشرات والطفيليات الخارجية تقدر تعمل نفس الأعراض تقريبًا.

🔹 إيه اللي يخلينا نشك في الحشرات؟
✔️ هرش مستمر وعنيف.
✔️ جروح وخدوش بسبب الحكة.
✔️ تساقط شعر غير منتظم.
✔️ احمرار وتهيج بالجلد.
✔️ المشكلة غالبًا بتكون أوضح عند الرقبة، الظهر، وقاعدة الذيل.

🔹 طب إيه اللي يخلينا نشك في الفطريات؟
✔️ بقع دائرية واضحة.
✔️ قشور على الجلد.
✔️ شعر مكسور أو واقع في منطقة محددة.
✔️ أحيانًا الحكة بتكون قليلة أو غير موجودة.

وعشان كده بنشوف قطط كتير متعالجة على إنها فطريات وهي أصلًا حساسية براغيث، والعكس صحيح.

وفي الحالتين النتيجة واحدة:
❌ وقت ضايع.
❌ فلوس اتصرفت على أدوية ملهاش لازمة.
❌ والحالة بتسوء أكتر.

تخيل إن القطة عندها براغيث بتتغذى عليها وبتسبب لها معاناة مستمرة، وإحنا بنعالجها على إنها فطريات بسبب تشخيص غير دقيق!

عشان كده لازم نتأكد من التشخيص قبل ما نبدأ أي خطة علاج، لأن التشخيص الصحيح هو أول خطوة للوصول للشفاء بإذن الله. 🐾❤️

📍 عنوان العيادة:
فاقوس – المنشية الجديدة – أمام مدرسة الصنايع بنين – بجوار البوابة الرئيسية

04/06/2026

وصلتلنا قطة في حالة إعياء شديد، وبعد الكشف والفحوصات اتضح إنها بتعاني من صديد في الرحم، وهي من أخطر الحالات اللي ممكن تصيب الإناث وبتحتاج تدخل سريع لإنقاذ حياتها.

تم إجراء عملية استئصال الرحم بنجاح داخل العيادة، والحمد لله العملية عدت على خير والحالة بدأت تستعيد نشاطها تدريجيًا. 🐱❤️

صديد الرحم من الحالات الخطيرة اللي ممكن تتطور بسرعة وتسبب مضاعفات كبيرة لو متلحقتش بدري، عشان كده أي فقدان للشهية، خمول، قيء أو تغير غير طبيعي في الحالة العامة لازم يكون سبب كافي للكشف

الحمد لله على سلامتها، ونتمنى لها شفاءً سريعًا وعودة كاملة لنشاطها المعتاد. 💙🐾

27/05/2026

🐑✨ فرحة العيد أحلى مع أصحابنا الصغيرين 🐾❤️
كل سنة وأنتم بخير بمناسبة عيد الأضحى المبارك 🌙
أسرة عيادة بيتي بت كلينك تتمنى لكم عيد سعيد مليان فرحة وراحة ولمة حلوة 🫶
ومتنسوش تهتموا بأكل حيواناتكم الأليفة في العيد 🐶🐱
🚫 بلاش عظام أو دهون كتير
✅ ومياه وأكل مناسب طول اليوم
دايمًا معاكم نهتم بصحتهم… لأنهم مش مجرد حيوانات، دول عيلة

23/05/2026

مش أي فيتامينات… دي جرعة صحة وطاقة لحيوانك الأليف 🐾❤️
لو القط او الكلب بياكل بشكل قليل وعاوز حاجه تفتح الشهيه:
🐶 AMINO pro Plus
يساعد على دعم العضلات، فتح الشهية، وتحسين النشاط والحيوية.
🐱 HOLY Vit
تركيبة متوازنة من الفيتامينات لدعم المناعة وصحة الجلد والشعر والعظام.
سواء كلب أو قطتك محتاج دعم غذائي يومي… عندنا الحل 💪✨

🐾العنوان فاقوس المنشيه الجديده قدام مدرسه الصنايع ولاد البوابه الرئيسيه

19/05/2026

التطعيم الخامسي يعتبر من أهم التطعيمات الأساسية اللي لازم أي كلب ياخدها، لأنه بيحميه من مجموعة أمراض فيروسية وبكتيرية خطيرة ممكن تكون مهددة للحياة.
💉 بيحمي من:
بارفو (Parvovirus)
ديستمبر (Distemper)
التهاب الكبد الفيروسي (Adenovirus)
بارا إنفلونزا (Parainfluenza)
ليبتوسبيرا (Leptospirosis)
لازم نهتم بالمواقيت الثابته للتطعيم ♥️