04/07/2026
🚨 الحر + البروفين + بعض أدوية الضغط… خلي بالك على كليتك!
مع موجة الحر، ناس كتير بتاخد بروفين، كتافلام أو فولتارين لأي ألم، وهي أصلًا بتستخدم أدوية للضغط.
لكن اللي ناس كتير متعرفوش إن بعض أدوية الضغط، خصوصًا:
💊 Tritace أو Capoten أو Coversyl (من مجموعة ACE inhibitors)
💊 Co-Diovan أو Co-Aprovel أو Micardis Plus (من مجموعة ARBs، وبعضها يحتوي أيضًا على مدر للبول)
💊 أو مدرات البول مثل Lasix أو Natrilix SR
لما تجتمع مع مسكنات زي البروفين، كتافلام أو فولتارين، ومع الجفاف بسبب الحر أو قلة شرب السوائل، ممكن تقلل تدفق الدم إلى الكلى وتزيد خطر حدوث إصابة حادة بالكلى، خاصة عند:
✅ مرضى الكلى.
✅ كبار السن.
✅ مرضى الضغط أو القلب.
✅ أي شخص عنده جفاف بسبب الحر، القيء أو الإسهال.
⚠️ ده لا معناه إن كل واحد ياخد بروفين هتتضر كليته. لكن لو عندك مرض بالكلى أو بتستخدم الأدوية دي، ما تاخدش المسكنات من نفسك، واستشير طبيبك أو الصيدلي أولًا.
💧 وفي الحر… حافظ على شرب السوائل بالكمية المناسبة لحالتك الصحية، خصوصًا إذا أوصى طبيبك بذلك.
📌 تابعوا الصفحة لمزيد من التوعية الطبية
د/ريم كرم💙
