02/04/2026
السؤال المتكرر اليومين دول
هل تطعيم الالتهاب السحائي مهم ؟
طبعا مهم جدا جدا
الالتهاب السحائي مرض خطير قد يسبب مضاعفات سريعة وخطيره ودائمه
👈عشان كدا بنأكد علي أهمية التطعيم
اللي بيحمي من الالتهاب السحائي الذي تسببه بكتيريا Neisseria meningitidis بأنواعها A, C, W, Y.
👈في كذا تطعيم متاح
من أهمهم تطعيم اسمه (نيمنركس )
👈وجرعاته بتتحدد حسب عمر الطفل :
-✅من عمر 6 اسابيع الي عمر 6 شهور : جرعتين بينهم شهرين علي الاقل وجرعة منشطة عند عمر 12 شهر.
✅- من عمر 6شهور الي 12شهر : جرعة واحدة وجرعة اخري منشطة عند عمر 12 شهر علي أن يكون الفارق بين الجرعتين شهرين علي الاقل .
✅- من عمر سنة والأطفال والبالغين والكبار : جرعة واحدة فقط .
✅يوفر تطعيم نيمنركس حماية مدي الحياة من مرض الحمي الشوكية ( السحائي) .
لا يحتاج الي إعادة التطعيم كل ثلاث سنوات .
📢📢📢❇️ولكن في معلومه مهمه جدا
واشاره مهمه جدا
✅اولا :المعلومه🧏🧏
ان الالتهاب السحائي بيعمله اسباب كتير فيروستات وبكتيريا وطفيليات كمان
التطعيم ضد نوع واحد بكتيري انما باقي الفيروسات والبكتيريا ممكن تعمله
يعني ببساطه دور الهيربس مثلا وخصوصا فالرضع ممكن يعمله
نزله معويه ممكن تقلب بالتهاب سحائي
يعني التعب ممكن يكون اعراض بسيطه فالاول ويتحول لالتهاب سحائي
🙆♂️🙆♂️وهنا إيه المهم يتعمل؟؟؟
🧏♂️🧏♂️المهم اللي يتعمل هو اللي بنتكلم فيه من زمان
عزل اي طفل مريض ولو دور برد عن اخواته او اجازه لو كان في مدرسه او حضانه
🧏♂️🧏♂️اي فرد فالاسره يتجنب الاطفال لو تعبان ويلبس كمامه
ممنوع بوس الاطفال وخاصه الرضع
❇️ثانيا :الاشاره
الالتهاب السحائي مش مرض جديد
في حالات اليومين دول بس بنفس معدل السنوات اللي فاتت
يعني مفيش انتشار وبائي
فنعمل اللي علينا فقط ولا داعي للذعر
