05/04/2016
رساله هامه لكل واحد ف الثانويه العااامه :
انا عاارف إن كلام الكتير إتقااال لكل واحد فينا عن المذاكره و شد جاامد وبتااع الفتره اللي جايه.. انا عايز أوضح حاجه هنا مذاكره الفتره اللي جايه دي هيه "أهم" فتره من ساعه ما دخلت إبتدااائي.. أهم فتره ف حياتك كلها.. لو ضااعت يبقي كله ضاع إفتكر كل اللحظات اللي كنت فيها ف المدرسه علي مدار حياتك.. العبره مش بإنك نجحت و تفوقت فيها.. او مثلاً انك طلعت العاشر علي المدرسه وانتا ف إبتداائي، لا.. العبره بدلوقتي
صدقوني هاتبااان الصوره الكامله بعدين.. مش هاتحسوها أوي دلوقتي وكل واحد هايبقي لوحده السنا الجايه مش هايفيده غير مجهوده دلوقتي.. (فكر ف نفسك) الناس ملهاش غير المناظر. ومايهمهااش حد.. المهم تفكر بمنظور "أنا" و ماليش دعوه بالتانيين .. أصحابك كل واحد هايخش كليه و كل واحد ف جامعه غير التاانيه.. الحيااه هاتتغير تماماً.. رأساً علي عقب هتتحول السنا الجايه
أكتر حاجه لازم كل واحد فينا يعملها دلوقتي إنه يغير العقليه اللي بيتبعها ف المذاكره السناادي ويبقاا جد مع نفسه اكتر من اي وقت تاني ف حياته، كل دقيقه هاتفرق صدقوني.. كل اللي كان بيسيب حاجات ف المنهج عشاان رخمه لازم دلوقتي يفتحها بروح "انا هابقاا مين؟" الحاجاات اللي واقعه تتلم.. حتي لو كاره المذاكره كره العمي..لازم تسيب لعب العياال ده و تتحول.. تبقي ملتزم أكتر مع نفسك..
المطلوب منك دلوقتي تعض مع نفسك وتشوف انتا عايز ايه؟.. عايز تخش كليه ايه؟ عايز الناس تشوفك ازااي السناا الجايه؟.. عايز الكليه اللي عايز تخشها بجد والا مش هاتفرق كتير معاااك؟ في جمله بفكر نفسي بيها كتير بتوصف حالتنا.. "لكي تنجح، لابد وأن تكون رغبتك في النجاح أكبر من خوفك بالفشل"..
رتب أولوياااتك هتلاقي كل حاجه ف حياتك دلوقتي ملهاش لازمه، كله يتركن لبعدين..المذاكره بس هي المهمه حالياً.. تخيل فرحه أهلك لماا تجيب المجموع اللي انتا بتحلم بيه.. فكر فيهاا فكر ف اللحظه دي كتير و خليها داافع ومحفز ليك كل ماتروح العزيمه دي منك.. خليها هيه اللي تحركك..
انا أعرف ناس كتير كان مستوااها تعبان و كانت مقضيه السناادي و بتذاكر ساعه الدروس بس، بتلعب و تخرج.. لكن شدت ف الآخر و لحقت نفسها و دخلت اللي هيه عايزااه.. سيبك من الناس اللي بتقوللك مش هاتفرق كتير وكل كليات مصر مدهوله وزي بعضها.. لا والله....، حتي لو ماجبتش المجموع اللي انتا عايزه هاتبقي راضي عن نفسك واللي عملته وأكيد ربنا مش هايضيع مجهودك و انشاء الله حتي لو ف كليه تانيه او تالته (المهم تكون انتا عايز تتفوق ف مجالك أهم حاجه)... والعزيمه الروح دي تبقاا عندك..
فاضل 10 إسبوع علي اول امتحاان لينا أجودعااان.. يا ريت نبقي جد ونسيب الضحك والهزاار كله للسنه الجايه بس ماينفعش دلوقتي دا وقت الجد داا.. إنشاللا تعمل قائمه من كتر ما انتا مفحوت ومفشوخ وطالع عين اللي جابوك ف المذاكره.. قائمه بكل اللي انتا عايز تعمله لما تخلص السناادي زي ماناا ما عامل..
لازم تعرف إن اكتر حاجه تحس بطعمها ف الحياااه الحاجه اللي تعبت فيها بجد..ماتسبش نفسك انتا تقدر تذااكر من دلوقتي و لسه فيه وقت فشيخ عال إمتحااانات .. الحياااه هاتمشي، هاتعدي، مش هاتقف علي حد.... حاول تطلع كسباان من السنااادي
معلومه أخيره : انا عايز الناس كلها تستفيد من البوست ده بجد مش عشاان أي حاجه غير اني عايز كل واحد يبقي كويس زي ماهو المفروض يكون.. لأن ناس كتيره اوي عندهاا إمكانيات رهيبه بس للأسف مش متوظفه ف المكاان الصح.. وانا رساالاوي ف الاول و ف الآخر.. ماحبش أبخل ف حاجه فيها مسااعده الغير.. يارب نااس كتير منظورها وتفكيرها تتغير للأمور بعد ماتقرا البوست ده..
+ انشاء الله ربناا معانا ويعينناا جمعياً الفتره اللي جايه
. يا ريت كل اللي يشوف البوست ده ينشره أكتر وأكتر يا جمااعه و كل واحد ف ثانويه عامه يقرااه عشاان الكل يستفااد.. و شيرز كتيره و منشن لأصحاابك اللي ف ثانويه مش هافكركو ياا ناااس..
